Today 4 July 2026 Horoscope: జ్యోతిష్య శాస్త్రం ప్రకారం శనివారం ద్వాదశ రాశులపై ధనిష్ట నక్షత్ర ప్రభావం ఉంటుంది. దీంతో కొన్ని రాశుల వారికి ఈరోజు అనుకూలమైన వాతావరణం ఉంటుంది. మరికొన్ని రాశుల వారు జాగ్రత్తగా ఉండాలి. మేషంతో సహా మీనం వరకు మొత్తం రాశుల ఫలితాలు ఎలా ఉన్నాయో చూద్దాం..
మేష రాశి (అశ్విని, భరణి,1,2,): ఈ రాశి వారికి ఈ రోజు అన్ని విషయాల్లో కలిసి రానున్నాయి. వ్యాపారులకు కొత్త వ్యక్తులు పరిచయమవుతారు. అయితే కొన్ని ఖర్చుల విషయంలో జాగ్రత్తగా ఉండాలి. కుటుంబ సభ్యుల సహకారంతో ముఖ్యమైన పనులను పూర్తి చేయగలుగుతారు. దూరపు బంధువులనుంచి సమాచారం అందుతుంది. నిరుద్యోగులు శుభవార్తలు వింటారు.
వృషభరాశి( కృత్తిక 2,3,4 రోహిణి) : ఈ రాశి వారికి ఈరోజు అన్ని శుభ ఫలితాలే ఉండనున్నాయి. కుటుంబ సభ్యులతో కలిసి విహారయాత్రలకు వెళ్తారు. కొన్ని పనులు పూర్తి చేయడంతో ఉత్సాహంగా ముందుకు వెళ్తారు. స్నేహితుల సహకారంతో అప్పులను తీరుస్తారు. అనుకోకుండా దూర ప్రయాణాలు చేయాల్సి వస్తుంది. ఇలాంటి సమయంలో జాగ్రత్తగా ఉండాల్సిన అవసరం ఉంది. ఆధ్యాత్మిక కార్యక్రమాల్లో పాల్గొంటారు.
మిథున రాశి( మృగశిర 3,4 ): ఈ రాశి వారికి ఈ రోజు అనవసరమైన ఖర్చులు ఎక్కువగా ఉంటాయి. అందువల్ల వస్తువులు కొనుగోళ్ల విషయంలో జాగ్రత్తగా ఉండాలి. నిర్ణయాలు తీసుకునేటప్పుడు తొందర పడొద్దు. అధికారుల నుంచి ఉద్యోగులకు ఒత్తిడి ఉంటుంది. ఇతరులకు సహాయం చేయడం వల్ల మానసికంగా ప్రశాంతంగా ఉండగలుగుతారు. ఆగిపోయిన డబ్బు వసూలు అవుతుంది.
కర్కాటక రాశి(పునర్వసు 4, పుష్యమి, అశ్లేష) : ఈ రాశి విద్యార్థులు పోటీ పరీక్షలో పాల్గొంటే విజయం సాధిస్తారు. బంధువుల నుంచి శుభవార్తలు వింటారు. దూర ప్రయాణాలు చేయాల్సివస్తుంది. గతంలో కంటే ఇప్పుడు ఆర్థికంగా మెరుగైన ఫలితాలు ఉంటాయి. నిరుద్యోగులు శుభవార్తలు వింటారు. కొత్తగా ఉద్యోగం లోకి చేరిన వారికి అధికారుల నుంచి ప్రశంసలు ఉంటాయి. కొత్త వ్యక్తులు పరిచయం కావడంతో వ్యాపారులకు లాభాలు ఉంటాయి.
సింహా రాశి( ముఖ, పుబ్బ, ఉత్తర 1) : ఈ రాశి వారు ఈ రోజు కొన్ని ముఖ్యమైన వస్తువులను కొనుగోలు చేస్తారు. అయితే ఇలాంటి సమయంలో అనవసరమైన వస్తువులను కొనుగోలు చేయకుండా ఉండాలి. వ్యాపారులకు ఊహించని లాభాలు ఉండే అవకాశం ఉంది. వీరికి కుటుంబ సభ్యుల అండదండలు ఉంటాయి. ఆత్మవిశ్వాసంతో ముందుకు వెళ్లడం వల్ల ముఖ్యమైన పనులను పూర్తి చేయగలుగుతారు. ఆధ్యాత్మిక కార్యక్రమాల్లో పాల్గొంటారు.
కన్య రాశి(ఉత్తర 2,3,4 హస్త చిత్త 1,2) : ఈ రాశి వారి కుటుంబ సభ్యుల మధ్య అభిప్రాయ భేదాలు ఉండే అవకాశం ఉంది. ఇలాంటి సమయంలో మౌనంగా ఉండడమే మంచిది. జీవిత భాగస్వామి కోసం వస్తువులు కొనుగోలు చేస్తారు. అయితే కొత్త వస్తువుల కొనుగోలు విషయంలో జాగ్రత్తగా ఉండాలి. ఉద్యోగులకు కార్యాలయాల్లో ఒత్తిడి ఉండే అవకాశం ఉంది. కానీ కొన్ని పనుల్లో విజయం సాధిస్తారు.
