దేశంలో కరోనా నివారణకు కేంద్రం 21రోజుల లాక్డౌన్ ప్రకటించింది. కరోనా ప్రభావంతో ఇప్పటికే షూటింగ్ వాయిదా పడ్డాయి. థియేటర్ల మూతపడటంతో చిత్రపరిశ్రమ ఇబ్బందులు ఎదుర్కొంటుంది. రోజువారీ షూటింగ్లో పాల్గొనే సినీ కార్మికులకు ఉపాధి దొరకక ఇబ్బందులు ఎదుర్కొంటున్నారు. దీంతో సినీ కార్మికులనే ఆదుకోవాలనే ఉద్దేశ్యంతో మెగాస్టార్ చిరంజీవి ఆధ్వర్యంలో ‘సీసీసీ(కరోనా క్రైసిస్ చారిటీ) మనకోసం ఏర్పాటైంది. ఇందులో సీని పెద్దలు సభ్యులుగా ఉంటారు. ఈ ఛారిటీ ఆధ్వర్యంలో సినీ కార్మికుల సంక్షేమానికి పలు సంక్షేమ కార్యక్రమాలను చేపట్టేందుకు చర్యలు తీసుకుంటున్నారు.
‘సీసీసీ మనకోసం’ కమిటీకి ఇప్పటికే పలువురు సెలబెట్రీలు విరాళాలను ప్రకటించారు. ఈ జాబితాలో యంగ్ హీరో శర్వానంద్ చేరారు. సినీ కార్మికుల కోసం శర్వానంద్ 15లక్షల విరాళాన్ని ప్రకటించారు. ఆదివారం ‘ఐయామ్ శర్వానంద్’ అంటూ ట్వీటర్లో అడుగుపెట్టారు. ఆ వెంటనే సినీ కార్మికులను ఆదుకునేందుకు ‘సీసీసీ’కి 15లక్షల విరాళాన్ని ఇస్తున్నట్లు ప్రకటించారు.
దినసరి వేతనంతో పని చేసే కార్మికులు సినిమా కోసం అందరికంటే ఎక్కువగా కష్టపడుతుంటారని శర్వానంత్ తెలిపారు. కరోనా ఎఫెక్ట్ తో షూటింగ్ లు వాయిదా పడటంతో కార్మికులు ఇబ్బందులు పడుతున్నారని తెలిపారు. ఈ నేపథ్యంలో కార్మికులను ఆదుకునేందుకు ఏర్పడిన ‘కరోనా క్రైసిస్ చారిటీ’కి తనవంతు సాయంగా రూ. 15లక్షలు ఇస్తున్నట్లు ట్వీటర్లో పేర్కొన్నారు. ఈ సందర్భంగా కరోనా కట్టడికి ప్రజలంతా స్వీయనియంత్రణ పాటించాలని కోరారు. వైద్యులు అందించే సూచనలను పాటించి కరోనాను దూరంగా ఉండాలని శర్వానంద్ సూచించారు.
లాక్డౌన్ తో పట్టణాలలో ఉపాధి అవకాశాలు స్తంభించి పోవడంతో లక్షల సంఖ్యలో వలస కార్మికులు గ్రామాలకు ప్రయాణం కావడం పట్ల కేంద్రం కలవరం చెందుతున్నది. అందుకనే తక్షణం రాష్ట్రాల సరిహద్దులతో పాటు జిల్లాల సరిహద్దులను కూడా మూసి వేయాలని రాష్ట్ర ప్రభుత్వాలను ఆదేశించింది. కరోనా వైరస్ గ్రామాలకు వ్యాప్తి చెందకుండా కట్టడి చేయాలని సూచించింది.
కోవిడ్ -19పై ప్రస్తుతం సాగిస్తున్న పోరాటం భారత్ కు జీవన్మరణ సమస్య అని ప్రధాని నరేంద్ర మోదీ స్పష్టం చేశారు. దేశ ప్రజలను ఉద్దేశించి ప్రధాని మన్ కీ బాత్ సందేశం ఇస్తూ లాక్డౌన్ కారణంగా పేదప్రజలకు కలిగిన ఇబ్బందికి క్షమాపణలు కోరారు. ప్రపంచ దేశాలను చూసిన తర్వాతనే లాక్డౌన్ నిర్ణయం తీసుకున్నట్లు చెబుతూ కోవిడ్-19పై యుద్ధానికి కఠిన నిర్ణయాలు తప్పవని స్పష్టం చేసారు.
