Faroe Islands whale hunt : సంస్కృతి సంప్రదాయాలకు ఇప్పటికీ చాలా ప్రాంతాల్లో విలువ ఉంటుంది. ఎందుకంటే ఆ సంప్రదాయానే మన జీవనానికి, మనుగడకు పునాది. అందుకే కులం, మతం తేడా లేకుండా అందరూ సంప్రదాయానికి ప్రాధాన్యం ఇస్తుంటారు. వస్త్రధారణ, ఆహారపు అలవాట్లు ఇలా అనేక రకాల జీవన శైలులు ఇందులో భాగమే అయితే కొన్ని రకాల జీవన శైలులు ఒళ్లు గగ్గురు పొడిచేలా ఉంటాయి. అలాంటి వాటిలో ఉత్తర అట్లాంటిక్ మహాసముద్రంలోని డెన్మార్క్కు చెందిన స్వయంప్రతిపత్తి ప్రాంతం ఫారో ఐలాండ్స్ అచారం ఒకటి. ఇక్కడ వెయ్యేళ్లుగా కొనసాగుతున్న ఒక ప్రాచీన ఆచారం ప్రపంచవ్యాప్తంగా తీవ్ర వివాదాలకు దారి తీస్తోంది. ఈ సంప్రదాయం పేరుతో ఇటీవలి ఒక రోజులోనే 700కి పైగా పైలట్ వేల్స్ (తిమింగలాలు), వైట్–సైడెడ్ డాల్ఫిన్లను చంపేశారు. ఈ ఘటన సోషల్ మీడియాలో భారీగా వైరల్ అయి ప్రపంచవ్యాప్త దృష్టిని ఆకర్షించింది.
వెయ్యేళ్ల సంప్రదాయం..
ఫారో ఐలాండ్స్లో ‘గ్రైండడ్రాప్’ అనే సంప్రదాయం చాలా కాలం నుంచి ఉంది. దీని కింద పెద్ద సంఖ్యలో తిమింగలాలు, డాల్ఫిన్లను బోట్లతో తీరానికి తీసుకువస్తారు. తర్వాత వాటిని చంపి మాంసం, నూనెను స్థానికుల ఆహారం కోసం పంచుతారు. స్థానికులు దీనిని తమ సంస్కృతి, ఆహార అవసరాలు, సామూహిక జీవన విధానంలో భాగంగా చూస్తారు. వారి ప్రకారం ఇది స్థిరమైన, అవసరమైన సంప్రదాయం. ఈసారి జరిగిన ఘటనమే చివరి వారంలో ఫారో ఐలాండ్స్లో మూడు ప్రత్యేక స్థలాల్లో ఈ హంట్ జరిగింది. ఒక్క రోజులోనే సుమారు 700కి పైగా తిమింగలాలు డాల్ఫిన్లు చంపబడ్డాయి. తీరం రక్తవర్ణంలోకి మారిన దృశ్యాలు ప్రపంచవ్యాప్తంగా షాక్ను కలిగించాయి.
జంతు ప్రేమికుల ఆగ్రహం..
ఈ ఘటనను జంతు హక్కుల సంఘాలు, పర్యావరణవాదులు తీవ్రంగా స్పందించారు. అనవసరమైన, క్రూరమైన హత్యాకాండంగా అభివర్ణిస్తున్నారు. చాలా మంది నెటిజన్లు ‘‘ఇది సంప్రదాయం కాదు, క్రూరత్వం’’ అంటూ తీవ్ర విమర్శలు చేస్తున్నారు. ఈ ఆచారం పట్ల అంతర్జాతీయంగా ఒత్తిడి పెరుగుతోంది.
సంప్రదాయం మాటున అనైతికత
ఫారో ఐలాండ్స్ ప్రజలు ఈ సంప్రదాయాన్ని తమ సంస్కృతి, ఆత్మగౌరవంతో ముడిపెట్టి చూస్తున్నారు. ఇది వారి ఆహార భద్రతకు కూడా సంబంధించిన విషయం. అయితే ఆధునిక కాలంలో జంతు సంరక్షణ, పర్యావరణ సమతుల్యత, జీవుల పట్ల దయ వంటి విలువలు బలంగా మారాయి. తిమింగలాలు, డాల్ఫిన్లు అత్యంత తెలివైన సముద్ర జీవులు. వాటిని ఇలా సామూహికంగా చంపడం మానవతా దృక్పథంతో సరిపోదని ప్రపంచవ్యాప్త భావన ఏర్పడుతోంది.
