Mokshagna: మోక్షజ్ఞా ఎంట్రీ కోసం రంగం లోకి దిగిన సీనియర్ డైరెక్టర్.. చిరు బాటలోనే నడుస్తున్న బాలయ్య…

Mokshagna: తెలుగు సినిమా ఇండస్ట్రీలో నందమూరి ఫ్యామిలీ కి ఉన్న క్రేజ్ గురించి మనం ప్రత్యేకంగా చెప్పాల్సిన పనిలేదు. ఎందుకంటే సీనియర్ ఎన్టీఆర్ దగ్గర నుంచి ఇప్పుడున్న జూనియర్ ఎన్టీఆర్ వరకు ప్రతి ఒక్కరు తమకంటూ ప్రత్యేకమైన గుర్తింపును సంపాదించుకోవడమే కాకుండా వాళ్ళ ఫ్యామిలీ పేరును కూడా నిలబెడుతూ ఇండస్ట్రీలో చాలా సంవత్సరాల పాటు కొనసాగుతూ వస్తున్నారు.

ఇక ఇదిలా ఉంటే నందమూరి నటసింహంగా గుర్తింపు పొందిన బాలయ్య బాబు మాస్ సినిమాలు చేస్తూ ఇప్పుడు కూడా సూపర్ డూపర్ సక్సెస్ లను అందుకుంటున్నాడు. బాలయ్య బాబు కొడుకు అయిన మోక్షజ్ఞ సినిమా ఇండస్ట్రీకి ఇవ్వబోతున్నాడు అనే విషయం మీద చాలా సంవత్సరాల నుంచి చర్చలు అయితే జరుగుతున్నాయి. ఎప్పటికప్పుడు ఈ సంవత్సరం మోక్షజ్ఞ ఎంట్రీ ఉంటుందంటూ బాలయ్య బాబు చెబుతూ వస్తున్నప్పటికీ అది ఇప్పటివరకు కార్యరూపం అయితే దాల్చలేదు.

ఇక దానికి తోడుగా మోక్షజ్ఞని సినిమా ఇండస్ట్రీకి పరిచయం చేసే దర్శకుడు ఎవరు అనే దానిమీద కూడా విపరీతమైన చర్చలు అయితే నడుస్తున్నాయి. ఇక ఎప్పటికప్పుడు కొంత మంది పేర్లు వినిపిస్తున్నప్పటికీ అవి ఫైనల్ అయితే అవ్వడం లేదు. ఇక ఇప్పుడు అందుతున్న సమాచారం ప్రకారం బాలయ్య తన కొడుకు అయిన మోక్షజ్ఞని పూరి జగన్నాథ్ డైరెక్షన్ లో ఇండస్ట్రీకి పరిచయం చేయించబోతున్నట్టుగా తెలుస్తుంది. ఇక ఇంతకుముందు చిరంజీవి కూడా రామ్ చరణ్ ని పూరి జగన్నాథ్ చేతుల మీదుగా లాంచ్ చేశారు. కాబట్టి బాలయ్య కూడా అదే బాటలో నడుస్తున్నాడు అంటూ సోషల్ మీడియాలో విపరీతమైన కామెంట్లైతే వస్తున్నాయి.

ఇక నిజానికి బాలయ్య బాబు పూరి జగన్నాథ్ చాలా మంచి ఫ్రెండ్స్ అనే విషయం మనకు తెలిసిందే.. బాలయ్య పూరి జగన్నాథ్ డైరెక్షన్ లో పైసా వసూల్ అనే సినిమా చేశాడు. ఈ సినిమా కమర్షియల్ గా వర్కౌట్ అవ్వకపోయినప్పటికీ వీరిద్దరి మధ్య ఉన్న ఫ్రెండ్షిప్ అయితే ఇప్పటికి అలాగే కొనసాగుతుంది. మరి పూరి జగన్నాథ్ రామ్ చరణ్ కి హిట్ ఇచ్చినట్టుగానే మోక్షజ్ఞ కి కూడా సూపర్ డూపర్ సక్సెస్ ని అందిస్తాడా లేదా అనే విషయాలు కూడా తెలియాల్సి ఉంది…