Adivi Sesh Dacoit trailer review: ‘హిట్ : ది సెకండ్ కేస్’ తర్వాత దాదాపుగా మూడేళ్ళ సుదీర్ఘ విరామం తర్వాత అడివి శేష్(Adivi Sesh) మన ముందుకు ఈ నెల 10 న ‘డెకాయిట్ : ఒక ప్రేమ కథ'(Dacoit Movie) అనే చిత్రం తో రాబోతున్నాడు. ఈ సినిమా పై మొదటి నుండి యూత్ ఆడియన్స్ లో ఒక ప్రత్యేకమైన ఆసక్తి ఉంది. ఎందుకంటే ఈ జనరేషన్ యూత్ కి అడివి శేష్ సినిమాలంటే ఒక ప్రత్యేకమైన క్రేజ్ , ఎందుకంటే ఒక డిఫరెంట్ థియేట్రికల్ అనుభూతిని ఇస్తాడు కాబట్టి, అలాంటిది ఈ సినిమా టీజర్ లో హీరోయిన్ ని చంపాలని అనుకోవడం ఏంటో, మళ్లీ అందులో ప్రేమ కథ ఏంటో , తెలుసుకోవాలంటే థియేటర్స్ లోనే చూడాలి అనే ఆత్రుతని కలిగించేలా చేశారు మేకర్స్. ఇకపోతే కాసేపటి క్రితమే ఈ చిత్రానికి సంబంధించిన థియేట్రికల్ ట్రైలర్ విడుదలైంది.
ఈ ట్రైలర్ ని చూస్తుంటే ఇదొక లవ్ స్టోరీ లాగానే అనిపించింది కానీ , క్రైమ్ యాక్షన్ థ్రిల్లర్ గా అసలు అనిపించలేదు. వీళ్లిద్దరి మధ్య మంచి ప్రేమానుబంధం ఉన్నట్టుగా చూపించడం, మధ్యలో హీరోయిన్ హీరో ని వదిలేసి వెళ్లిపోవడం , హీరో మళ్లీ హీరోయిన్ జీవితం లోకి రావాలని అనుకోవడం వంటివి ఈ ట్రైలర్ లో చూపించారు. అసలు ఎందుకు హీరో నుండి హీరోయిన్ దూరంగా వెళ్ళిపోయింది?, బ్యాక్ స్టోరీ ఏంటి ? అనేది తెలియాలంటే ఏప్రిల్ 10 వరకు ఆగాల్సిందే. హీరోయిన్ గా మృణాల్ ఠాకూర్ ఎంతటి అద్భుతమైన నటి అనేది ప్రత్యేకించి చెప్పనవసరం లేదు. ఈ సినిమాలో కూడా ఆమెకు నటించడానికి మంచి ప్రాధాన్యత ఉన్న పాత్ర దొరికినట్టు అనిపించింది. ఇదంతా పక్కన పెడితే హీరోయిన్ కి మెమరీ లాస్ వచ్చిందా ?, అలాంటప్పుడు హీరో ఎందుకు ఆమెని చంపాలని అనుకుంటున్నాడు?, ఇంతకీ ఈ సినిమాలో అడవి శేష్ నెగెటివ్ గా కనిపించబోతున్నాడా ?, లేదా మృణాల్ ఠాకూర్ నెగెటివ్ గా కనిపించబోతుందా ? అనేది కూడా సస్పెన్స్ ఎలిమెంట్ గా ఉండేలా ఉంది.
వీళ్ళిద్దరిలోనే విలన్ ఉన్నట్లు ట్రైలర్ చూస్తుంటే స్పష్టంగా తెలుస్తోంది. అడివి శేష్ ఇందులో రెండు విభిన్నమైన గెటప్స్ లో కనిపించబోతున్నాడు . ఇది పూర్తి స్థాయి థ్రిల్లర్ సినిమా అని చెప్పలేం , అలా అని పూర్తి స్థాయి లవ్ స్టోరీ అని కూడా చెప్పలేం , ఒక డిఫరెంట్ అటెంప్ట్ అని మాత్రం చెప్పొచ్చు. బాక్స్ ఆఫీస్ వద్ద సరైన హిట్టు లేక బోసిపోయిన థియేటర్స్ కి ఈ చిత్రం కొత్త ఊపిరి ని ఇస్తుందా లేదా అనేది చూడాలి . మూవీ లవర్స్ ని విశేషంగా ఆకట్టుకుంటున్న ఈ సినిమా ట్రైలర్ ని మీకోసం క్రింద అందిస్తున్నాము చూడండి.
View this post on Instagram
