NTR’s EMK Show: ‘ఎవరు మీలో కోటీశ్వరులు’ అంటూ బుల్లితెరపై సందడి కొనసాగుతోంది. జూనియర్ ఎన్టీఆర్ తనదైన శైలిలో ఆకట్టుకునేలా హోస్టింగ్ ఇరగదీస్తున్నాడు. జెమినీ టీవీలో ప్రసారమవుతున్న ఈ షోను బుల్లితెర ప్రేక్షకులు బాగానే ఆదరిస్తున్నారు. అయితే సెలబ్రెటీలను తీసుకొస్తే మరింత హైప్ వస్తుందని భావిస్తున్న జూనియర్ ఎన్టీఆర్(NTR) తాజాగా ఇండస్ట్రీలోని తన మిత్రులను, స్టార్ సినీ ప్రముఖులను రప్పిస్తున్నారు.
ఇప్పటికే రాంచరణ్ ను పిలిపించి తొలి సెలబ్రెటీగా అతడితో కలిసి ‘ఎవరూ మీలో కోటీశ్వరులు’ గేమ్ ఆడారు. ఈ షో రక్తికట్టింది. వ్యూయర్ షిప్ బాగా వచ్చింది. ఇందులో రాంచరణ్(Ram Charan) 25 లక్షలు గెలుచుకొని ‘చిరంజీవి ఐ, బ్లడ్’ బ్యాంకు చారిటీలకు ఇచ్చేశారు. ఇక రాంచరణ్ తర్వాత సోమవారం దిగ్గజ టాలీవుడ్ దర్శకులు రాజమౌళి, కొరటాల శివను ఎన్టీఆర్ రప్పించాడు. వారు కూడా బాగానే ఆడి అలరించారు.
ఇప్పుడు మహేష్ బాబు(Mahesh Babu) వంతు వచ్చింది. ఇటీవలే మహేష్ బాబు మీలో ఎవరు కోటీశ్వరుడు షోలో పాలుపంచుకున్న కొన్ని చిత్రాలు సోషల్ మీడియాలో వైరల్ అయ్యాయి. దీంతో మహేష్ తో షూటింగ్ పూర్తయినట్టు తెలిసింది. మహేష్ బాబు వచ్చిన షోను దసరాకు ప్రసారం చేస్తారని సమాచారం. ఎన్టీఆర్ హోస్ట్ గా మహేష్ తో పసందుగా గేమ్ ఆడారని.. మహేష్ బాబు అన్ని ప్రశ్నలకు సమాధానం చెప్పారని తెలిసింది. ఈ క్రమంలోనే 25 లక్షలు గెలుచుకున్నాడని సమాచారం. ఈ మొత్తాన్ని చిన్నారులకు గుండె ఆపరేషన్ చేయించే తన చారిటీకి విరాళంగా ఇవ్వనున్నట్టు మహేష్ బాబు చెప్పినట్టు తెలిసింది.
రాంచరణ్, రాజమౌళి-కొరటాల, మహేష్ బాబు ల తర్వాత ఎన్టీఆర్ షోకు వచ్చే గెస్ట్ ఎవరో లీక్ అయ్యింది. అతడే ‘బాహుబలి’తో ప్యాన్ ఇండియా స్టార్ గా మారిన ప్రభాస్(Prabhas).. ఓవర్ నైట్ దేశవ్యాప్తంగా పాపులర్ అయిన ప్రభాస్ వస్తే ‘షో’ కు మంచి హైప్ వస్తుందని.. జాతీయ స్థాయిలో పేరొస్తుందని ఎన్టీఆర్ గెస్ట్ గా ఆహ్వానించినట్టు తెలిసింది. డార్లింగ్ తో చిట్ చాట్ అంటే ఆ మజానే వేరు.. మరి ప్రభాస్ ఈ షోలో ఎంత గెలుచుకుంటాడు? ఎలా ఆడుతాడన్నది ఆసక్తి రేపుతోంది.
Web Title: Ntrs emk show after ram charan mahesh babu now its prabhas
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
