చాలా కాలం తరువాత సినిమాలోకి అడుగుపెట్టిన పవర్ స్టార్ పవన్ కళ్యాణ్ ప్రస్తుతం ‘ఎంసిఎ’ ఫేమ్ వేణు శ్రీరామ్ దర్శకత్వంలో హిందీలో అమితాబ్ బచ్చన్ ప్రధాన పాత్రలో నటించిన ‘పింక్’ సినిమా తెలుగు రీమేక్లో నటిస్తున్నాడు. ఈ చిత్రానికి ‘వకీల్ సాబ్’ అనే టైటిల్ను ఖరారు చేసారు. ఈ సినిమా అప్డేట్స్ కోసం అభిమానులు ఆతృతగా ఎదురుచూస్తున్న తరుణంలో ఈ చిత్ర యూనిట్ ఫస్ట్ లుక్ ని విడుదల చేసింది.
వకీల్ సాబ్గా ఒక చెయిర్లో కూర్చొని కేసు స్డడీ చేస్తున్నట్టుగా పవన్ కళ్యాణ్ లుక్ అదిరిపోయింది. ఈ చిత్రంలో నివేదా థామస్, అనన్య ముఖ్యపాత్రల్లో నటిస్తున్నారు. ఇక పవన్ కళ్యాణ్ సరసన హీరోయిన్గా పూజా హెగ్డే నటిస్తోందని సమాచారం. ప్రకాష్ రాజ్ ఓ కీలక రోల్ చేస్తున్నారు.
ఇప్పటికే ఈ సినిమా షూటింగ్ చివరి దశకు చేరుకుంది. ఈ చిత్రాన్ని మే 15న సమ్మర్ కానుకగా రిలీజ్ చేస్తు్నారు. శ్రీవెంకటేశ్వర క్రియేషన్స్ పతాకంపై దిల్రాజు ఈ చిత్రాన్ని నిర్మిస్తున్నారు. పవన్కల్యాణ్ 26వ చిత్రంగా తెరకెక్కుతున్న ఈ సినిమాపై అభిమానుల్లో ఎంతో ఆసక్తి నెలకొని ఉంది.
ఈ సినిమా చిత్ర సంగీత దర్శకుడు థమన్.. ఫస్ట్ సింగిల్ను త్వరలోనే విడుదల చేస్తామని ఇటీవల ప్రకటించాడు. మరోవైపు మహిళా దినోత్సవాన్ని పురస్కరించుకుని మార్చి 8న ఫస్ట్సాంగ్ను విడుదల చేయనున్నారని సమాచారం.
