Biker Movie 10 Days Worldwide Collections: ‘నారీ నారీ నడుమ మురారి’ చిత్రం తో భారీ బ్లాక్ బస్టర్ హిట్ ని అందుకొని , మళ్లీ సక్సెస్ ట్రాక్ లోకి వచ్చిన శర్వానంద్(Actor Sharwanand) , ఈ నెల 2న ‘బైకర్'(Biker Movie) మూవీ తో మరోసారి మన ముందుకొచ్చిన సంగతి తెలిసిందే. ఈ సినిమాకు మొదటి రోజు మొదటి ఆట నుండే మంచి పాజిటివ్ టాక్ వచ్చింది. కానీ ఆ టాక్ కలెక్షన్స్ ని మాత్రం ఆశించిన స్థాయిలో రప్పించలేకపోయింది. ఈ సినిమాకు చాలా డీసెంట్ స్థాయి థియేట్రికల్ రన్ ఉంది , ఇప్పటికీ మంచి డీసెంట్ రన్ వస్తోంది , కానీ అది బ్రేక్ ఈవెన్ మార్కుని అందుకోవడానికి ఏ మాత్రం కూడా సరిపోదు. విడుదలకు ముందు ఈ చిత్రానికి అక్షరాలా 22 కోట్ల రూపాయిల రేంజ్ లో ప్రీ రిలీజ్ థియేట్రికల్ బిజినెస్ జరిగింది.
10 రోజుల థియేట్రికల్ రన్ ని పూర్తి చేసుకున్న ఈ చిత్రం , ప్రపంచవ్యాప్తంగా ఎంత వసూళ్లను రాబట్టింది అనేది ఇప్పుడు మనం చూడబోతున్నాం. నైజాం ప్రాంతం లో ఈ చిత్రానికి దాదాపుగా 4 కోట్ల 65 లక్షల రూపాయిల షేర్ వసూళ్లు వచ్చాయి. ప్రపంచవ్యాప్తంగా మిగిలిన ప్రాంతాలతో పోలిస్తే అత్యధిక వసూళ్లు ఈ ప్రాంతం నుండే వచ్చాయి. అదే విధంగా సీడెడ్ + ఆంధ్ర ప్రదేశ్ నుండి ఈ చిత్రానికి 3 కోట్ల 50 లక్షల రూపాయిల షేర్ వసూలు వచ్చాయి. ఓవరాల్ గా ఈ చిత్రానికి తెలుగు రాష్ట్రాల నుండి 8 కోట్ల 15 లక్షల రూపాయిల షేర్ వసూళ్లు వచ్చాయి. ఇక కర్ణాటక + రెస్ట్ ఆఫ్ ఇండియా ప్రాంతాల నుండి కోటి రూపాయలకు పైగా షేర్ వసూళ్లను రాబట్టిన ఈ చిత్రం , ఓవర్సీస్ నుండి 1 కోటి 30 లక్షల రూపాయిల షేర్ వసూళ్లను రాబట్టింది.
సాధారణంగా ఇలాంటి సినిమాలకు ఓవర్సీస్ ఆడియన్స్ మంచి వసూళ్లను అందిస్తుంటారు. కానీ ఎందుకో ఈ చిత్రానికి ఆ ప్రాంతం నుండి కనీస స్థాయి వసూళ్లు కూడా నమోదు అవ్వలేదు. ఇది నిర్మాతకు చాలా పెద్ద షాక్ అనే చెప్పాలి. ఓవరాల్ గా ఈ చిత్రానికి ప్రపంచవ్యాప్తంగా వచ్చిన వసూళ్లు 10 కోట్ల 50 లక్షల రూపాయిలు. గ్రాస్ వసూళ్లు దాదాపుగా 18 కోట్ల 70 లక్షల రూపాయిల వరకు ఉంటుంది. బ్రేక్ ఈవెన్ మార్కుని అందుకోవాలంటే ఈ సినిమా ఇంకా 12 కోట్ల రూపాయలకు పైగా షేర్ వసూళ్లను రాబట్టాల్సి ఉంటుంది. ఆ రేంజ్ షేర్ వసూళ్లను రాబట్టడం దాదాపుగా అసాధ్యం. ప్రస్తుతం ఉన్న పరిస్థితుల ప్రకారం చూస్తే ఈ సినిమా కేవలం మరో 2 కోట్ల రూపాయిల షేర్ వసూళ్లను మాత్రమే రాబట్టగలదు. విడుదలకు ముందు సరైన హైప్ ని క్రియేట్ చేయలేకపోవడం వల్ల ఈ సినిమాకు పాజిటివ్ టాక్ వచ్చినప్పటికీ బ్రేక్ ఈవెన్ మార్కుని అందుకోవడం కష్టం గా మారింది.
