India Sweden relations: భారత ప్రధాని నరేంద్ర మోదీ స్వీడన్ పర్యటన భారత్–యూరప్ సంబంధాల్లో ఒక మైలురాయిగా నిలిచిపోయింది. గోథెన్బర్గ్లో జరిగిన ఉన్నత స్థాయి చర్చలు రెండు దేశాల మధ్య సహకారాన్ని వ్యూహాత్మక భాగస్వామ్యం స్థాయికి ఎత్తి, భవిష్యత్కు బలమైన రోడ్మ్యాప్ను అందించాయి. ఇది కేవలం ద్వైపాక్షిక బంధాల విస్తరణ మాత్రమే కాదు, సాధారణ జనాభా, ఆవిష్కరణలు, స్థిరత్వం, అభివృద్ధి వంటి సాధారణ విలువలపై ఆధారపడిన భాగస్వామ్యం.
వ్యూహాత్మక భాగస్వామ్యం..
భారత్, స్వీడన్ మధ్య ద్వైపాక్షిక సంబంధాలను వ్యూహాత్మక భాగస్వామ్యం స్థాయికి ఉన్నతీకరించడం ఈ పర్యటనలోని అతి ముఖ్య నిర్ణయం. ఈ అప్గ్రేడ్ ద్వారా రాజకీయ, ఆర్థిక, సాంకేతిక, రక్షణ, వాతావరణం, ప్రజల మధ్య సంబంధాలు అన్ని రంగాల్లోనూ సమగ్ర సహకారం ఏర్పడనుంది. ఈ లక్ష్యంతో ఇండియా–స్వీడన్ జాయింట్ యాక్షన్ ప్లాన్ 2026–2030ను కూడా అనుమోదించారు. ఇది రాబోయే ఐదేళ్లలో భాగస్వామ్యాన్ని ఆచరణాత్మకంగా అమలు చేసే దిశగా బలమైన ఆధారం అవుతుంది.
సాంకేతికత ఆవిష్కరణల్లో కీలక అడుగులు..
సాంకేతిక రంగం ఈ సమ్మేళనం రెండు దేశాలు జాయింట్ ఇన్నోవేషన్ పార్ట్నర్షిప్ 2.0ను అధికారికంగా ప్రారంభించాయి. దీని కింద ఇండియా–స్వీడన్ జాయింట్ సైన్స్ అండ్ టెక్నాలజీ సెంటర్ ఏర్పాటు చేయనున్నారు. అంతేకాకుండా, ఇండియా–స్వీడన్ టెక్నాలజీ – ఆర్టిఫీషియల్ ఇంటెలిజెన్స్ కారిడార్ ఏర్పాటు చేయడం ఈ పర్యటనలోని మరో కీలక ప్రకటన. ఈ కారిడార్ ద్వారా ఏఐ, 6జీ, క్వాంటం కంప్యూటింగ్, లైఫ్ సైన్సెస్ వంటి అత్యాధునిక రంగాల్లో సంయుక్త పరిశోధనలు, స్టార్టప్ల మధ్య సహకారం, వ్యాపార అవకాశాలు పెరగనున్నాయి. ఇది భారత డిజిటల్ ఇండియా లక్ష్యాలను స్వీడన్ యొక్క పారిశ్రామిక ఆవిష్కరణలతో మేళవించి భవిష్యత్ సాంకేతికతలకు కొత్త మార్గాలు వెలికితీస్తుంది.
వాణిజ్య, ఆర్థిక సహకారం..
