Bigg Boss 10 Telugu: గత ఏడాది ప్రసారమైన ‘బిగ్ బాస్ 9’ ఎంతటి సెన్సేషనల్ బ్లాక్ బస్టర్ అనేది ప్రత్యేకించి చెప్పనవసరం లేదు. ముందు సీజన్స్ తో పోలిస్తే , గత సీజన్ లో జరిగిన గొడవలు చాలా తక్కువే, కానీ కంటెస్టెంట్స్ మధ్య ఉన్నటువంటి అనుబంధానికి ఫ్యామిలీ ఆడియన్స్ కనెక్ట్ అవ్వడం తో ఈ సీజన్ వేరే లెవెల్ కి వెళ్ళింది. ‘బిగ్ బాస్ తెలుగు’ హిస్టరీ లోనే అత్యధిక టీఆర్ఫీ రేటింగ్స్ ని సొంతం చేసుకున్న సీజన్ గా నిల్చింది ‘బిగ్ బాస్ 9’. ఈ సీజన్ అంత పెద్ద హిట్ అవ్వడానికి ప్రధాన కారణాల్లో మరొకటి ‘అగ్నిపరీక్ష’ అనే షో. ఈ షో ద్వారా బిగ్ బాస్ హౌస్ లోకి ఎంట్రీ ఇచ్చిన సామాన్యులు సాలిడ్ కంటెంట్ ఇచ్చారు. వారిలో ఒకరు టైటిల్ విన్నర్ గా నిలబడగా, మరొకరు టాప్ 3 కంటెస్టెంట్స్ లో ఒకరిగా నిలిచారు.
ఇదంతా పక్కన పెడితే ఈ సీజన్ సెలబ్రిటీ కంటెస్టెంట్స్ లిస్ట్ దాదాపుగా రెడీ అయిపోయిందని అంటున్నారు . వారిలో ఒక పది మంది పేర్లు ఇప్పుడు సోషల్ మీడియా లో ప్రధానంగా వినిపిస్తోంది. వారిలో ముందుగా మనం మాట్లాడుకోవాల్సింది తేజస్విని గౌడ. సీరియల్ హీరోయిన్ గా ఈమెకు ఉన్నటువంటి క్రేజ్ మామూలుది కాదు. పైగా అమర్ దీప్ చౌదరి వంటి క్రేజీ టాప్ టీవీ సీరియల్ హీరో కి సతీమణి అవ్వడం తో ఈమెకు క్రేజ్ ఇంకా ఎక్కువ పెరిగింది . గత రెండు సీజన్స్ నుండి ఈమె కోసం బిగ్ బాస్ టీం చాలా గట్టి ప్రయత్నాలే చేస్తోంది. ఎట్టకేలకు ఈ సీజన్ లో ఆమె పాల్గొనడానికి గ్రీన్ సిగ్నల్ ఇచ్చినట్టు తెలుస్తోంది. అదే విధంగా యాటిట్యూడ్ స్టార్ అంటూ సోషల్ మీడియా లో విపరీతమైన క్రేజ్ తెచ్చుకున్న , బుల్లితెర మెగాస్టార్ ప్రభాకర్ కొడుకు చంద్రహాస్ కూడా ఈ సీజన్ లో ఒక కంటెస్టెంట్ గా పాల్గొనబోతున్నాడని టాక్.
బయట ఉన్నప్పుడే ఇతగాడు ఏ రేంజ్ కాంట్రవర్షియల్ కామెంట్స్ చేసేవాడో మన అందరికీ తెలిసిందే. ఇప్పుడు బిగ్ బాస్ హౌస్ లోకి వస్తున్నాడు , గొడవలు ఏ రేంజ్ లో ఉండబోతున్నాయో ఊహించుకోవచ్చు. అదే విధంగా ఈ షోలో కంటెస్టెంట్స్ గా పల్లవి గౌడ , హరి , నూకరాజు , రాకింగ్ రాకేష్ , పండు మాస్టర్ , జ్యోతి , రాయల్ మేక్ రమణ, నందూస్ వరల్డ్ నందూ , శివ కుమార్ వంటి కంటెస్టెంట్స్ కూడా పాల్గొనబోతున్నారు. దశావతారం థీమ్ తో నడవనున్న ఈ సీజన్ లో సరికొత్త రూల్స్, ఎప్పుడూ చూడనటువంటి టాస్క్స్ ని డిజైన్ చేస్తున్నారట. చూడాలి మరి , ఈ సీజన్ కూడా గత సీజన్ లాగానే బ్లాక్ బస్టర్ అవుతుందో లేదో అనేది.