కరోనా కట్టడికి లాక్ డౌన్ మాత్రమే మార్గమని ఒక వంక ప్రధాన మంత్రి నరేంద్ర మోదీ స్పష్టం చేస్తుండగా, దేశంలో వైరస్ సోకినా వారి సంఖ్యా కూడా పెరుగుతూ ఉండగా ఎక్కడికక్కడ చిక్కుకు పోయిన లక్షలాది మంత్రి వలస కార్మికులు పల్లెబాట పడుతూ ఉండడంతో ప్రభుత్వ వర్గాలు ఆందోళన చెందుతున్నాయి. లాక్ డౌన్ ఉద్దేశం నీరుకారి పోతుందని భయపడుతున్నాయి.
కరోనా వైరస్కు పుట్టినిల్లయిన చైనాలోని వూహాన్ నగరం కోలుకున్నది. రెండు నెలల లాక్డౌన్ ఎత్తివేస్తున్నట్టు చైనా ప్రభుత్వం శనివారం ప్రకటించింది. దాదాపు 63 రోజులపాటు లాక్డౌన్కు గురైన ప్రజానీకం ఒక్కసారిగా స్వేచ్ఛావాయువులు పీల్చుకున్నంత భావోద్వేగానికి లోనయ్యారు. దాదాపు కోటి పది లక్షల జనాభా ఉన్న వూహాన్.. జనవరి మొదటివారం నుంచి వార్తల్లోకెక్కింది.
కరోనా వ్యాప్తిని నివారించే క్రమంలో పోలీసులు పలువురిని కొట్టిన, జర్నలిస్టులపై దాడి చేసిన ఘటనలు చూశాం. మరోవైపు ఆపదలో ఉన్నవారిని ఆదుకోవడంలో ముందున్నాం అంటున్నారు పోలీసులు. విజయవాడలో పోలీసులు ఆదివారం తమ ఔదార్యాన్ని చాటుకున్నారు. భవానీపురం పోలీస్ స్టేషన్ పరిధిలో కబేళా సమీపంలో నివాసం ఉండే షేక్ సిద్ధికా(25) నిండు గర్భిణీ. ఈ రోజు ఉదయం ఆమెకు ఉన్నట్టుండి నొప్పులు రావడంతో ఆసుపత్రికి తరలించేందుకు కుటుంబ సభ్యులు సిద్ధమయ్యారు. స్థానికంగా ఉన్న ఆటో స్టాండ్ లో ఆటో కోసం ప్రయత్నించగా ఎవరు కిరాయికి రాకపోవడంతో కుటుంబ సభ్యులకు దిక్కుతోచని పరిస్థితి ఎదురయ్యింది.
భారత ప్రభుత్వం విధించిన లాక్ డౌన్ తో సినీ జనాలు యాక్టివిటీ లేకుండా ఉన్నప్పుడు రాజమౌళి టీం ఆర్ ఆర్ ఆర్ సినిమా ప్రచారాన్ని స్టార్ట్ చేసి అందరినీ సర్ ప్రైజ్ చేసింది. ఉగాది రోజున ఆర్ ఆర్ ఆర్ చిత్రం యొక్క మొదట మోషన్ పోస్టర్ మరియు టైటిల్ ను విడుదల చేసిన రాజమౌళి టీమ్ రెండు రోజుల గ్యాప్ తరవాత మార్చ్ 27 వ తారీఖున రామ్ చరణ్ బర్త్ డే సందర్భంగా ‘భీమ్ ఫర్ రామరాజు’ అంటూ చెర్రీ పాత్ర ఇంట్రో వీడియోను విడుదల చేశారు.
చైనాలోని వూహాన్లో పుట్టిన కరోనా వైరస్ ప్రస్తుతం ప్రపంచాన్ని బెంబెలెత్తిస్తుంది. ప్రస్తుతం ఈ వైరస్ 200పైగా దేశాలకు సోకింది. కరోనా దాటికి అమెరికా, ఇటలీ, స్పెయిన్, చైనా వంటి అగ్రదేశాలు విలవిలలాడిపోతున్నాయి. ప్రస్తుతం ఇండియాలోనే కరోనా పాజిటివ్ కేసులు రోజురోజుకు పెరుగుతుండటం ఆందోళన కలిగిస్తుంది. తాజాగా కరోనా మహమ్మరితో స్పెయిన్ యువరాణి మరియా థెరిసా(86) మృతిచెందింది. కరోనా వైరస్ కు ఆమె చికిత్స చేయించుకుంటున్నప్పటికీ మరియా థెరిసా మృతిచెందాడం అందరినీ షాకింగ్ కు గురిచేసింది.
