క్యాస్టింగ్ కౌచ్ పై వరలక్ష్మి చేసిన వ్యాఖ్యలకు మద్దతుగా రాధికా శరత్ కుమార్ మద్దుతు నిలిచారు. సినిమా ఇండస్ట్రీలో జరుగుతున్న క్యాస్టింగ్ కౌచ్ విషయంలో వరలక్ష్మి కరెక్టుగానే రియాక్టయిందని రాధిక అన్నారు. ఈ విషయంలో తన కూతురుకు మరింత బలం చేకూరాలని ఆశిస్తున్నానని రాధిక ట్విట్టర్లో పేర్కొంది.
వరలక్ష్మి 25సంవత్సరాలు పూర్తి చేసుకున్న సందర్భంగా అభిమానుల కోసం ఓ ఇంటర్వ్యూ ఇచ్చింది. ఇండస్ట్రీలో తనకు ఎదురైన అనుభవాలను వెల్లడించింది. స్టార్ కిడ్ అయిన తనకు కూడా క్యాస్టించ్ కౌచ్ సంఘటనలు ఎదురైనట్లు చెప్పింది. అలాంటి వారు మాట్లాడిన ఫోన్ కాల్ రికార్డింగ్స్ తన వద్ద ఉన్నాయని చెప్పింది. దీంతో ఈ విషయం హాట్ టాపిక్ గా మారింది.
అలాంటి వారి సినిమాల్లో తాను నటించాల్సి అవసరం లేదనిపించిందని చెప్పింది. అందుకే తనను బ్యాన్ చేశారని చెప్పింది. అయినా నేడు ఎవరికీ భయపడకుండా తన కాళ్లపై నేను నిలబడిగలిగానని చెప్పింది. ఇలాంటి విషయాలపై మహిళలు ధైర్యంగా ఎదుర్కొని ముందుకు సాగాలని సూచించారు. ప్రస్తుతం వరలక్ష్మి ‘కన్నిరాశి’, ‘వెల్వెట్ నగరం’, ‘డాని’ తదితర చిత్రాలతో బిజీగా ఉన్నారు.
గతంలో కాంగ్రెస్ ఎమ్యెల్యేలను `ఆకర్ష్ కమల్’ పేరుతో ఆకట్టుకొని కాంగ్రెస్ – జేడీఎస్ కూటమి ప్రభుత్వాన్ని గద్దె దించి, కర్ణాటకలో అధికారం చేపట్టిన బిజెపి తీరులో గుజరాత్ లో బిజెపి ప్రభుత్వాన్ని పడగొట్టి, అధికారం చేపట్టడం కోసం కాంగ్రెస్ పావులు కడుపుతున్నది.
ఇటీవల విశాఖ విమానాశ్రయం వద్ద ప్రతిపక్ష నేత చంద్రబాబునాయుడి అరెస్ట్ కోసం సిఆర్పిసి సెక్షన్ 151 కింద పోలీసులు నోటీసు ఇవ్వడం ఏపీ పోలీస్ ను ఆత్మరక్షణలో పడవేసిన్నట్లు కనిపిస్తున్నది.
జగన్ మోహన రెడ్డి భవిత్యం ఎలా ఉండబోతుంది? మూడు రాజధానుల వ్యవహారం జగన్ కి ముప్పు తెస్తుందా? దిగజారుతున్న ఆర్ధిక పరిస్థితి చేటు తెస్తుందా? ఇవి ప్రస్తుతం ఆంధ్ర రాజకీయాలపై నడుస్తున్న చర్చ. ఆంధ్ర లో గ్రామాల్లో ఏ ఇద్దరూ కలిసినా రాజకీయ చర్చ జరగకుండా ముగింపుకాదు. ఈ ఒరవడి ఆంధ్రాలో ఎప్పట్నుంచో వుంది. అదే తెలంగాణాలో అయితే అంతగా ఉండదు. అలాగే సినిమాలపై కూడా. తెలంగాణాలో సినిమా వాళ్ళ జీవితంలో భాగం కాదు, అదే ఆంధ్రాలో సినిమాలేకపోతే లైఫే లేదన్నట్లు వుంటారు. ఇంకో తేడా కూడా వుంది. ఆంధ్రాలో కుల సమీకరణలు ఎక్కువ. కులాల చుట్టే రాజకీయాలు తిరుగుతుంటాయి. ఆ పరిస్థితి తెలంగాణాలో లేదు. ఇదంతా ఎందుకు చెప్పాల్సివచ్చిందంటే ఆంధ్రాలో రాజకీయాల్ని విశ్లేషించేటప్పుడు ఈ నేపధ్యం ఉండటం వలన తప్పులను ఎత్తిచూపటం, ఒప్పులను ప్రశ్నించటం కూడా పెద్ద చిక్కే. వెంటనే ఆ విశ్లేషణను రంగుటద్దాలతో పరిశీలించటంతో ఏదో వర్గం అభిమానాన్నో, దురభిమానాన్నో ఎదుర్కోకతప్పదు.
