SRH Vs MI: అచ్చం నాన్న లాగే.. మైదానంలో బుమ్రా కొడుకు సందడి మామూలుగా లేదుగా.. వైరల్ పిక్స్

SRH Vs MI: హైదరాబాద్ జట్టుతో సోమవారం రాత్రి జరిగిన మ్యాచ్ లో ముంబై విజయాన్ని అందుకుంది. ముంబై ఆటగాడు సూర్య కుమార్ యాదవ్ అద్భుతమైన సెంచరీ తో ఆకట్టుకున్నాడు. దీంతో వరుస వైఫల్యాల తర్వాత ముంబై గెలుపును తన ఖాతాలో జమ చేసుకుంది. విధ్వంసకరమైన ఆటతీరుతో ఆకట్టుకున్న సూర్యకుమార్ ను సీనియర్ ఆటగాళ్లు ఆకాశానికి ఎత్తేస్తున్నారు. సోషల్ మీడియాలో అభిమానులు ప్రశంసల జల్లు కురిపిస్తున్నారు. అయితే ఈ మ్యాచ్లో సూర్య కుమార్ యాదవ్ తర్వాత ఆ స్థాయిలో స్పెషల్ అట్రాక్షన్ గా నిలిచాడు అంగద్ అనే బుడ్డోడు. ఇతడు మరెవరో కాదు..

టీమిండియా స్టార్ పేస్ బౌలర్ బుమ్రా కొడుకే అంగద్. సోమవారం నాటి మ్యాచ్ చూసేందుకు బుమ్రా సతీమణి సంజన గణేషన్ తన కుమారుడు అంగద్ తో కలిసి వచ్చింది. తన తండ్రి బౌలింగ్ వేస్తున్నప్పుడు అంగద్ సందడి చేశాడు. తన విచిత్రమైన హావాభావాలతో మైదానంలో హడావిడి చేశాడు. అంగద్ సందడిని కామెంటేటర్లు ప్రత్యేకంగా ప్రస్తావించడం విశేషం. వాస్తవానికి బుమ్రా కుమారుడి ముఖం బయటి ప్రపంచానికి కనిపించడం ఇదే మొదటిసారి. అంగద్ మ్యాచ్ చూస్తున్న దృశ్యాలు సోషల్ మీడియాలో వైరల్ గా మారాయి.

హైదరాబాద్ తో జరిగిన మ్యాచ్లో.. ఆ జట్టు ఓపెనర్ అభిషేక్ శర్మను బుమ్రా అవుట్ చేయగానే.. సంజనా గణేషన్, అంగద్ ను కెమెరామెన్లు ప్రత్యేకంగా చూపించారు. బిగ్ స్క్రీన్ లో బుమ్రా భార్య, కుమారుడు సంజనా గణేషన్, అంగద్ కనిపించడంతో ప్రేక్షకులు గట్టిగా అరిచారు. బుమ్రా, సంజన దంపతులకు అంగద్ గత ఏ డాది సెప్టెంబర్ 4న జన్మించాడు. అయితే అతడి ఫోటోలను బుమ్రా సోషల్ మీడియాలో పోస్ట్ చేయలేదు. అతడి ముఖం కనిపించకుండా జాగ్రత్తపడ్డాడు. ఇక హైదరాబాద్ తో జరిగిన మ్యాచ్ ద్వారా అతడిని బయట ప్రపంచానికి చూపించాడు. అంగద్ ఫోటోలు బయటికి విడుదల కావడంతో.. సోషల్ మీడియాలో అభిమానులు రకరకాల కామెంట్లు చేస్తున్నారు. తండ్రికి తగ్గట్టుగా బౌలింగ్ చేస్తావా అంటూ? ఆ బాలుడిని ఆట పట్టిస్తున్నారు.

Jasprit Bumrah’s wife Sanjana Ganesan & his son Angad in the Wankhede stadium. ❤️ pic.twitter.com/LMKiEncsqu

— Tanuj Singh (@ImTanujSingh) May 6, 2024