Abbas Emotional Comments: ఒకప్పుడు యూత్ ఆడియన్స్ లో విపరీతమైన ఫ్యాన్ ఫాలోయింగ్ ని సంపాదించుకున్న హీరోల్లో ఒకరు అబ్బాస్. ముఖ్యంగా అమ్మాయిల్లో ఈయనకు ఉన్నటువంటి క్రేజ్ , అప్పట్లో ఏ హీరో కి ఉండేది కాదు. ప్రేమ దేశం చిత్రం తో వెండితెర అరంగేట్రం చేసిన ఈయన , తొలిసినిమాతోనే భారీ బ్లాక్ బస్టర్ ని అందుకున్నాడు. ఆ సినిమా తర్వాత ఆయన హీరో గా ఎన్నో సూపర్ హిట్ చిత్రాల్లో నటించాడు కానీ , స్టార్ స్టేటస్ ని మాత్రం సంపాదించలేకపోయాడు. ఒకానొక సమయం లో ఆయనకు వరుసగా డిజాస్టర్ ఫ్లాప్స్ రావడం వల్ల, ఫేడ్ అవుట్ అయిపోయాడు. దీంతో ఆయన్ని హీరో గా పెట్టి సినిమాలు తీయడానికి నిర్మాతలు ధైర్యం చెయ్యలేని పరిస్థితి రావడం తో , ఇతర హీరోల సినిమాల్లో క్యారక్టర్ రోల్స్ చేయడం మొదలు పెట్టాడు. కొన్నాళ్ళకు ఆ క్యారెక్టర్ రోల్స్ కూడా రావడం ఆగిపోయాయి .
ఆ సమయం లో తనకు ఎదురైనా సంఘటన గురించి రీసెంట్ గా జరిగిన ఒక ఇంటర్వ్యూ లో చెప్పుకొచ్చాడు అబ్బాస్. ఆయన మాట్లాడిన ఈ మాటలు వింటే , అయ్యో పాపం అనిపించక తప్పదు. ఆయన మాట్లాడుతూ ‘ఒకానొక సమయం లో నాకు సినిమా అవకాశాలు రావడం పూర్తిగా ఆగిపోయాయి. చాలా ఇబ్బందికరమైన పరిస్థితి ఏర్పడింది. అలాంటి కఠినమైన సమయం లో హార్పిక్ బ్రాండ్ కి నేను చేసిన యాడ్ నా జీవితానికి ఎంతో ఉపయోగపడింది. దాదాపుగా ఆ యాడ్ కాంట్రాక్టు కి 8 సంవత్సరాలు పని చేసాను. దాని ద్వారా వచ్చిన డబ్బుతోనే నేను ఆర్థికంగా స్థిరపడ్డాను అని గర్వం గా చెప్పుకోగలను. ఆ బ్రాండ్ యాజమాన్యం అన్నేళ్లు నన్ను పెంచి పోషించింది. సమాజం ఏమనుకున్నా సరే, హార్పిక్ యాడ్ వాళ్ళ నా కంచం లోక్ అన్నం ముద్ద వచ్చింది. వాళ్ళే నాకు అన్నం పెట్టారు , జీవితం లో ఎప్పటికీ వాళ్ళని మర్చిపోలేను’ అంటూ చెప్పుకొచ్చాడు అబ్బాస్. ఆయన మాట్లాడిన ఈ మాటలు ఇప్పుడు సోషల్ మీడియా లో బాగా వైరల్ అయ్యాయి.
ఇకపోతే రీసెంట్ గానే ఆయన సినిమాల్లోకి రీ ఎంట్రీ ఇచ్చాడు. జీవీ ప్రకాష్ కుమార్ హీరో గా నటించిన ‘హ్యాపీ రాజ్’ అనే చిత్రం లో అబ్బాస్ ఒక కీలక పాత్ర పోషించాడు. ఈ సినిమా కమర్షియల్ గా మంచి హిట్ అయ్యింది. ఓటీటీ లో కూడా ఆడియన్స్ నుండి ఈ చిత్రం మంచి రెస్పాన్స్ ని సొంతం చేసుకుంది. హ్యాపీ రాజ్ లో నాకు అద్భుతమైన పాత్ర దొరికిందని , భవిష్యత్తులో ఇలాంటి పాత్రలు వస్తే చేయడానికి సిద్ధంగా ఉన్నానని ఈ సందర్భంగా ఆయన చెప్పుకొచ్చాడు . మరి ఈ సెకండ్ ఇన్నింగ్స్ అబ్బాస్ కి ఎలా ఉండబోతుందో రాబోయే రోజుల్లో చూడాలి.
