Megastar Chiranjeevi: మెగాస్టార్ చిరంజీవి ప్రస్తుతం వరుస సినిమాలతో దూసుకుపోతూ ఫుల్ ఫామ్ లో ఉన్నారు. యంగ్ హీరో లకు ఏ మాత్రం తగ్గకుండా వరుస సినిమాలతో ఫుల్ బిజీ గా ఉన్నారు చిరు. అయితే దీపావళి కానుకగా అదిరిపోయే అప్డేట్ ను మెగా అభిమానులకు గిఫ్ట్ గా ఇచ్చారు చిరంజీవి. ఆయన ప్రస్తుతం దర్శకుడు కె.ఎస్. రవీంద్ర (బాబీ) డైరెక్షన్ లో ఒక సినిమాను చేయునున్నట్లు ఇటీవల చిరంజీవి పుట్టిన రోజు నాడు ప్రకటించారు. అయితే ఇప్పుడు తాజాగా ఈ మూవీ కి సంబంధించి… నవంబర్ 6 న పూజా కార్యక్రమాలతో లాంఛనంగా సినిమాను ప్రారంభం చేయనున్నట్లు ప్రకటించారు.
ఈ మేరకు సోషల్ మీడియా వేదికగా ఓ పోస్టర్ ను రిలీజ్ చేసింది చిత్ర బృందం. ఈ పోస్టర్ లో “దీపావళితో సంబరాలకు ఎండ్ కార్డు పడటం లేదు. మెగా ఫెస్టివల్ ముందుంది. నవంబర్ 6న మరిన్ని పూనకాలు లోడ్ అవుతాయి” అని మైత్రీ మూవీ మేకర్స్ ప్రకటించారు. నవంబర్ 6న ఉదయం 11.43 గంటలకు పూజా కార్యక్రమాలతో లాంఛనంగా ఈ సినిమా ప్రారంభం కానుంది. అలానే 12.06 గంటలకు మెగాస్టార్ మాస్ మూలవిరాట్ దర్శనం అని దర్శకుడు కె.ఎస్. రవీంద్ర తెలిపారు.
Celebration doesn't end with Diwali!
In front, there is MEGA festival 💥💥
More #PoonakaaluLoading on 6th November 🤙🤙
Megastar @KChiruTweets @dirbobby @ThisIsDSP 🔥🔥 pic.twitter.com/bujADOPRrH
— Mythri Movie Makers (@MythriOfficial) November 4, 2021
విశాఖ సముద్ర తీర ప్రాంత నేపథ్యంలో ఈ సినిమా తెరకెక్కుతోంది. ఇందులో వాల్తేరు వీరయ్యగా చిరంజీవి కనిపిస్తారని, సినిమాలో ఆయన పేరే టైటిల్గా ఫిక్స్ చేశారని సమాచారం. కాగా సినిమా ప్రారంభం రోజున టైటిల్ ను కూడా ప్రకటిస్తారా లేదా అనేది తెలియాల్సి ఉంది. మెగాస్టార్ చిరంజీవికి కె.ఎస్. రవీంద్ర వీరాభిమాని అనిన్ తెలిసిందే. దీంతో సాటి అభిమానిగా మెగాస్టార్ను ఏ రేంజ్ లో చూపిస్తారో అని అందరూ ఎదురు చూస్తున్నారు.
