Karnataka Bride: పెళ్లి చేసుకుంటున్నా అన్న సంతోషం.. ఫొటోల్లో క్యూట్ గా కనిపించాలి అనే కోరిక.. బంధువులకు, స్నేహితులు తనను చూసి ఆశ్చర్య పోవాలన్న అత్యాశ ఆ అమ్మాయి కొంప ముంచింది. అందంగా కనిపించాలన్న ఆమె ప్రయత్నం ప్రాణాలమీదకు తెచ్చింది. అందం కోసం యువతి అత్యాశ.. ఓ బ్యూటీ పార్లర్ సిబ్బంది నిర్వాకంతో పెళ్లి ఆగిపోవడమే ఆమె హాస్పిటల్లో చేరాల్సి వచ్చింది.
అందం కోసం ప్రయత్నిస్తే పెళ్లే ఆగింది..
శుభకార్యం ఏదయినా అమ్మలక్కలు అందగా ముస్తాబయివుతుంటారు. ఇక పెళ్లి తనదే అయితే ఆ అమ్మాయి అందరికంటే అందంగా ఉండాలని తెగ రెడీ అవుతుంది. ఇందుకోసం ఎప్పుడూ వెళ్లని అమ్మాయిలు కూడా బ్యాటీ పార్లర్లకు వెళుతుంటారు. బ్యూటీషియన్ ను ఇంటికే తప్పించుకుంటున్నారు. అయితే ఓ బ్యూటీ పార్లర్ సిబ్బంది నిర్వాకంతో అందంగా మారాల్సింది పోయింది అందవికారంగా తయారయ్యిందో యువతి. దీంతో కొద్దిరోజుల్లో జరగాల్సిన పెళ్లి ఆగి పోయింది.
అనుకున్నది ఒకటి.. అయింది ఇంకోటి..
హసన్ జిల్లాకు చెందిన ఓ యువతి కొద్దిరోజుల్లో పెళ్లిపీటలెక్కాల్సి వుంది. ఇటీవలే ఘనంగా నిశ్చితార్థం జరిగింది. పెళ్లికి ముహూర్తం కూడా ఫిక్స్ చేశారు. పెళ్లి ఏర్పాట్లు కూడా మొదలయ్యాయి. పెళ్లిలో అందంగా కనపించేందుకు యువతి ఓ బ్యూటీ పార్లర్ ను ఆశ్రయించింది. ఇదే ఆమె పాలిట శాపంగా మారి పెళ్లి ఆగిపోయే పరిస్థితి వచ్చింది.
ఆవిరి ముఖం వాచిపోయింది..
మేకప్ లో భాగంగా బ్యూటీ పార్లర్ సిబ్బంది యువతి ముఖానికి ఆవిరి పడుతుండగా నిర్లక్ష్యంగా వ్యవహరించారు. దీంతో ఆవిరి ఎక్కువై ఆ వేడికి యువతి ముఖమంతా వాచిపోయిది. అందం ఏమో కానీ అందవికారంగా తయారయ్యింది. ముఖమంతా నల్లగా మారింది. కళ్లు, బుగ్గలు వాచిపోయి రూపం మొత్తం మారిపోయింది. దీంతో కుటుంబసభ్యులు ఆమెను దగ్గర్లోని హాస్పిటల్ కు తరలించి చికిత్స అందిస్తున్నారు. సాధారణ స్థితికి రావడానికి సమయం పదుతుందని డాక్టర్లు తెలిపారు.
పెళ్లి క్యాన్సిల్..
అందవికారంగా తయారయిన యువతిని చూసి పెళ్లి చేసుకోవాల్సిన యువకుడు కంగుతున్నాడు. ఆ యువతిని పెళ్ళాడబోనని… పెళ్లి నిలిపివేస్తున్నట్లు కుటుంబసభ్యులకు తెలిపాడు. ఇప్పటికే కూతురికి ఇలా అయ్యిందని బాధపడుతున్న తల్లిదండ్రులకు వరుడి నిర్ణయం మరింత షాక్ కు గురిచేసింది. ఎంత సర్దిచెప్పినా యువకుడు మాత్రం పెళ్లికి ఒప్పుకోకపోవడంతో యువతి తల్లిదండ్రులు, బంధువులకు ఏం చేయాలో అర్థంకావడం లేదు. ఎంతో ఆనందోత్సాహాలతో సందడిగా వుండాల్సిన ఇళ్లు ఓ బ్యూటీ పార్లర్ సిబ్బంది నిర్వాకంతో బోసిపోతోంది.
ఈ ఘటన ఇప్పుడు అందంగా కనిపించేందుకు ప్రతిసారీ బ్యూటీపార్లర్లను ఆశ్రయించే వారిని ఆలోచింపజేస్తోంది. మేకప్ పేరిట అడ్డమైన కెమికల్స్ తో కూడిన రంగులు ముఖానికి అద్దుకోవడం మంచిది కాదని నిపుణులు కూడా హెచ్చరిస్తున్నారు. అయినా మహిళలు మారకపోవడంతో వీధివీధికి బ్యూటీపార్లర్లు పుట్టగొడుగుల్లా వెలుస్తున్నాయి.
