Bandla Ganesh Son Dance: ప్రముఖ నిర్మాత బండ్ల గణేష్ తన కుమార్తె జనని పెళ్లిని అత్యంత వైభవంగా ఈ నెల 16 న , ఉదయం 11 గంటల 58 నిమిషాలకు జరిపించనున్నాడు. సూర్య తేజ అనే సాఫ్ట్ వేర్ ఉద్యోగి తో రీసెంట్ గానే నిశ్చితార్థం జరిపించిన బండ్ల గణేష్, పెళ్ళికి టాలీవుడ్ లో సినీ ప్రముఖులందరితో పాటు , రాజకీయ నాయకులను కూడా ఆహ్వానించిన సంగతి తెలిసిందే . అందుకు సంబంధించిన ఫోటోలు , వీడియోలను సోషల్ మీడియా లో బాగా వైరల్ అయ్యాయి. అయితే నిన్న రాత్రి చాలా గ్రాండ్ గా ఆయన సంగీత్ కార్యక్రమాన్ని నిర్వహించాడు. ఆద్యంతం సరదాగా సాగిపోయిన ఈ సంగీత్ కార్యక్రమం లో , బండ్ల గణేష్ కుమారుడు హితేష్ వేసిన డ్యాన్స్ స్టెప్పులు ఇప్పుడు సోషల్ మీడియా లో సంచలనం గా మారాయి.
రామ్ చరణ్ , ఎన్టీఆర్ పాటలకు ఈయన వేసిన డ్యాన్స్ స్టెప్పులు చూస్తే ఎవరికైనా మతి పోవాల్సిందే. కుర్రాడిలో చాలా టాలెంట్ ఉన్నట్టు ఉంది. సినిమాల్లోకి ఎంట్రీ ఇస్తే పెద్ద హీరో అయిపోతాడు అంటూ సోషల్ మీడియా లో ఈ వీడియోలను చూసిన నెటిజెన్స్ కామెంట్స్ చేస్తున్నారు. రామ్ చరణ్ లో ఉన్న గ్రేస్ , ఎన్టీఆర్ లో ఉన్న స్పీడ్ రెండు మిక్స్ చేసి ఇతను వేసిన స్టెప్పులను చూసి బండ్ల గణేష్ ఎంతగానో మురిసిపోయాడు. క్రింద చేరి ఆయన ఈలలు వేస్తూ తన కొడుకు డ్యాన్స్ ని ఎంజాయ్ చేసాడు. ఆ వీడియో ని మీకోసం క్రింద అందిస్తున్నాము చూడండి. బండ్ల గణేష్ ఇద్దరు కొడుకులు, ఒక కుమార్తె ఉంది. ఇప్పుడు మనం చూస్తున్న హితేష్ పెద్ద కొడుకు. హిరేష్ రెండవ కొడుకు. ఇక కూతురు జనని కి సంబంధించిన పెళ్లి నే ఈ నెల 16 న జరగబోతుంది. ఈమె కూడా సంగీత్ లో డ్యాన్స్ వేయడమే కాకుండా , పాటలు కూడా పాడింది.
ఇక బండ్ల గణేష్ విషయానికి వస్తే కమెడియన్ గా కెరీర్ ని ప్రారంభించి , ఆ తర్వాత నిర్మాతగా ఎవ్వరూ ఊహించని స్థాయికి వెళ్లిన ఆయన సినీ ప్రస్థానం చూస్తే ఎవరికైనా ఆశ్చర్యం వేయాల్సిందే. ఇప్పటి వరకు ఈయన నిర్మాతగా వ్యవహరించిన అత్యధిక సినిమాలు సూపర్ హిట్స్ గా నిలిచాయి. పవన్ కళ్యాణ్ తో తీన్ మార్ , గబ్బర్ సింగ్, రవితేజ తో ఆంజనేయులు, ఎన్టీఆర్ తో బాద్ షా , టెంపర్, అల్లు అర్జున్ తో ‘ఇద్దరు అమ్మాయిలతో’, రామ్ చరణ్ తో ‘గోవిందుడు అందరి వాడేలే’ వంటి చిత్రాలను తెరకెక్కించిన బండ్ల గణేష్ , ప్రస్తుతానికి సినిమాలకు దూరం గా ఉన్నాడు.
View this post on Instagram
