SRH vs KKR: ఐపీఎల్ లో ఇప్పటికే హైదరాబాద్ జట్టు పాయింట్ల పట్టికలో మూడో స్థానంలో ఉంది. వరుసగా ఐదు విజయాలు సాధించింది. మొత్తంగా ఆరు విజయాలతో అదరగొడుతోంది. బ్యాటింగ్ పరంగా సూపర్ ఫామ్ లో ఉంది. బౌలింగ్ పరంగా కూడా అదే స్థాయిలో జోరు కొనసాగిస్తోంది. దీంతో హైదరాబాద్ జట్టు మీద ఈసారి అంచనాలు పెరిగిపోయాయి. ఏ జట్టుకు సాధ్యం కాని విధంగా వరుసగా ఐదు విజయాలు సాధించి.. ప్రత్యర్థులకు గట్టి సంకేతాలు పంపింది హైదరాబాద్ జట్టు.
హైదరాబాద్ జట్టు ఇప్పటివరకు సాధించిన విజయాలలో భీకరంగా బ్యాటింగ్ చేసింది అభిషేక్ శర్మ, ఇషాన్ కిషన్, క్లాసెన్. ఇంతవరకు భీకరమైన ఓపెనర్ హెడ్ తన స్టైల్ ఆఫ్ ఇన్నింగ్స్ ఆడలేదు. వాస్తవానికి ముంబై తో జరిగే మ్యాచ్ కంటే ముందు హెడ్ అసలు ఫామ్ లోనే లేడు. ఎప్పుడైతే ముంబై జట్టు మీద అతడు టచ్ లోకి వచ్చాడో.. హాఫ్ సెంచరీ చేసి అదరగొట్టాడో.. ఆ తర్వాత సీన్ మొత్తం మారిపోయింది.
కాటేరమ్మ కొడుకుగా పేరు సొంతం చేసుకున్న హెడ్ మరోసారి తన సూపర్ ఫామ్ ను కొనసాగిస్తున్నాడు. కోల్ కతా నైట్ రైడర్స్ జట్టు తో జరుగుతున్న మ్యాచ్ లో మెరుపు వేగంతో హాఫ్ సెంచరీ చేశాడు హెడ్.. అభిషేక్ శర్మ (15) విఫలమైనప్పటికీ.. హెడ్ దుమ్మురేపాడు. 25 బంతులు ఎదుర్కొని 9 ఫోర్లు, రెండు సిక్సర్ల సహాయంతో 55* పరుగులు చేశాడు హెడ్. తొలి వికెట్ కు అభిషేక్ శర్మతో 44, రెండో వికెట్ కు కిషన్ తో 49* పరుగులు జోడించాడు. ఈ సీజన్లో వరుసగా రెండు హాఫ్ సెంచరీలు చేయడంతో హెడ్ మీద హైదరాబాద్ అభిమానులు ప్రశంసల జల్లు కురిపిస్తున్నారు..
” అతడు ఇప్పటివరకు సరైన ఇన్నింగ్స్ ఆడక పోవడం వల్ల ఇబ్బంది పడ్డాం. అతడు ఆడక పోవడంతో మిగతా ప్లేయర్ల మీద ఒత్తిడి పడింది. ఇప్పుడు అతడు ఫామ్ లోకి వచ్చేసాడు. బ్యాక్ టు బ్యాక్ ఆఫ్ సెంచరీలతో అదరగొట్టాడు. మామూలుగా అయితే వీర విహారం చేసే హెడ్.. ఇప్పుడు అంతకుమించి అనే రేంజ్ లో ఆడుతున్నాడు. ఇదే మాకు కావాల్సింది” అంటూ హైదరాబాద్ అభిమానులు సామాజిక మాధ్యమాలలో వ్యాఖ్యలు చేస్తున్నారు.