పవర్ స్టార్ పవన్ కల్యాణ్ సినిమాల్లోకి రీ ఎంట్రీ ఇచ్చిన సంగతి తెల్సిందే. రెండేళ్లుగా సినిమాలకు దూరంగా ఉన్న పవన్ కల్యాణ్ బాలీవుడ్ మూవీ ‘పింక్’ తెలుగు రీమేక్లో నటిస్తున్నారు. ఈ మూవీని దిల్ రాజు, శ్రీదేవి భర్త బోనికపూర్ భారీ బడ్జెట్లో నిర్మిస్తున్నారు. ఈ మూవీ షూటింగ్ రామోజీ ఫిల్మీ సిటీ ఇటీవల శరవేగంగా జరుపుకుంది. అయితే దేశంలో కరోనా ఎంట్రీతో సినిమా షూటింగ్ లన్నీ వాయిదా పడ్డాయి. దీంతో ‘వకీల్ సాబ్’ మూవీ కూడా వాయిదా పడింది. అయితే అప్పటికే ‘వకీల్ సాబ్’ 80శాతం షూటింగ్ కాంప్లీట్ చేసుంది.
తెలుగుదేశం పార్టీ 38వ ఆవిర్భావ దినోత్సవం కరోనా నేపథ్యంలో లాక్ డౌన్ అమలులో ఉన్నందున ఇళ్లకే పరిమితం అయ్యింది. పార్టీ ఆవిర్భావం అయినప్పటి నుంచి ఈ విధంగా ఎన్నడూ జరగలేదని ఆ పార్టీ నాయకులు చెబుతున్నారు. టీడీపీ జాతీయ అధ్యక్షుడు చంద్రబాబు నాయుడు, జాతీయ ప్రధాన కార్యదర్శి లోకేష్ హైదరాబాద్ లోని వారి నివాసంలో పార్టీ వ్యస్థాపకుడు ఎన్టీఆర్ విగ్రహానికి పూలమాలలు వేసి నివాళులర్పించారు. పార్టీ జెండా ఆవిష్కరించి ఆవిర్భావ దినోత్సవం జరుపుకున్నారు. పార్టీ నాయకులు, కార్యకర్తలు, అభిమానులు వారి వారి ఇళ్ల వద్దే పార్టీ జెండా ఆవిష్కరించి ఆవిర్భావ దినోత్సవాన్ని జరుపుకోవాలని పిలుపునిచ్చారు. విజయవాడలో రూరల్ మండలం గొల్లపూడి గ్రామంలో తన నివాసంలో మాజీ మంత్రి దేవినేని ఉమామహేశ్వరరావు పార్టీ ఆవిర్భావ దినోత్సవం నిర్వహించారు. గ్రామంలోని వన్ సెంటర్లలో ఉన్న ఎన్టీఆర్ విగ్రహానికి ఆయన ఒక్కరే వెళ్లి పూలమాల వేసి నివాళులర్పించారు. ఈ సందర్భంగా పేదలకు నిత్యావసర వస్తువులు పంపిణీ చేశారు. ఇతర జిల్లాల్లో ఆయా జిల్లాల పార్టీ అధ్యక్షులు, మాజీ మంత్రులు, ఇతర ముఖ్యనాయకులు వారి వారి ఇళ్ళవద్దే పార్టీ ఆవిర్భావ దినోత్సవాన్ని నిర్వహించారు. కరోనా ప్రభావంతో పార్టీ ఆవిర్భావ దినోత్సవం బహిరంగంగా భారీ స్థాయిలో నిర్వహించలేక పోవడం నిరాశకు గురవుతున్నారు. ప్రస్తుత పరిస్థితుల దృష్ట్యా ఇంతకు మించి మరో మార్గం కనిపించడం లేదంటూ ఆవేదన వ్యక్తం చేస్తున్నారు.
