Dil Raju Party Rajamouli Naatu Step: పార్టీలో రాజమౌళి చేసిన పనికి అందరూ షాక్

Dil Raju Party Rajamouli Naatu Step: ‘ఆర్ఆర్ఆర్’ సినిమా కలెక్షన్స్ చూసి భారతీయ సినీ బాక్సాఫీస్ మాత్రమే కాదు, ‘ఆర్ఆర్ఆర్’ సినిమాను కొనుకున్న డిస్ట్రిబ్యూటర్స్ సైతం ఒక తెలుగు సినిమాకి ఈ స్థాయి కలెక్షన్సా ? అంటూ సంభ్రమాశ్చర్యాలకు లోనవుతున్నారు. అసలు ఈ సినిమా రోజురోజుకు వందల కోట్లును ఎలా కలెక్ట్ చేస్తోంది ? అని ట్రేడ్‌ పండితులు సైతం ఆశ్చర్యచకితులు అవుతున్నారు.

 

ప్రపంచ సినీ లోకాన్ని ‘ఆర్ఆర్ఆర్’ ఆ స్థాయిలో ఓ ఊపు ఊపేస్తోంది. కలెక్షన్ల విషయంలో సునామీ సృష్టిస్తోంది. ఈ చిత్రంతో తెలుగు సినిమా ఖ్యాతిని దేశవ్యాప్తంగా మరో మెట్టు ఎక్కించాడు జక్కన్న. ఒక సౌత్ సినిమా కేవలం పది రోజుల్లోనే రూ.900 కోట్ల గ్రాస్ సాధిస్తోందని ఏ నిర్మాత కలలో కూడా ఊహించలేదు.

Also Read: IPL 2022: రైజర్స్ కథ మళ్లీ కంచికి.. సభ్యులు మారినా తలరాత మారలే.. టాప్ లోకి ఆ జట్టు

రేపటితో రూ.1000 కోట్ల మార్క్ ను కూడా దాటేస్తోంది. దాంతో ‘ఆర్ఆర్ఆర్’ టీం పండగ చేసుకుంటున్నారు. తాజాగా నిర్మాత దిల్ రాజు ‘ఆర్ఆర్ఆర్’ టీమ్ కు హైదరాబాద్ లో గ్రాండ్ గా ఓ పార్టీ ఇచ్చాడు. ఈ పార్టీకి చరణ్, ఎన్టీఆర్ సతీసమేతంగా రావడం విశేషం. అలాగే రాజమౌళితో పాటు ‘ఆర్ఆర్ఆర్’ యూనిట్ సభ్యులందరూ హాజరయ్యారు.

అయితే, ఈ పార్టీలో ఒక ఆసక్తికర సంఘటన జరిగింది. ఈ పార్టీలో రాజమౌళి అదిరిపోయే స్టెప్ లు వేశారు. డైరెక్టర్ అనిల్ రావిపూడితో కలిసి రాజమౌళి ‘నాటు నాటు’ సాంగ్ కి డాన్స్ చేసి ఆశ్చర్యపరిచారు. రాజమౌళి స్టెప్స్ చూసి ఎన్టీఆర్ తో సహా అక్కడున్న వారంతా చప్పట్లు కొడుతూ తెగ సంబర పడిపోయారు. ప్రస్తుతం సోషల్ మీడియాలో ఈ వీడియో తెగ వైరల్ అవుతోంది.

ఐతే, లాభం లేనిది, మాట కూడా కలపని దిల్ రాజు ఇంతకీ పార్టీ ఎందుకు ఇచ్చాడు ?.. కారణం, ‘ఆర్ఆర్ఆర్’ నైజాం పంపిణీ రైట్స్ ను దిల్ రాజే కొనుక్కున్నాడు. నైజాంలో ‘ఆర్ఆర్ఆర్’ 100 కోట్ల మార్క్‌ దాటింది. నైజంలో ఈ స్థాయి కలెక్షన్స్ ను రాబట్టిన తొలి చిత్రంగా “ఆర్‌ఆర్‌ఆర్‌” సరికొత్త రికార్డును సృష్టించింది.

మొత్తానికి లాభాల ప్రళయంలో ‘దిల్ రాజు’ పై కాసుల వర్షం కురిసింది. దాంతో.. ఆ ఆనందాన్ని నలుగురితో పంచుకోవడానికి దిల్ రాజు ‘ఆర్ఆర్ఆర్’ టీమ్‌ కి గ్రాండ్ పార్టీ ఇచ్చి అందర్నీ ఆహ్వానించాడు. ఈ పార్టీకి ఇతర హీరోలు కూడా వచ్చారు. అందరూ సక్సెస్ మూడ్ ను ఎంజాయ్ చేశారు. అయితే.. రాజమౌళి స్టెప్స్ మాత్రం ఈ పార్టీకి ప్రత్యేక ఆకర్షణగా నిలిచాయి

Also Read:AP GOVT Key decision On SPOS: స్పెషల్ పోలీసులకు ఎసరు.. మాజీ సైనికుల పోరుబాట

Ace Director @ssrajamouli fulfilled the promise he made to @Tarak9999 in @AnilRavipudi’s interview. #RRRMovie 🔥🌊🌟

Shook his leg with Director Anil Ravipudi for ‘Naatu Naatu’ step pic.twitter.com/i6kedTLIsW

— BA Raju’s Team (@baraju_SuperHit) April 4, 2022