Today Gold Silver Prices: బంగారం ధరలు రోజుకో రకంగా పెరుగుతూ తగ్గుతున్నాయి. సాధారణంగా బంగారంతో పాటు వెండి ధరలు కూడా పెరుగుతూ ఉంటాయి. కానీ ఈరోజు వెండి ధరలు భారీగా తగ్గిపోయాయి. బంగారం ధర మాత్రం స్వల్పంగా పెరిగింది. దీంతో ఓవైపు పెట్టుబడిదారులను మరోవైపు కొనుగోలుదారులను ఆశ్చర్యానికి గురి చేసినట్లు అనిపించింది. పారిశ్రామిక వినియోగంలో తగ్గుదల, డాలర్ బలపడడం వంటి కారణాలు వెండి ధర తగ్గిందని కొందరు అంటుండగా మరికొందరు మాత్రం అంతర్జాతీయంగా మార్కెట్లో వెండి ధరల్లో ఒత్తిడి కొనసాగుతుండగా ధరలు పడిపోయినట్లు చెబుతున్నారు. దీనికి సంబంధించి పూర్తి వివరాల్లోకి వెళితే..
హైదరాబాద్ బులియన్ మార్కెట్ ప్రకారం.. మంగళవారం 24 క్యారెట్ల 10 గ్రాముల బంగారం ధర రూ.1,61,780 కి చేరింది. సోమవారం కంటే మంగళవారం రూ.430 పెరిగింది. 22 క్యారెట్ల 10 గ్రాముల బంగారం ధర రూ.400 పెరిగి రూ.1,48,300 కి చేరింది. బంగారం విషయంలో అంతర్జాతీయంగా ధరలు స్థిరంగా ఉండడం వల్లే స్వల్పంగా ధరలు పెరిగినట్లు తెలుస్తోంది. వెండి ధరలు మాత్రం భారీగా తగ్గాయి. నిన్నటి కంటే ఈరోజు రూ.10,000 పడిపోవడంతో ప్రస్తుతం వెండి ధర రూ.2,90,000 పలుకుతోంది. మార్కెట్ డిబులు తెలుపుతున్న ప్రకారం వెండి ధరలు ఎక్కువగా పారిశ్రామిక డిమాండ్ పై ఆధారపడుతూ ఉంటుంది. అయితే గ్లోబల్ ఆర్థిక అనిచ్చితి కారణంగా బంగారం ధరలు స్థిరంగా ఉండగా.. వెండి ధరలు మాత్రం మార్పుకు లోనవుతున్నాయి.
ఇదిలా ఉండగా పెళ్లిళ్ల సీజన్ ప్రారంభం కావడంతో తెలుగు రాష్ట్రాల్లో బంగారం, వెండి ధరలు తీవ్ర ప్రభావాన్ని చూపే అవకాశం ఉంది. వివాహాది శుభకార్యాల కారణంగా బంగారం ఆభరణాలు ఎక్కువగా కొనుగోలు చేస్తారు. అలాగే వెండి పాత్రలో కొనుగోలు కూడా ఉంటుంది. ఇలాంటి సమయంలో సామాన్యులు వీటి ధరలపై ఆందోళన చెందుతున్నారు. అంతేకాకుండా ఏ రోజు పెరుగుతుందో..? ఏ రోజు ధర తగ్గుతుందో? తెలియని పరిస్థితి ఉంది. అయితే అంతర్జాతీయంగా ఏర్పడుతున్న పరిస్థితులే బంగారం, వెండి ధరల మార్పుకు చోటుచేసే అవకాశం ఉందని తెలుస్తుంది. అత్యవసరం ఉన్నవారు బంగారం కొనుగోలు చేసుకుని స్టోర్ చేసుకోవడమే మంచిదని అంటున్నారు. ఎందుకంటే బంగారం ధర పెరిగిన ఆశ్చర్యపోనవసరం లేదని అంటున్నారు. ఇంటి ధరలు తగ్గినా తగ్గొచ్చని చెబుతున్నారు.
అయితే పెట్టుబడులు పెట్టేవారు మాత్రం బంగారం వైపు మాత్రమే చూడాలని.. వెండి కొనుగోలు విషయంలో ఆలోచించాలని పేర్కొంటున్నారు. ఇప్పటికే చాలావరకు వెండి ధర తగ్గింది. ఇది మరింతగా తగ్గే అవకాశం ఉందని తెలుస్తోంది. వెండిని ఆభరణాలుగా కాకుండా పారిశ్రామిక రంగాల్లో ఎక్కువగా వాడుతారు. ఈ పారిశ్రామిక రంగాల్లో చిన్న మార్పు వచ్చినా కూడా వెండి ధర భారీగా పడిపోయే అవకాశం ఉంది.