గత సంవత్సరం భారత్–స్వీడన్ ద్వైపాక్షిక వాణిజ్యం 7.75 బిలియన్ డాలర్లకు చేరుకుంది. ఈ నేపథ్యంలో రాబోయే ఐదేళ్లలో వాణిజ్యం, పెట్టుబడులను రెట్టింపు చేయాలనే లక్ష్యాన్ని నిర్దేశించుకున్నారు. స్వీడన్ ప్రధాని ఉల్ఫ్ క్రిస్టెర్సన్ ఈ లక్ష్యం కంటే ముందే సాధ్యమవుతుందని ఆశాభావం వ్యక్తం చేశారు. గ్రీన్ ట్రాన్సిషన్, డిఫెన్స్, స్పేస్, స్టార్టప్లు, రెసిలియెంట్ సప్లై చైన్స్ రంగాల్లో సహకారం ఈ లక్ష్యాన్ని సాకారం చేయడంలో కీలక పాత్ర పోషిస్తాయి. ప్రధాని మోదీ యూరపియన్ బిజినెస్ నాయకులతో జరిపిన సమావేశాల్లో భారత్ను విశ్వసనీయ పెట్టుబడి గమ్యస్థానంగా ప్రచారం చేయడం ఈ పర్యటనలో మరో ముఖ్యాంశం.
మోదీ హృదయపూర్వక కృతజ్ఞతలు..
సాంస్కృతిక మేళవింపు పర్యటన సమయంలో స్వీడన్ ప్రధాని ఉల్ఫ్ క్రిస్టెర్సన్తో పాటు స్వీడన్ ప్రభుత్వం, ప్రజలు చూపిన ఆప్యాయతకు ప్రధాని మోదీ హృదయపూర్వకంగా కృతజ్ఞతలు తెలిపారు. ఈ సందర్భంగా స్వీడన్ రాజకుటుంబం ప్రధాని మోదీని రాయల్ ఆర్డర్ ఆఫ్ ది పోలార్ స్టార్తో సత్కరించడం విశేషం. రవీంద్రనాథ్ ఠాగూర్ కవితల ఫ్యాక్సిమైల్ను బహుమతిగా అందజేయడం రెండు దేశాల మధ్య సాంస్కతిక వారసత్వ సంబంధాలను మరింత బలపరిచింది.
ప్రధాని మోదీ స్వీడన్ పర్యటన భారత్–స్వీడన్ సంబంధాలకు కేవలం ఒక దశ మాత్రమే కాదు, ఒక కొత్త యుగానికి నాంది పలికింది. ఆవిష్కరణ, స్థిరత్వం, పరస్పర లాభదాయక సహకారంపై ఆధారపడిన ఈ భాగస్వామ్యం రెండు దేశాల ప్రజల జీవన నాణ్యతను మెరుగుపరచడంతోపాటు, ప్రపంచ స్థాయిలో స్థిరత్వం, ఆవిష్కరణలకు కొత్త మార్గాలు చూపించనుంది.
My visit to Sweden was marked by several important outcomes that will add new momentum to India-Sweden relations.
From elevating our ties to a Strategic Partnership, launching the Joint Innovation Partnership 2.0 and the India-Sweden Technology and Artificial Intelligence… pic.twitter.com/KhzfaXbSey
— Narendra Modi (@narendramodi) May 18, 2026
ఆంధ్రప్రదేశ్ లో జనాభా పెంచాల్సిన అవసరం ఉందా.. చంద్రబాబు గెలుపు వెనుక ఉద్దేశం ఏమిటి?
AP population growth: ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఈ మధ్య తరచుగా పిల్లల్ని కనండి అని పిలుపునిస్తున్నారు. తాజాగా ఉత్తరాంధ్ర పర్యటనలో కూడా ఇదే విషయం చెప్పారు. ఒకప్పుడు నేనే కుటుంబ నియంత్రణ పాటించమని చెప్పాను కృషి చేశాను అన్నారు. ఇప్పుడు నేనే చెప్తున్నా పిల్లల్ని కనండి అని పిలుపునిచ్చారు. గతంలో కుటుంబ నియంత్రణ గురించి తీసుకున్న స్థితిని గుర్తుచేస్తూ ఇప్పుడు అదే సందేశాన్ని ఇవ్వడం వివాదానికి గురైంది.
ముగ్గురు ఉంటే 30 వేలు..
