Nara Lokesh:జగన్ ఏదో రాజకీయం చేయాలని ప్రయత్నించాడు. అధికారంలోకి వస్తే 50 లక్షలు ఇస్తామని ప్రకటించాడు. పైగా ఆ బాధిత బాలిక బాబాయ్ తన పార్టీవాడే అని చెప్పుకొచ్చాడు. అధికారంలోకి రావడం గురించి పక్కన పెడితే.. కనీసం పరామర్శించి.. పార్టీ తరఫున సహాయం చేస్తున్నామని ఎంతో కొంత నగదు ఇచ్చి ఉంటే జగన్ పరపతి పెరిగేది. కానీ అతడు అది చేయడు. చేసే మనిషి కూడా కాదు. విశాఖపట్నం నుంచి బెంగళూరు వరకు ఏ పరామర్శకు వెళ్లినా సరే జగన్ మాట్లాడే మాట ఒకటే అధికారంలోకి వస్తే.. కచ్చితంగా 50 లక్షలు.. కోటి రూపాయలు ఇస్తామని చెప్పడం..
అనంతపురం జిల్లాలో రాప్తాడు ప్రభుత్వ పాఠశాలలో గోపిక అనే బాలిక మీద ఓ దుర్మార్గుడు రంపం తో దాడి చేశాడు. ఈ ఘటనలో ఆ బాలిక తీవ్రంగా గాయపడింది. ప్రభుత్వం వెంటనే స్పందించడంతో సత్వర చికిత్స అందింది. ముఖ్యమంత్రి చంద్రబాబు నాయుడు స్వయంగా ఆ బాలిక ఆరోగ్యం గురించి వాకబు చేశారు. ప్రభుత్వం నుంచి ఎంత ఖర్చయినా సరే కచ్చితంగా ఆ బాలికకు అద్భుతమైన వైద్యం అందాలని.. ఆ బాలిక బతకాలని అధికారులకు ఆదేశాలు జారీ చేశారు. నారా లోకేష్.. హోం శాఖ మంత్రి అనిత వంటి వారు వెంటనే స్పందించడం.. ఎప్పటికప్పుడు అధికారులతో మాట్లాడటం.. ఎప్పటికప్పుడు తెలుసుకోవడం వల్ల ఆ బాలిక కు అత్యంత అధునాతన వైద్యం అందింది. దీనికి తోడు నారా లోకేష్ స్వయంగా బెంగళూరు వెళ్లి ఆ బాలికను పరామర్శించారు. కుటుంబ సభ్యులను కూడా పరామర్శించి.. అండగా ఉంటామని ధైర్యం చెప్పారు.
అక్కడితోనే నారా లోకేష్ వదిలేయలేదు.. ఆ బాలిక ఆరోగ్య స్థితి గురించి ఎప్పటికప్పుడు అప్డేట్ ఇస్తూ వస్తున్నారు. తాజాగా వైద్యులు చెప్పిన సమాచారాన్ని నారా లోకేష్ తన అధికారిక సోషల్ మీడియా ఖాతాలో వెల్లడించారు. ఆ బాలిక ఆరోగ్య స్థితి గురించి వెల్లడించారు. బుధవారం గోపిక కుడి భుజానికి సంబంధించిన అత్యంత సంక్లిష్టమైన ఆర్థోపెడిక్ సర్జరీని వైద్యులు విజయవంతంగా పూర్తి చేశారు. కుడి భుజం ఫ్రాక్చర్ లో కీలకమైన పురోగతి సాధించారు. కి వైర్ తొలగించారు. ప్రాక్సిమల్ హ్యూమరస్ ప్లేట్ ఫిక్సేషన్ ఆపరేషన్ కూడా వైద్యులు విజయవంతంగా పూర్తి చేశారు. గోపిక ఆరోగ్యం ప్రస్తుతం నెల కడగా ఉంది. ఎలాంటి వెంటిలేటర్ లేకుండా.. ఆక్సిజన్ లేకుండానే ఆ బాలిక శ్వాస తీసుకుంటుంది. అంతేకాదు ఆ బాలిక నోటి ద్వారా ద్రవ.. తేరికపాటి ఆహారాన్ని తీసుకుంటున్నది. ఆస్పత్రి మంచం మీద గోపిక ఉల్లాసంగా కనిపిస్తోంది. ఉత్సాహంగా కనిపిస్తోంది. స్వయంగా లేచి నడిచేందుకు ఆసక్తిని చూపిస్తోంది. ఆ స్థాయిలో గాయాలు తగిలినప్పటికీ.. రక్త స్రావం కూడా జరిగినప్పటికీ ఆ బాలిక పోరాటపటిమను చూపించింది. మనోధైర్యాన్ని ప్రదర్శించింది. ఆమెను చూసిన వైద్యులు కన్నీరు పెట్టుకున్నారు. నారా లోకేష్ అయితే భావోద్వేగానికి గురయ్యారు.
వాస్తవానికి ప్రభుత్వం ఆ బాలిక మీద ఇంత చొరవ చూపి.. ఆమె ప్రాణాన్ని కాపాడితే.. వైసిపి మాత్రం ఈ దాడికి పాల్పడిన వ్యక్తికి అండగా ఉండేందుకు ప్రయత్నించింది. ఏపీ పోలీసులు హేమంత్ అనే దుర్మార్గుడు మీద కాల్పులు జరిపితే.. వైసిపి లాయర్లు కోర్టులో పిటిషన్ వేశారు. ఏపీ ప్రభుత్వాన్ని ఇబ్బంది పెట్టేందుకు.. పోలీసుల మానసిక ధైర్యాన్ని దెబ్బతీసేందుకు ప్రయత్నించారు. వాస్తవానికి ఇటువంటి పరిస్థితుల్లో పోలీసులకు అండగా ఉండాలి. వారు చేసిన పనిని సమర్థించాలి. ఇందులో కూడా వైసిపి రాజకీయాలు వెతుక్కున్నది అంటే.. అది మామూలు విషయం కాదని టిడిపి నేతలు అంటున్నారు.
Update (9:30 AM, 5th November 2026):
Relieved to share that Gopika is recovering well after yesterday’s right shoulder surgery (K-wire removal & proximal humerus plate fixation). She is stable, breathing comfortably without support, and slowly starting oral feeds. Glad to see her in high spirits and eager to walk today! Wishing her a speedy recovery.
— Lokesh Nara (@naralokesh) November 5, 2026