తుల రాశి(చిత్త 3,4, స్వాతి: విశాఖ 1,2,3) : ఈ రాశి వారికి ఈ రోజు కార్యాలయాల్లో సానుకూలమైన వాతావరణం ఉంటుంది. కొన్ని ముఖ్యమైన పనులు చేసేటప్పుడు తొందర పడొద్దు. ఆరోగ్య విషయంలో జాగ్రత్తగా ఉండాలి. ఆర్థిక వ్యవహారాల్లో నిర్ణయాలు తీసుకునేటప్పుడు ఇతరుల సలహాలను తీసుకోవాలి. ముఖ్యమైన రహస్యాలను ఇతరులకు చెప్పకూడదు. భవిష్యత్తులో వచ్చే లాభం విషయంలో కొత్తగా పెట్టుబడులు పెడతారు.
వృశ్చిక రాశి(విశాఖ 4, అనురాధ, జ్యేష్ఠ) : ఈ రాశి వారికి ఈ రోజు కుటుంబ సభ్యుల సహకారం ఉండడంతో వ్యాపారులు లాభాలు పొందుతారు. ఉద్యోగులకు తోటి వారి సహకారం ఉంటుంది. పెండింగ్లో ఉన్న పనులను పూర్తి చేస్తారు. ఆగిపోయిన డబ్బు తిరిగి వసూలు అవుతుంది. నాణ్యమైన ఆహారాన్ని తీసుకునే ప్రయత్నం చేయాలి. స్నేహితులతో కలిసి విహారయాత్రలకు వెళ్లేందుకు ప్లాన్ చేస్తారు.
ధనస్సు రాశి ( మూల, పుర్వాషాఢ, ఉత్తరాషాడ 1) : ఈ రాశి వ్యాపారాలు ఈరోజు అధిక లాభాలు పొందుతారు. కుటుంబ జీవితం సంతోషంగా ఉంటుంది. ఆర్థిక పరిస్థితి మెరుగ్గా ఉంటుంది. గతంలో కంటే ఇప్పుడు ఖర్చులు పెరిగే అవకాశం ఉంది. పాత స్నేహితుల నుంచి విలువైన సమాచారాన్ని అందుకుంటారు. గతంలో ఆగిపోయిన డబ్బు వసూలు అవుతుంది. కొత్తగా పెట్టుబడులు పెట్టడానికి ఇదే మంచి సమయం.
మకర రాశి (ఉత్తరాషాఢ 2,3,4 శ్రవణం, ధనిష్ఠ 1,2) : ఈ రాశి వారికి ఈరోజు శని దేవుడి అండదండలు ఉంటాయి. దీంతో ఏ పని మొదలుపెట్టిన విజయవంతంగా పూర్తి చేస్తారు. ఉద్యోగులు కార్యాలయాల్లో ఒత్తిడి లేకుండా ముఖ్యమైన పనులను పూర్తి చేస్తారు. వ్యాపారులకు గతంలో కంటే ఇప్పుడు లాభాలు ఉంటాయి. ఆరోగ్య విషయంలో జాగ్రత్తగా ఉండాలి.
కుంభ రాశి (ధనిష్ఠ 3,4 శతభిష పూర్వాభాద్ర 1,2,3) : ఈ రాశి వారికి ఈ రోజు శుభవార్తలు అందుతాయి. భవిష్యత్తును దృష్టిలో ఉంచుకొని కొత్తగా పెట్టుబడును పెడతారు. ఆరోగ్య విషయంలో ప్రత్యేక దృష్టి పెట్టాలి. కష్టానికి తగిన ఫలితం ఉంటుంది. కొత్త వస్తువుల కొనుగోలు విషయంలో అప్రమత్తంగా ఉండాలి. జీవిత భాగస్వామితో సంతోషంగా గడుపుతారు.
మీనరాశి (పూర్వాభద్ర 4, ఉత్తరాభాద్ర రేవతి ) : ఈ రాశి వారికి ఈ రోజు మానసికంగా ప్రశాంతంగా ఉంటుంది. కొన్ని కఠినమైన సవాళ్లను ఎదుర్కొంటారు. బంధువుల నుంచి శుభవార్తలు అందుతాయి. కొత్త పెట్టుబడుల విషయంలో ఉత్సాహం చూపుతారు. ఆగిపోయిన డబ్బు వసూలు అవుతుంది. ఆధ్యాత్మిక క్షేత్రాలను సందర్శిస్తారు. స్నేహితులతో కలిసి విహారయాత్రలకు వెళ్తారు.
