దేశంలోని యువతలో చాలామంది బ్యాంక్ ఉద్యోగాల కొరకు కళ్లు కాయలు కాచేలా ఎదురు చూస్తున్నారు. బ్యాంక్ ఉద్యోగాల కోసం ఎదురు చూస్తున్న నిరుద్యోగ యువతకు ఐబీపీఎస్ అదిరిపొయే శుభవార్త చెప్పింది. 10,447 పోస్టులతో ఐబీపీఎస్ నుంచి భారీ జాబ్ నోటిఫికేషన్ రిలీజైంది. ఈ నోటిఫికేషన్ ద్వారా రీజినల్ రూరల్ బ్యాంకుల్లో కామర్ రిక్రూట్మెంట్ ప్రాసెస్-ఎక్స్, ఆఫీస్ అసిస్టెంట్ (మల్టీ పర్పస్) ఉద్యోగ ఖాళీల భర్తీ జరగనుంది.
జూన్ నెల 8వ తేదీ నుంచి ఈ ఉద్యోగ ఖాళీల భర్తీ కొరకు దరఖాస్తు ప్రక్రియ ప్రారంభం కానుండగా జూన్ 28వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉంది. https://www.ibps.in/ వెబ్ సైట్ ద్వారా ఈ ఉద్యోగ ఖాళీలకు సంబంధించిన పూర్తి వివరాలను తెలుసుకోవచ్చు. మొత్తం 10,447 ఖాళీలలో ఆఫీస్ అసిస్టెంట్ (మల్టీపర్పస్) 5096, ఆఫీసర్ స్కేల్-1 4119, ఆఫీసర్ స్కేల్-2 (అగ్రికల్చర్ ఆఫీసర్) 25, ఆఫీసర్ స్కేల్-2 (మార్కెటింగ్ ఆఫీసర్) 43 ఉన్నాయి.
ఆఫీసర్ స్కేల్-2 (జనరల్ బ్యాంకింగ్ ఆఫీసర్) 905, ఆఫీసర్ స్కేల్-2 (ట్రెజరీ మేనేజర్) 10, ఆఫీసర్ స్కేల్-2 (లా) 27, ఆఫీసర్ స్కేల్-2 (సీఏ) 32, ఆఫీసర్ స్కేల్-2 (ఐటీ) 59, ఆఫీసర్ స్కేల్- 3 151 ఉద్యోగ ఖాళీలు ఉన్నాయి. సంబంధిత సబ్జెక్టుల్లో బ్యాచిలర్స్ డిగ్రీ ఉత్తీర్ణత, ఎంబీఏ, సీఏ ఉత్తీర్ణతతో పాటు సంబంధిత అనుభవం ఉన్నవాళ్లు ఈ ఉద్యోగాల కోసం దరఖాస్తు చేసుకోవాల్సి ఉంటుంది. ఆన్ లైన్ టెస్ట్ ద్వారా ఈ ఉద్యోగాల ఎంపిక ప్రక్రియ జరుగుతుంది.
ఎస్సీ, ఎస్టీ, పీడబ్ల్యూడీ అభ్యర్థులకు రూ.175, మిగిలిన వారికి రూ.850 దరఖాస్తు ఫీజుగా ఉంది. ఆగష్టు నెలలో ప్రిలిమినరీ పరీక్ష, సెప్టెంబర్/ అక్టోబర్, 2021లో మెయిన్ ఎగ్జామ్ జరుగుతుంది. https://www.ibps.in/ వెబ్ సైట్ ద్వారా ఉద్యోగ ఖాళీలకు సంబంధించిన పూర్తి వివరాలు తెలుసుకునే అవకాశం ఉంటుంది.
