Shubman Gill: కొంతమంది ప్లేయర్లు టెస్టులలో అద్భుతంగా ఆడతారు. మరి కొంతమంది ఆటగాళ్లు వన్డేలలో దంచి కొడతారు. ఇంకొంతమంది ప్లేయర్లు టి20 లలో సత్తా చూపిస్తారు. ఈ మూడు ఫార్మాట్ లలో అదరగొట్టే ఆటగాళ్లు చాలా అరుదుగా ఉంటారు. ఆ జాబితాలో టీమిండియా కెప్టెన్ ముందు వరుసలో ఉంటాడు.
టీమిండియా కు కెప్టెన్ గా వ్యవహరించడం అంటేనే ముళ్ళ కిరీటం నెత్తి మీద పెట్టుకున్నట్టు. విపరీతమైన ఒత్తిడి ఉంటుంది. క్షణం క్షణం పరిణామాలు మారిపోతూ ఉంటాయి. జట్టుకు అనుకూలంగా నిర్ణయాలు తీసుకోవాలి. కొన్ని సందర్భాలలో నిర్ణయాలు ఎదురు తిరుగుతాయి. అలాంటప్పుడు సానుకూల దృక్పథంతో ఆలోచించాలి. శరీరం.. మెదడు ఏకకాలంలో పని చేయాలి. ఇంత ఒత్తిడిలో కూడా సహజ సిద్ధమైన ఆట తీరు ప్రదర్శించడం అంత సులభం కాదు. కానీ, దానిని సులువుగా చేసి చూపిస్తున్నాడు గిల్.
ఆఫ్ఘనిస్తాన్ జట్టుతో జరిగిన రెండవ వన్డేలో సెంచరీ చేయడం ద్వారా గిల్ సరికొత్త రికార్డు సృష్టించాడు. ఈ ఏడాది మే 29న ఐపీఎల్ లో భాగంగా గుజరాత్ జట్టు రెండవ క్వాలిఫైయర్ మ్యాచ్ ఆడింది. ఈ మ్యాచ్లో గుజరాత్ సారథిగా గిల్ అద్భుతమైన సెంచరీ చేశాడు. రాజస్థాన్ జట్టు మీద ఏకంగా 104 రన్స్ కొట్టాడు.
ఆఫ్ఘనిస్తాన్ జట్టుతో ఈనెల 6న జరిగిన ఏకైక టెస్టులో 126 పరుగులు చేశాడు. అతడి శతకానికి తోడు కేఎల్ రాహుల్ కూడా సెంచరీ చేయడంతో టీమిండియా ఏకంగా 564 పరుగులు చేసింది. ఈ మ్యాచ్ కేవలం మూడు రోజుల్లోనే పూర్తయింది.
ఆఫ్ఘనిస్తాన్ దట్టితో జరిగిన రెండవ వన్డేలో 154 పరుగులు చేశాడు. ఈ ఇన్నింగ్స్ ద్వారా సారధిగా మరో మెట్టు ఎక్కేశాడు. ఇతడుతో పాటు కిషన్ కూడా 125 పరుగులు చేసి సత్తా చూపించాడు. వీరిద్దరి దూకుడు వల్ల టీమిండియా ఏకంగా 402 పరుగులు సాధించింది. అయితే ఈ మూడు మ్యాచ్ల్లో కూడా ఆయా జట్లకు సారధిగా గిల్ ఉండడం విశేషం.
గిల్ రెండు నెలలపాటు టి20 ఫార్మాట్ ఆడాడు. ఆఫ్ఘనిస్తాన్ మనకంటే చిన్న జట్టు అయినప్పటికీ.. అందులో ప్రపంచ స్థాయి బౌలర్లు ఉన్నారు.. గుజరాత్ జట్టు తరఫున నాయకుడిగా ఉన్నప్పుడు.. రాజస్థాన్ బౌలర్లను గిల్ సమర్థవంతంగా ఎదుర్కొన్నాడు. టెస్టులలో.. వన్డేలలో ఆఫ్ఘనిస్తాన్ బౌలర్లను కూడా అదే స్థాయిలో ప్రతిఘటించాడు. తద్వారా తనకు ట్రాన్స్ఫర్మేషన్ ఈజీ అని నిరూపించాడు గిల్. 2027 వన్డే వరల్డ్ కప్ ముందు సిసలైన ఫామ్ కొనసాగిస్తున్న నేపథ్యంలో.. గిల్ మీద అంచనాలు మరింత పెరిగిపోయాయి. కొద్దిరోజుల క్రితం ఇతడి ఫామ్ మీద చాలామంది సీనియర్ ప్లేయర్లు ఒకింత సందేహం వ్యక్తం చేశారు. కానీ ఇప్పుడు అతని ఆట చూసి.. వారెవ్వా అంటూ చప్పట్లు కొడుతున్నారు.
Lucknow was delighted by Shubman Gill’s marathon knock
Updates ▶️ https://t.co/JYJ5l44iJ6#TeamIndia | #INDvAFG | @IDFCFIRSTBank | @ShubmanGill pic.twitter.com/wsE6ND6zBD
— BCCI (@BCCI) June 17, 2026
