Xiaomi 17 Max launch: Xiaomi కంపెనీ నుంచి కొత్త మొబైల్ వస్తుందని చాలా మంది ఆశిస్తూ ఉంటారు. అందుకు అనుగుణవంగా లేటేస్ట్ గా ఈ కంపెనీ నుంచి 17 Max లాంచ్ డేట్ గురించి పూర్తి అప్డేట్ వచ్చేసింది. చైనాలో ఈ ఫోన్ మే చివరి వారంలో లాంచ్ కానుంది. అంటే మే 28 నుంచి 31 మధ్యలో ఉండే అవకాశం ఎక్కువగా ఉంది. ఆ తరువాత భారత్ లోకి వచ్చే అవకాశం కూడా ఉందని భావిస్తున్నారు. అయితే ఈ ఫోన్ లాంచ్ కాకముందే దీని వివరాలు బయటకు వచ్చాయి. ఈ ఫోన్ ఎలా ఉండబోతుందంటే?
Xiaomi 17 Max మొబైల్ ను మొదట్లో ఏప్రిల్ 2026 లో లాంచ్ చేస్తారని వార్తలు వచ్చాయి. కానీ తర్వాత సమాచారం ద్వారా ఇది మే 2026 కి పోస్ట్పోన్ అయ్యిందని తేలింది. ఇప్పుడు కంపెనీ చైనీస్ వెబ్సైట్ ద్వారా ఫోన్ను టీజ్ చేస్తూ, చైనా మార్కెట్లో మే చివరిలో లాంచ్ ఉంటుందని కన్ఫర్మ్ చేసింది.
Xiaomi 17 Max లో పెద్ద స్క్రీన్ ఉండనుంది. ఇది ఫ్లాగ్షిప్తో పనిచేసే అవకాశం ఉంది. ఇందులో సుమారు 6.9 అంగుళాల OLED డిస్ ప్లే ఉండనుంది. ఇది 1.5K రిజల్యూషన్, నేర్‑బెజెల్ లుక్ తో ఉంటాయని లీక్స్ చెబుతున్నాయి. ఇందులో Magic Back Screen లేకుండా ప్రో మోడల్స్ నుంచి కొంచెం మారి, స్లిమ్, ఫ్లాట్ బాడీ డిజైన్ ఎంపిక చేసుకున్నట్టు తెలుస్తోంది. ఫోన్ Xiaomi Dragon Crystal Glass 3 లాంటి హార్డ్ గ్లాస్ ప్రొటెక్షన్ తో వస్తుందని సమాచారం.
ఈ ఫోన్ లో Qualcomm Snapdragon 8 Elite Gen 5 చిప్సెట్ ఉండనుంది. ఇది కంపెనీ అత్యంత టాప్ ఆఫ్ ది లైన్ ప్లాట్ఫామ్ అని రూమర్స్ చెబుతున్నాయి. ఇందులో 16 GB RAM, 512 GB లేదా 1 TB స్టోరేజ్ వేరియంట్లు కూడా ప్రత్యేకతగా ఉంటాయని తెలుస్తోంది. ఓఎస్ వైపు చూస్తే Xiaomi HyperOS 3 ఉంటుందని సమాచారం. ఇది బెటర్ మల్టీటాస్కింగ్ కోసం డిజైన్ అయిందని చెబుతున్నారు.
ఇందులో ట్రిపుల్ కెమెరా సెటప్ అమర్చినట్లు తెలుస్తోంది. ప్రైమరీ సెన్సార్ 200 MPతో పనిచేసే అవకాశం ఉంది. ఇది 8K వీడియో, హై‑రెజి జూమ్, బెటర్ లో‑లైట్ పెర్ఫార్మెన్స్ కోసం ఉపయోగపడుతుంది. ఇందులో అల్ట్రా‑వైడ్ మరియు టెలిఫోటో లేదా పెరిస్కోప్ లెన్స్లు కూడా ఉంటాయని భావిస్తున్నారు. దీంతో ఫోటోగ్రఫీ, వీడియో కంటెంట్ క్రియేటర్స్కు బెస్ట్ ఆప్షన్గా నిలువడం ఖాయం. Xiaomi 17 Max లో సుమారు 8,000 mAh భారీ బ్యాటరీని ఉంచే అవకాశం ఉందని టిప్స్టర్లు చెబుతున్నారు. ఇది Xiaomi బ్రాండెడ్ ఫోన్స్లో ఇప్పటివరకూ ఉన్నంత కంటే పెద్దది. దీనికి 100W ఫాస్ట్ వైర్డ్ చార్జింగ్, 50W వైర్లెస్ చార్జింగ్ సపోర్ట్ ఉండే అవకాశం ఉందని తెలుస్తుంది. ఇది గేమింగ్, హై‑రెజ్ వీడియో స్ట్రీమింగ్, లాంగ్‑హాల్ టాస్క్లకు పర్ఫెక్ట్ గా అమర్చే పవర్ హౌస్ ఫోన్గా నిలుస్తుంది.
ఇండియాకు సంబంధించి ఇప్పటి వరకు 12 GB RAM + 256 GB స్టోరేజ్ వేరియంట్ సుమారు రూ. 89,999 చుట్టూ ధరతో వచ్చే అవకాశం ఉందని టెక్ బ్లాగర్లు గెస్ చేస్తున్నారు. కానీ ఇది ఇంకా ధృవీకరించబడలేదు. చైనాలో ఈ ఫోన్ స్ట్రిక్ట్గా లోకల్ మార్కెట్కు మాత్రమే లాంచ్ అయ్యే అవకాశం ఉందని కూడా ప్రచారం ఉంది. అంటే గ్లోబల్ వెర్షన్ రిలీజ్ ఉంటుందా లేదా అనేది క్లియర్ కాలేదు.
