Soumya Rao: హైపర్ ఆది దెబ్బకు జబర్దస్త్ కొత్త యాంకర్ పరార్… అనసూయకు జరిగినదే తనకు కూడా!

Soumya Rao: అనసూయ జబర్దస్త్ మానేశాక కొన్ని ఆరోపణలు చేశారు. కమెడియన్స్ బాడీ షేమింగ్ కి పాల్పడుతున్నారు. వారి కామెడీ పంచెస్ హర్ట్ చేస్తున్నాయి. మన కోపం, బాధ ఎపిసోడ్స్ లో చూపించరు. ఎడిటింగ్ లో తీసేస్తారు. శరీరం మీద వీరు వేసే జోక్స్ హద్దులు దాటేస్తుంటాయి, అన్నారు. రెండేళ్లుగా జబర్దస్త్ మానేయాలని ప్రయత్నాలు చేస్తున్నాను. అగ్రిమెంట్ ముగియడంతో బయటకు వచ్చేశానని ఆమె తన వేదన వెళ్లగక్కారు. హైపర్ ఆది జబర్దస్త్ కి కింగ్ అయ్యాడు. సీనియర్స్ అందరూ వెళ్లిపోవడంతో పాటు, అతడి సక్సెస్ రేట్ ఎక్కువ కావడంతో మేనేజ్మెంట్ విపరీతమైన ప్రయారిటీ, స్వేచ్ఛ ఇచ్చారు.

ఒక దశలో హైపర్ ఆది తన స్కిట్స్ లో అనసూయను భాగం చేసేశారు. ఆమెపై రెండు మూడు పంచెస్ రాసుకునేవాడు. సదరు జోక్స్ అనసూయ ఫిగర్, వ్యక్తిగత జీవితం మీద ఉండేవి. హ్యాపీగా నవ్వుతూ కుర్చీలో కుర్చోనిచ్చేవాడు కాదు. హైపర్ ఆది జోక్స్, సైటర్లకు జడ్జెస్ కూడా భయపడతారు. ఆయన నాగబాబు, రోజాలను కూడా టార్గెట్ చేసిన సందర్భాలు ఉన్నాయి. ఎక్ట్రా జబర్దస్త్ లో ఫేమస్ టీమ్ సుడిగాలి సుధీర్. వారు కూడా యాంకర్, జడ్జెస్ పై జోక్స్, సెటైర్స్ వేస్తూ ఉంటారు. అయితే ఆది వేసేంత ఘాటుగా ఉండవు.

హైపర్ ఆది సోషల్ సెటైర్స్ పలు మార్లు వివాదాస్పదం అయ్యాయి. ఆయన కొన్ని సందర్భాల్లో క్షమాపణలు కోరాల్సి వచ్చింది. ఈ ఇతివృత్తం మొత్తం వివరించడానికి కారణం… హైపర్ ఆది దెబ్బకు తట్టుకోలేక జబర్దస్త్ నుండి కొత్త యాంకర్ సౌమ్యరావు జంప్ అంటున్నారు. కమెడియన్స్ జోక్స్ కి హర్ట్ అయిన సౌమ్యరావు అగ్రిమెంట్ కూడా క్యాన్సిల్ చేసుకొని జబర్దస్త్ కి గుడ్ బై చెప్పేశారట. ఆమెపై షూట్ చేసిన ఎపిసోడ్స్ మినహాయిస్తే, భవిష్యత్ ఎపిసోడ్స్ లో ఆమె కనిపించరు అట.

అధికారిక సమాచారం లేకున్నప్పటికీ ప్రముఖంగా ప్రచారం అవుతుంది. ఇదే జరిగితే రష్మీ మరలా రంగంలోకి దిగాల్సి ఉంటుంది. అనసూయ జబర్దస్త్ నుండి వెళ్ళిపోయాక ఆమె స్థానంలోకి రష్మీ వచ్చారు. సౌమ్యరావు ఎంట్రీ ఇచ్చే వరకు రష్మీ జబర్దస్త్, ఎక్స్ట్రా జబర్దస్త్ షోస్ యాంకర్ గా వ్యవహరించారు. నిజంగా సౌమ్యరావు చెక్కేస్తే రష్మీకి మేలు జరుగుతుంది. ఆమెకు డబుల్ పేమెంట్ దక్కుతుంది. సినిమా అవకాశాలు కూడా కనుమరుగు కాగా రష్మీ బుల్లితెర షోలనే నమ్ముకున్నారు. అనసూయ మాత్రం పూర్తిగా యాంకరింగ్ వదిలేసింది.