ఆన్ లైన్లో డ్రెస్ వేలం వేయనున్న మల్లు బ్యూటీ

చిత్రసీమలో మల్టీ టాలెంటెడ్ హీరోయిన్ గా నిత్యమీనన్ కు మంచి పేరుంది. ఈ బ్యూటీ తెలుగు, తమిళ, మళయాళం, హిందీ భాషల్లోని సినిమాల్లో నటించి మెప్పించింది. తన అందం, అభినయంతో లక్షలాది అభిమానులను సంపాదించుకుంది. నిత్యమీనన్ నటనతోపాటు తెలుగులోని తన సినిమాల్లో పలు పాటలుపాడి అభిమానులను మెస్మరైజ్ చేసింది. నిత్యమీనన్ కు టాలీవుడ్లో భారీ ఫ్యాన్ ఫాలోయింగ్ ఉంది. తాజాగా నిత్యమీనన్ ఓ మంచి కోసం తన డ్రెస్ వేలం వేసేందుకు సిద్ధపడింది. ఈ వేలంపాటలో వచ్చిన డబ్బులను పేదలకు కోసం పనిచేస్తున్న ‘అర్పణం’ ట్రస్టుకు అందజేయనున్నారు.

ఈమేరకు నిత్యమీనన్ తన ఇన్ స్ట్రాగ్రామ్లో ఇందుకు సంబంధించిన ఓ వీడియోను పోస్టు చేసింది. తన డ్రెస్ ఎందుకు వేలం వేయాలనుకుంటుందో? డ్రెస్ డిజైన్ ఎలా ఉందో చెబుతూ వీడియో విడుదల చేసింది. తన కోసం తన ఫ్రెండ్‌, డిజైనర్‌ కావేరి డిజైన్‌ ఈ డ్రెస్ డిజైన్ చేసినట్లు చెప్పింది. లాక్మే ఫ్యాషన్‌ వీక్‌లో ధరించిన డ్రస్‌ను వేలం వేస్తున్నట్లు నిత్యమీనన్ తెలిపింది. ఈ వేలంలో వచ్చిన డబ్బులను అర్పణం ట్రస్ట్‌కి ఇస్తానని చెప్పింది. ఈ ట్రస్ట్‌ గ్రామాల్లో పేదలకు సహాయ సహకారాలు అందిస్తుందని చెప్పింది. మే 16న ఆదివారం 4గంటలకు @indiawasted అనే సైట్‌లో ఆక్షన్ జరుగనుందని తన ఇన్ స్ట్రాలో పోస్టు చేసింది. ఆసక్తి ఉన్నవారేవరైనా వేలంపాటలో పాల్గొనవచ్చని స్పష్టం చేసింది. అత్యధిక ధర చెల్లించిన వారికే తన డ్రెస్ దక్కుతుందని నిత్యామీనన్ చెప్పింది. అదేవిధంగా లాక్మే ఫ్యాషన్ వీక్‌లో తాను ధరించిన డ్రెస్సుకు సంబంధించిన వీడియోను నిత్యామీనన్ షేర్ చేసింది. నిత్యమీనన్ ధరించిన ఈ అందమైన డ్రెస్ ను వేలంపాటలో ఎవరు దక్కించుకుంటారు? ఎంత ధర పలుకుందోననే ఆసక్తి నెలకొంది. రేపు వేలంపాట ముగిశాక దీనిపై మరింత క్లారిటీ రానుంది. అంతవరకు వేచి చూడాల్సిందే..!