ఢిల్లీ అల్లర్లపై ఇవాళ పార్లమెంట్లో దుమారం చెలరేగింది. ప్రధాని నరేంద్ర మోదీ, కేంద్ర హోంశాఖ మంత్రి అమిత్ షా .. తమ పదవులకు రాజీనామా చేయాలని ప్రతిపక్షాలు డిమాండ్ చేశాయి. విపక్ష సభ్యుల ఆందోళన నడుమ.. ఉభయసభలను రేపటికి వాయిదా వేశారు.
మహారాష్ట్రాలో కాంగ్రెస్, ఎన్సీపీ లతో కలసి అధికారం పంచుకొంటున్న శివసేనతో ముఖ్యమంత్రి ఉద్ధవ్ ఠాక్రే భార్య రశ్మి ఠాక్రే ఇప్పుడు కీలక అధికార కేంద్రంగా మారారు. చాలాకాలంగా తెర వెనుక ఉండే పార్టీ వ్యవహారాలు నడిపిస్తున్న ఆమె తొలిసారిగా ప్రత్యక్ష పాత్ర వహింపబోతున్నారు.
వ్యవసాయ భీమా పధకంలో ప్రైవేట్ భీమా కంపెనీ ప్రమేయం లేకుండా చేయడం కోసం ఆంధ్ర ప్రదేశ్ ప్రభుత్వం సొంతంగా నెలకొల్పదలిచిన బీమా సంస్థకు ఇన్సూరెన్స్ రెగ్యులేటరీ అథారిటీ (ఐఆర్డిఎ) నుంచి అనుమతులిచ్చే విషయంలో కేంద్రం మోకాలొడ్డినట్లు తెలుస్తున్నది. అలాగే రాష్ట్రానికి కేంద్రం ఇచ్చే ప్రీమియం వాటా పైనా సందిగ్ధం నెలకొన్నట్లు చెబుతున్నారు.
చిరంజీవి చాలా క్యూట్ అంటున్న అనసూయ
బ్రహ్మాజీ కుమారుడు విశ్వనాథ్ నటించిన “ఓ పిట్టకథ” సినిమా ప్రీ రిలీజ్ ఈవెంట్ కు ముఖ్య అతిధిగా మెగాస్టార్ చిరంజీవి హాజరయ్యారు . ఈ ఈవెంట్ లో అనసూయను ఉద్దేశించి చిరంజీవి “రంగమ్మత్త గెస్ట్గా వచ్చినందుకు సంతోషం. మొన్న టెస్ట్ చేయించుకున్నాను.. నా గుండె చాలా స్ట్రాంగ్గా ఉందని అన్నారు. కానీ, ఇప్పుడు ఎందుకో చాలా పెయిన్ వచ్చింది అర్థం కావట్లే.. కొంచెం చిన్న వాయిస్ తో రామ్ చరణ్కి చెప్పకమ్మా!” అంటూ చేసిన వ్యాఖ్యలు అక్కడ ఉన్నవారందరిని నవ్వులలో ముంచెత్తింది.
దీని గురించి అనసూయ ట్వీట్ చేస్తూ “హాహాహా… చాలా క్యూట్.. చాలా వినయం.. మెగా లెజెండ్ను చూసి చాలా నేర్చుకోవాల్సి ఉంది” అని మెగాస్టార్ పొగడ్తలతో ముంచెత్తింది . ఎప్పటికి తాను చిరంజీవి ఫ్యాన్ అంటూ ఒక హాష్ ట్యాగ్ కూడా జోడించింది. సోషల్ మీడియాలో ఈ ట్వీట్ చక్కర్లు కొడుతుంది.