Russia New Air Defense System: రష్యా–ఉక్రెయిన్ వార్ మళ్లీ ఉధృతమవుతోంది. ప్రపంచమంతా అమెరికా–ఇరాన్ యుద్ధంపై దృష్టి పెట్టాగా రష్యా–ఉక్రెయిన్ సందెట్లో సడేమియాలా పరస్పరం దాడులు తీవ్రం చేశాయి. రష్యా ఎయిర్ డిఫెన్స్ ఎస్–400 సిస్టంకు చిక్కకుండా తయారు చేసిన డ్రోన్లతో ఉక్రెయిన్ దాడులు చేస్తోంది. ఇటీవలే కీలక ఆయిల్ కేంద్రంపై దాడి చేసింది. ఈ నేపథ్యంలో రష్యా కొత్త ఎయిర్ డిఫెన్స్ సిస్టంను యాక్టివేట్ చేసింది.
నాలుగు ఫైటర్ జెట్ల కూల్చివేత..
ఇటీవల ఉక్రెయిన్కు చెందిన ఐదు ఫైటర్ జెట్లు రష్యా భూభాగంలోకి చొచ్చుకుపోయాయి. లక్ష్యాలను ఛేదించే ప్రయత్నం చేశాయి. కానీ రష్యా కొత్త ఎయిర్ డిఫెన్స్ వ్యవస్థ ఆ దాడిని అడ్డుకుంది. లక్ష్యాలను చేరుకోవడానికి మరికొన్ని నిమిషాల దూరంలో ఉన్నప్పుడు రష్యా నాలుగు ఫైటర్ జెట్లను కూల్చింది. ఒక్కటి తప్పించుకుని వెనుదిరిగింది.
అధికారిక ప్రకటన చేయని రష్యా..
ఆసక్తికరమైన విషయం ఏమంటే రష్యా ఈ కొత్త సిస్టమ్ గురించి ఎలాంటి అధికారిక ప్రకటన చేయలేదు. అయినప్పటికీ, ప్రపంచం ఈ దాడిలో కొత్త రకం ఎలక్ట్రో మాగ్నటిక్ పల్స్ (ఈఎంపీ) టెక్నాలజీ ఉపయోగించినట్లు గుర్తించింది. రష్యా ఎస్–400ను కన్ఫ్యూజ్ చేసే డ్రోన్లు తయారు చేశామని ఉక్రెయిన్ ఇటీవల ప్రకటించింది. ఈ నేపథ్యంలో రష్యా దానిని ఎదుర్కొనేలా కొత్త వ్యవస్థను ఉపయోగించి ప్రతిస్పందించినట్లు స్పష్టమవుతోంది.
టెన్నాలజీ కీలకం..
ఈ ఘటన రష్యా–ఉక్రెయిన్ యుద్ధంలో సాంకేతికత ఎంత కీలకమో మరోసారి నిరూపించింది. ఉక్రెయిన్ రాడార్–ఎవేడింగ్కన్ఫ్యూజన్ టెక్నాలజీపై ఆధారపడుతున్నా, రష్యా ఈఎంపీ వంటి డైరెక్ట్ ఎనర్జీ వెపన్ల వైపు మళ్లింది. అయితే రష్యా అధికారికంగా ప్రకటించకపోవడం ఆసక్తికరం. ఇది తన కొత్త సామర్థ్యాలను రహస్యంగా ఉంచుకుని, శత్రువును అనిశ్చితిలో ఉంచే వ్యూహం కావచ్చు. అయితే ఒక జెట్ తప్పించుకోవడం రష్యా సిస్టమ్ ఇంకా పరిపూర్ణంగా లేదని, మరింత మెరుగుపర్చాల్సిన అవసరం ఉందని సూచిస్తుంది.
ఈ సాంకేతిక యుద్ధం భవిష్యత్తులో వైమానిక దాడుల విధానాన్ని పూర్తిగా మార్చేసే అవకాశం ఉంది. రాడార్ ఆధారిత రక్షణ వ్యవస్థలు ఇకపై ఏకైక ఆధారం కాకుండా, ఎలక్ట్రోమాగ్నెటిక్, డైరెక్ట్ ఎనర్జీ వెపన్లు యుద్ధ రంగంలో కీలక పాత్ర పోషించే దశకు చేరుకున్నట్లు ఈ ఘటన చెబుతోంది.