గుంటూరు తూర్పు ఎమ్మెల్యే ముస్తఫా తో పాటు కుటుంబ సభ్యులు, సిబ్బంది మొత్తం 15 మందిని కాటూరి మెడికల్ కాలేజీ ఐసోలేషన్ వార్డ్ కి అధికారులు తరలించారు. గుంటూరు డి.ఎం అండ్ హెచ్.ఓ యాస్మిన్ కాటూరి మెడికల్ కాలేజ్ చేరుకుని పరిస్థితిని సమీక్షిస్తున్నారు. గుంటూరు ప్రభుత్వ వైద్యశాల వైద్య బృందం వీరికి వైద్య సేవలు అందిస్తుంది. పూర్తి వివరాల్లోకి వెళితే ఎమ్మెల్యే ముస్తఫా బావమరిది, పొగాకు వ్యాపారస్తుడు సుభాని ఇటీవల ఢిల్లీ వెళ్లి వచ్చారు. అనంతరం ఈ నెల 22వ తేదీన జనతా కర్ఫ్యూ నిర్వహించిన రోజున ఆయన విందు ఇచ్చినట్లు తెలుస్తోంది. ఈ విందులో ఎమ్మెల్యే ముస్తఫా తో పాటు మరో 200 వరకు పాల్గొన్నట్లు సమాచారం. అనంతరం అనారోగ్యంతో బాధపడుతున్న సుభానిని ఆసుపత్రికి తరలించి పరీక్షలు నిర్వహించారు. పరీక్షలు పూర్తయిన అనంతరం పాజిటివ్ అని తేలడంతో ఐసోలేషన్ లో ఉంచి చేస్తున్నారు. ఎమ్మెల్యే ముస్తఫా, ఆయన కుటుంబ సభ్యులకు కరోనా లక్షణాలు కనిపించడంతో శనివారం నగర శివారులో ఉన్న కాటూరి మెడికల్ కాలేజీకి తరలించి ఐసోలేషన్ లో ఉంచారు. ముఖ్యమంత్రి జగన్మోహన్ రెడ్డి రాష్ట్రంలో కరోనా వైరస్ వ్యాప్తిని నివారించేందుకు కట్టుదిట్టమైన చర్యలు తీసుకుంటున్నా అధికార పక్షానికి చెందిన ఎమ్మెల్యే కు కరోనా వైరస్ బారినపడటం చర్చనీయాంశంగా మారింది. ఎమ్మెల్యే ముస్తఫా బావమరిది సుభాని ఇచ్చిన విందుకు హాజరైన వారందరికీ ఇప్పుడు భయాందోళన పట్టుకుంది.
దేశంలో కరోనా మహమ్మరి విజృంభిస్తుండటంతో రోజురోజుకు కోవిడ్-19పాజిటివ్ కేసులు పెరిగిపోతున్నాయి. ఈ నేపథ్యంలో కొన్నిరోజుల క్రితం కేంద్రం లాక్డౌన్ అమలు చేస్తుంది. దీంతో ప్రతీఒక్కరూ ఇళ్లకే పరిమితమయ్యారు. లాక్డౌన్ అమలుతో ప్రజా రవాణ స్తంభించిపోయింది. నిత్యావసరులకు అందుబాటులో లేకుండా పోయాయి. దీంతో ప్రజలు ఇబ్బందులు పడుతున్నారు. ఇదిలా ఉండే మద్యంప్రియులకు మద్యం దొరకడంలేదని ఆత్మహత్యలకు పాల్పడున్న సంఘటనలు వెలుగు చూస్తున్నాయి.
కరోనా కట్టడి కేంద్రం ప్రభుత్వం తీసుకుంటున్న చర్యలను బాలీవుడ్ నటుడు అక్షయ్ కుమార్ అభినందించారు. కరోనా నివారణకు తనవంతు సాయంగా పీఎం సహాయనిధికి రూ.25కోట్ల భారీ విరాళాన్ని ప్రకటించిన సంగతి తెల్సిందే. దీంతో అక్షయ్ కుమార్ పై పలువురు ప్రశంసల వర్షం కురిపిస్తున్నారు. అయితే పెద్దమొత్తంలో భారీ విరాళం ప్రకటించడంపై అక్షయ్ కుమార్ భార్య ట్వింకిల్ ఖన్నా ట్వీటర్లో తన స్పందనను తెలియజేశారు.
కోవిడ్-19ని కట్టడి చేసేందుకు అవసరమైన నిధులు సేకరణ కోసం.. ప్రధానమంత్రి పౌర సహాయ, ఉపశమన అత్యవసర నిధి (పీఎం-కేర్స్)ని ఏర్పాటు చేశారు. దీనికి నిధులు ఇవ్వడం ద్వారా కరోనా మహమ్మారిపై పోరాటానికి చేయూత ఇవ్వాలని దేశ ప్రజలకు ఆయన పిలుపిచ్చారు.
దేశంలో కరోనా మహమ్మారి రోజురోజుకూ విజృంభిస్తోంది. రోజురోజుకు వందలాది కేసులు నమోదవుతున్నాయి.. ఇప్పటివరకు దేశవ్యాప్తంగా 1029 కరోనా పాజిటివ్ కేసులు నమోదయ్యాయి.24 మంది చనిపోయారు. 85 మంది కోలుకున్నారు.