Hanuman Ansh: రీసెంట్ గా బాలీవుడ్ లో కేవలం 2 కోట్ల బడ్జెట్ తో తెరకెక్కిన ‘హనుమాన్ అంశ’ చిత్రం బాక్స్ ఆఫీస్ వద్ద సృష్టించిన వసూళ్ల సునామీ సాధారణమైనది కాదు. దాదాపుగా 430 కోట్ల రూపాయలకు పైగా గ్రాస్ వసూళ్లను రాబట్టిన ఈ చిత్రం , నేడు తెలుగు లో విడుదలైంది. నీమ్ కరోలి బాబా జీవిత చరిత్ర ని ఆధారంగా తీసుకొని తెరకెక్కించిన ఈ సినిమాకు ఆడియన్స్ ఈ స్థాయిలో బ్రహ్మరధం పట్టడానికి కారణం, కథలోని సహజత్వం, ఎమోషనల్ సన్నివేశాలే అని చెప్పడంలో ఎలాంటి సందేహం లేదు. నేడు తెలుగు ఆడియన్స్ నుండి కూడా ఈ చిత్రానికి అద్భుతమైన రివ్యూస్ వచ్చాయి. బుక్ మై షో యాప్ లో ఈ సినిమా తెలుగు వెర్షన్ కి గంటకు 2 వేలకు పైగా టిక్కెట్లు అమ్ముడుపోతున్నాయి. ఊపు చూస్తుంటే కచ్చితంగా ఈ సినిమా తెలుగు వెర్షన్ నుండి 10 కోట్లకు పైగా గ్రాస్ వసూళ్లను రాబట్టేలా ఉందని అనిపిస్తోంది.
అయితే ఈ చిత్రాన్ని ప్రముఖ నిర్మాత సురేష్ బాబు తెలుగు లో తన సోదరుడు వెంకటేష్ తో రీమేక్ చెయ్యాలని అనుకున్నాడట. కానీ వెంకటేష్ మాత్రం రిజెక్ట్ చేసినట్టు తెలుస్తోంది. ఎందుకంటే ఇలాంటి సినిమాలు తెలుగు లో కమర్షియల్ గా వర్కౌట్ అవ్వవు , ఒకవేళ మన ఆడియన్స్ కోసం కమర్షియల్ ఎలిమెంట్స్ ని యాడ్ చేస్తే , సినిమాలోని సోల్ మిస్ అవుతుంది . అందుకే వద్దని చెప్పాడట. దీంతో ఈ సినిమాని తెలుగు లో డబ్ చేసి విడుదల చేశారు. సాధారణంగా వెంకటేష్ లో ఆధ్యాత్మిక విలువలు ఎక్కువగా ఉంటాయి. ఆయన మాట్లాడే మాటలు సామాన్యులకు అంతు చిక్కవు అని అంటూ ఉంటారు. అలాంటి వెంకటేష్ ఈ చిత్రాన్ని చేసుంటే చాలా బాగుండేది అని , అసలు ఎవరికీ పరిచయం లేని వ్యక్తి హీరో గా చేస్తేనే ఈ రేంజ్ గ్రాస్ వసూళ్లు వచ్చాయంటే , వెంకటేష్ చేసుంటే కచ్చితంగా బాక్స్ ఆఫీస్ వద్ద అద్భుతాలు నెలకొల్పేవి అని అంటున్నారు.
అయితే ఈ చిత్రాన్ని తెలుగు ఆడియన్స్ ఎంత దూరం తీసుకెళ్తారో చూడాలి. ఎందుకంటే మన ఆడియన్స్ ఎక్కువ కమర్షియల్ ఫార్మటు సినిమాలకు అలవాటు పడ్డారు. వాళ్లకు ఇలాంటి సినిమాలు ఎక్కించుకోవడానికి చాలా సమయం పడుతుంది. కానీ A సెంటర్ ఆడియన్స్ మాత్రం ఈ చిత్రానికి బ్రహ్మరథం పడుతున్నారని ఓపెనింగ్స్ చూస్తేనే అర్థం అవుతోంది. మరి రాబోయే రోజుల్లో మాస్ సెంటర్స్ ఆడియన్స్ కూడా ఈ చిత్రాన్ని ఆదరిస్తారా లేదా అనేది చూడాలి.
