NTR: తెలుగు సినిమా ఇండస్ట్రీలో నందమూరి ఫ్యామిలీకి చాలా మంచి గుర్తింపైతే ఉంది. విశ్వ విఖ్యాత నటసార్వభౌమ శ్రీ నందమూరి తారక రామారావు దగ్గర నుంచి జూనియర్ ఎన్టీఆర్ వరకు ప్రతి ఒక్కరు వాళ్ళ సత్తా చాటుకున్న వారే కావడం విశేషం…ఇక సీనియర్ ఎన్టీఆర్ ఎప్పుడైతే రాజకీయ రంగ ప్రవేశం చేశాడో అప్పుడు బాలయ్య బాబు ఎన్టీఆర్ నట వారసుడిగా ఇండస్ట్రీకి ఎంట్రీ ఇచ్చాడు. ఆయన తన దైన రీతిలో సత్తా చాటడమే కాకుండా మాస్ లో విపరీతమైన ఫ్యాన్ ఫాలోయింగ్ ను సంపాదించుకున్నాడు. అలాంటి బాలయ్య బాబు ఈరోజుకి వరుసగా కమర్షియల్ సినిమాలను చేస్తూ ప్రేక్షకుల హృదయాలను దోచుకుంటున్నాడని చెప్పడంలో ఎలాంటి అతిశయోక్తి లేదు…జూనియర్ ఎన్టీఆర్ – కళ్యాణ్ రామ్ హీరోలుగా రాణిస్తున్నారు. వాళ్ళు సైతం వరుస సినిమాలను చేస్తూ నందమూరి ఫ్యామిలీ ప్రస్టేజ్ ను పెంచే ప్రయత్నం చేస్తున్నారు.
ఇక ఇలాంటి క్రమంలోనే కళ్యాణ్ రామ్ – జూనియర్ ఎన్టీఆర్ మధ్య చిన్నతనంలో పెద్దగా మాటలు ఉండేవి కాదని కొంతమంది తన ఫ్యామిలీ కి దగ్గరగా ఉన్న వాళ్ళు కొన్ని ఇంటర్వ్యూల్లో చెబుతున్నారు. కారణం ఏంటంటే జానకిరామ్, సుహాసిని, కళ్యాణ్ రామ్ హరికృష్ణ మొదటి భార్య బిడ్డలు…
జూనియర్ ఎన్టీఆర్ మాత్రం హరికృష్ణ సెకండ్ భార్య కొడుకు కావడం వల్ల జూనియర్ ఎన్టీఆర్ పెద్దగా ఈ ఫ్యామిలీతో కలిసే అవకాశం లేకుండా పోయింది. చిన్నతనంలో కళ్యాణ్ రామ్ ఎన్టీఆర్ కి పెద్దగా కనెక్టివిటి కూడా ఉండేది కాదట. ఇక వీళ్లిద్దరి మధ్య అలాంటి ఉద్దేశ్యంతో హరికృష్ణ పెద్ద అయిన తర్వాత ఇద్దరు హీరోలుగా మారినప్పుడు వీళ్లిద్దరిని కలిపే ప్రయత్నం చేశాడు. దాంతో ఇద్దరు అన్నదమ్ములుగా చాలా బాగా కలిసిపోయారు. ఇప్పటికైతే కళ్యాణ్ రామ్, జూనియర్ ఎన్టీఆర్ ఇద్దరు ఒకే తాటిపైన ముందుకు సాగుతున్నారు.
ఇక వీళ్లిద్దరు కలిసి పోతే బాలయ్య బాబు మాత్రం వీళ్లకు బిన్నంగా దూసుకెళ్తున్నాడు. ఇప్పుడు బాలయ్య బాబుది ఒక వర్గం, జూనియర్ ఎన్టీఆర్ ది మరొక వర్గం అనేలా నందమూరి ఫ్యామిలీ రెండు భాగాలుగా విడిపోయిందనే చెప్పాలి. మరి వీళ్ళు కలిస్తే చూడాలని నందమూరి అభిమానులు కోరుకుంటున్నారు. కానీ అది ఈ మధ్యకాలంలో జరిగే అవకాశం కనిపించడం లేదనే చెప్పాలి…