చంద్రబాబు తాజాగా పిల్లలు కనడానికి ప్రోత్సాహకాలు ప్రకటించారు . ముగ్గురుని కంటే 30 వేల రూపాయలు నలుగురుని కంటే 40 వేల రూపాయలు ఇస్తానని ఉత్తరంగా పర్యటనలు ప్రకటించారు. ఈ విధమైన ప్రతిపాదనలు పరస్పర విమర్శలకు కారణమయ్యాయి.
దేశంలో జనాభా పరిస్థితి..
మన దేశంలో జనాభా ఇప్పటికే సుమారు 140 కోట్ల పైగా ఉంది. ఈ నేపథ్యంలో ఇప్పుడు పెంపు అవసరమైన ప్రశ్నలు తలెత్తుతున్నాయి. జనాభా కారణంగా ఇప్పటికే మన దేశంలో వనరులపై ఒత్తిడి పెరుగుతుంది. ప్రజలకు పాలకులు మౌలిక సదుపాయాలు కల్పించలేకపోతున్నారు. మంచి విద్య అందడం లేదు. ఆసుపత్రుల కొరత ఉంది. ఉద్యోగాలు ఉపాధి అవకాశాలు లభించడం లేదు. సంపద కూడా కొందరి వద్దనే ఉంటుంది. ఆర్థిక అంతరాలు పెరుగుతున్నాయి.
చదరపు కిలోమీటర్ కు 480 మంది పైనే
చదరపు కిలోమీటరుకు కనిపించే జనసాంద్రత భారతదేశంలో ఎక్కువగా ఉంటుంది, ఇది మౌలిక సదుపాయాలపై భారం పెంచుతుంది. రవాణా, ఆరోగ్య, విద్య, నీటి సరఫరా వంటి సేవల అందుబాటును ప్రస్తుత జనాభా కూడా కష్టపడి తీర్చుకుంటోంది. అంతకంటే ఎక్కువ జనాభా పెరగడం పరిస్థితిని మరింత యంత్రంగా మార్చే అవకాశం ఉంది. అమెరికాలో చదరపు కిలోమీటర్ కు 33 మంది, చైనాలో చదరపు కిలోమీటర్ కు 150 మంది ఉన్నారు. మనదేశంలో కూడా ఫెర్టిలిటీ రేటు తగ్గుతుంది. కానీ జనాభా పెంపు ఇప్పట్లో అవసరం లేదు.
ఆంధ్రప్రదేశ్ లో 310 మంది..
ఆంధ్రప్రదేశ్లో జనాభా 5 కోట్లకు పైగా ఉంది. ఇది దక్షిణ కొరియాతో సమానం. దక్షిణ కొరియా ప్రపంచంలో చాలా మెరుగైన అభివృద్ధి చెందిన దేశం. ఆంధ్రప్రదేశ్లో చాలావరకు మౌలిక సదుపాయాల లేవు. తలసరి ఆదాయంలో ఆంధ్రప్రదేశ్ దక్షిణాది రాష్ట్రాల్లో చివరి స్థానంలో ఉంది. జిడిపి పెంపు ప్రజలకు మెరుగైన జీవనం కల్పించడంపై దృష్టి పెట్టాల్సిన తరుణంలో జనాభా పెంపుకు పిలుపునివ్వడం విమర్శలకు తావిస్తోంది.
చంద్రబాబు జనాభా పెంపు గురించి ప్రజలను ప్రోత్సహించడం కన్నా ముందు సదుపాయాలపై దృష్టి పెట్టాలని సూచిస్తున్నారు. అజీర్ణంతో బాధపడుతున్న వ్యక్తి ఆకలితో ఉన్నవాడిని ఒకప్పుడు తినమని సూచించినట్లుగా ఉందన్న విమర్శలు వస్తున్నాయి. అధిక జనాభా సూచన రాజకీయంగా రాకుండా వాస్తవ సమస్యల్ని మరింత పెంచే ప్రమాదం ఉంది.