Akkineni Naga Chaitanya Producer Debut: అక్కినేని కుటుంబం లో ప్రస్తుతం మినిమం గ్యారంటీ రేంజ్ లో వసూళ్లను రాబట్టే హీరోలలో ఒకరు అక్కినేని నాగ చైతన్య. నాగ చైతన్య సినిమా వస్తుందంటే , కచ్చితంగా బాగుంటుంది , థియేటర్ లోనే చూడాలి అని అనుకునే ఆడియన్స్ సంఖ్య లక్షల్లోనే ఉంటుంది. కెరీర్ లో చాలా ఫ్లాప్స్ ఉన్నప్పటికీ, కల్ట్ క్లాసిక్ చిత్రాలు కూడా చాలానే ఉన్నాయి. రీసెంట్ గా వరుస ఫ్లాప్స్ లో ఉన్న నాగ చైతన్య కి తండేల్ చిత్రం ఎలాంటి బిగ్ రిలీఫ్ ఇచ్చిందో ప్రత్యేకించి చెప్పనవసరం లేదు. ఈ సినిమాకంటే ముందుగా ఆయన ‘దూత’ అనే అమెజాన్ ప్రైమ్ వీడియో వెబ్ సిరీస్ లో నటించాడు. ఈ సిరీస్ కి పాన్ ఇండియా లెవెల్ లో అద్భుతమైన రెస్పాన్స్ వచ్చింది. ఇప్పుడు ఈ సిరీస్ కి సీక్వెల్ గా ‘దూత 2’ రాబోప్తుంది.
రీసెంట్ గానే ఈ చిత్రానికి సంబంధించిన పూజ కార్యక్రమాలు కూడా జరిగాయి. అక్కినేని నాగార్జున ముఖ్య అతిధిగా విచ్చేసి ముహూర్తపు సన్నివేశానికి క్లాప్ కొట్టాడు. మొదటి సీజన్ లో నటించిన నటీ నటులే రెండవ సీజన్ లో కూడా నటించబోతున్నారు. సీనియర్ హీరోయిన్ భూమిక కీలక పాత్ర పోషించబోతుంది. ఇక నాగ చైతన్య ఈ సిరీస్ లో హీరో గా నటించడమే కాకుండా, సహా నిర్మాతగా కూడా వ్యవహరిస్తున్నాడు. దీని గురించి మాట్లాడుతూ ‘నటన కంటే భిన్నంగా ఎదో ఒక కొత్త ప్రయత్నం చెయ్యాలని అనిపించింది. అందుకే ఈ సిరీస్ కి నిర్మాతగా మారాను. ఏదైనా ఒక పనికి కమిట్ అయ్యినప్పుడు దాన్ని మనస్ఫూర్తిగా ఆస్వాదించాలి , నాకు ఉన్న ఆ లక్షణమే ‘దూత 2′ కి నిర్మాతగా వ్యవహరించేలా ప్రేరేపించింది’ అంటూ నాగ చైతన్య మాట్లాడిన మాటలు ఇప్పుడు సోషల్ మీడియా లో బాగా వైరల్ అయ్యాయి.
ఇప్పటి వరకు హారర్ థ్రిల్లర్ జానర్ లో ఎన్నో అద్భుతమైన సినిమాలు , వెబ్ సిరీస్ లు వచ్చాయి. కానీ దూత లాంటి కాన్సెప్ట్ తో ఒక్క వెబ్ సిరీస్ కూడా రాలేదు. నిజంగా డైరెక్టర్ విక్రమ్ కె కుమార్ కి హ్యాట్సాఫ్ చెప్పాల్సిందే. ఇప్పుడు రెండవ సీజన్ ని ఆయన ఎలా నడిపిస్తాడో చూడాలి. ఈ సిరీస్ లో నాగ చైతన్య కి జోడీగా ప్రియా భవాని శంకర్ నటించబోతుంది. మొదటి సీజన్ తో సెన్సేషన్ క్రియేట్ చేసిన నాగ చైతన్య , రెండవ సీజన్ తో అదే రేంజ్ సెన్సేషన్ క్రియేట్ చేస్తాడో లేదో చూడాలి. ఈ నెలాఖరు నుండి ఈ చిత్రానికి సంబంధించిన రెగ్యులర్ షూటింగ్ మొదలయ్యే అవకాశాలు ఉన్నాయి.
