LIK movie first day collections: వరుస హ్యాట్రిక్ హిట్ చిత్రాల తర్వాత ప్రదీప్ రంగనాథన్(Pradeep Ranganathan) హీరో గా నటించిన ‘LIK’ చిత్రం నిన్న ప్రపంచవ్యాప్తంగా తెలుగు, తమిళ భాషల్లో గ్రాండ్ గా రిలీజ్ అయ్యింది. ఎప్పుడో విడుదల అవ్వాల్సిన సినిమా , బాగా ఆలస్యం అవ్వడం తో ఈ చిత్రం పై మార్కెట్ లో ఎందుకో అనుకున్నంత రేంజ్ లో బజ్ క్రియేట్ అవ్వలేదు. కానీ తమిళనాడు యూత్ మాత్రం ఈ చిత్రానికి బ్రహ్మరథం పట్టారు. డివైడ్ టాక్ వచ్చినప్పటికీ కూడా అసలు పట్టించుకోవడం లేదు. ప్రదీప్ సినిమా అంటే మినిమం గ్యారంటీ ఉంటుంది అనే నమ్మకం తో థియేటర్స్ లో కదులుతున్నారు. ఫలితంగా ఈ చిత్రానికి మొదటి రోజుకంటే రెండవ రోజు ఎక్కువ వసూళ్లు నమోదయ్యే అవకాశాలు ఉన్నాయని అంటున్నారు ట్రేడ్ విశ్లేషకులు. అడ్వాన్స్ బుకింగ్స్ కూడా తమిళనాడు రెండవ రోజు చాలా స్ట్రాంగ్ గా ఉన్నాయి.
అక్కడి ట్రేడ్ విశ్లేషకులు అందిస్తున్న సమాచారం ప్రకారం చూస్తే ఈ చిత్రానికి కేవలం తమిళనాడు ప్రాంతం నుండి 6 కోట్ల రూపాయలకు పైగా గ్రాస్ వసూళ్లు నమోదు అయ్యాయి అట. ఎలాంటి బజ్ క్రియేట్ చేయని మూవీ కి ఈ రేంజ్ గ్రాస్ రావడం అనేది సాధారణమైన విషయం కాదు. తమిళనాడు పరిస్థితి అలా ఉంటే , తెలుగు రాష్ట్ర పరిస్థితి పూర్తి భిన్నంగా ఉంది. ట్రేడ్ విశ్లేషకులు అందిస్తున్న సమాచారం ప్రకారం చూస్తుంటే , ఈ చిత్రానికి తెలుగు వెర్షన్ నుండి 2 కోట్ల రూపాయిల గ్రాస్ వసూళ్లు మాత్రమే నమోదు అయ్యాయి అట. ప్రదీప్ గత ‘డ్యూడ్’ ఓపెనింగ్ తో పోలిస్తే చాలా తక్కువ అనే చెప్పాలి. రాయలసీమ ప్రాంతం లో అయితే ఈ చిత్రం పరిస్థితి వర్ణనాతీతం అనే చెప్పొచ్చు. సీమ మొత్తానికి కలిపి ఈ చిత్రానికి కేవలం 9 లక్షల రూపాయిల గ్రాస్ వసూళ్లు మాత్రమే వచ్చాయట.
హైదరాబాద్ సిటీ లో కేవలం ఒక్క థియేటర్ నుండి నమోదు అయ్యే గ్రాస్ వసూళ్లు ఇది. నార్త్ అమెరికా లో కూడా వసూళ్లు ఏ మాత్రం పుంజుకోలేదు. ప్రీమియర్ షోస్ + మొదటి రోజు కలిపి కేవలం 80 వేల డాలర్లు మాత్రమే నమోదు అయ్యాయి. ఓవరాల్ గా ఈ చిత్రానికి తెలుగు + తమిళ భాషలకు కలిపి ప్రపంచవ్యాప్తంగా 15 కోట్ల రూపాయిల గ్రాస్ వసూళ్లు నమోదు అయ్యాయి. డివైడ్ టాక్ మీద ఈ రేంజ్ గ్రాస్ వసూళ్లను రాబట్టడం అనేది సాధారణమైన విషయం కాదు. అయితే బ్యాడ్ లక్ ఏమిటంటే, ఈ సినిమా 100 కోట్ల గ్రాస్ మార్కుని అందుకోవడం అసాధ్యం. ఇదే ట్రెండ్ కొనసాగితే ఈ చిత్రానికి 50 నుండి 60 లక్షల రూపాయిల రేంజ్ లో గ్రాస్ వసూళ్లు క్లోజింగ్ లో నమోదు అవుతాయని అంటున్నారు ట్రేడ్ విశ్లేషకులు.