ఐలాండ్స్ ప్రభుత్వం, స్థానికులు ఈ సంప్రదాయాన్ని కాపాడుకోవాలని చూస్తున్నా, అంతర్జాతీయ ఒత్తిడి, యువతరం ఆలోచనా విధానం మారుతోంది. భవిష్యత్తులో ఈ ఆచారం ఎలా మారబోతోందనేది చూడాలి. ఈ ఘటన మనల్ని ఒక విషయం గుర్తు చేస్తుంది. మనం ఏ సంప్రదాయాన్ని అనుసరిస్తున్నా, దాని వెనుక ఉన్న క్రూరత్వం, జంతు హక్కులను కూడా పరిగణనలోకి తీసుకోవాల్సిన సమయం ఇది.
'అసలు నువ్వు ఎవడివిరా' అంటూ ప్రకాష్ రాజ్ పై విరుచుకుపడిన నిర్మాత బండ్ల గణేష్..
Bandla Ganesh comments on Prakash Raj: ప్రముఖ నటుడు ప్రకాష్ రాజ్ సెక్యులర్ ముసుగులో హిందువులను , హిందువుల దేవుళ్లను ఎల్లప్పుడూ అవహేళన చేసే సంగతి అందరికీ తెలిసిందే. హిందువుల తరుపున ఎవరైనా ఏదైనా మాట్లాడితే , వాళ్లపై నోరేసుకొని పడిపోవడం ఇతనికి చాలా సరదా. అలా ఆంధ్ర ప్రదేశ్ ఉప ముఖ్యమంత్రి పవన్ కళ్యాణ్ పై ఈయన ఎల్లప్పుడూ నోరు జారుతూనే ఉంటాడు. కానీ పవన్ కళ్యాణ్ మాత్రం ఈయనకు ఇప్పటికీ గౌరవం ఇస్తూనే ఉంటాడు. కానీ ప్రకాష్ రాజ్ ఆ గౌరవాన్ని నిలుపుకునే ప్రయత్నం ఎప్పుడూ చేయలేదు. అకారణంగా , సమయం , సందర్భం లేకుండా పవన్ కళ్యాణ్ పై తీవ్రంగా విరుచుకుపడడమే ఇతనికి తెలిసిన విషయం అని సోషల్ మీడియా లో నెటిజెన్స్ సైతం అంటుంటారు. అయితే తాజాగా , తెలంగాణ లో జరిగిన రాజకీయ పరిణామాలపై , జనసేన చుట్టూ తిరుగుతున్న రాజకీయాలపై ప్రకాష్ రాజ్ మాట్లాడిన మాటలు సంచలనంగా మారింది.
ఆయన మాట్లాడుతూ ‘ మీరొస్తానంటే మేమొద్దంటామా?, రండి దొర , కానీ వచ్చే ముందు ఒక క్లారిటీ ఇవ్వండి. ఒంటరిగా వస్తున్నారా?, లేదా పొత్తుతో వస్తున్నారా?, అది జనాలకు చెప్పి రండి’ అంటూ చెప్పుకొచ్చాడు ప్రకాష్ రాజ్. దీనిపై ప్రముఖ నిర్మాత బండ్ల గణేష్ చాలా తీవ్రస్థాయిలో విరుచుకుపడ్డాడు. ఆయన మాట్లాడుతూ ‘నీకెందుకురా ప్రతీ దాంట్లో వేలుపెడుతావు?, అసలు నువ్వెవడివి?, నీ ఊరు ఏది?, నీ కథ ఏంటి?, ప్రతీ ఊర్లో , ప్రతీ సమస్యలో దూరి జడ్జిమెంట్లు ఇవ్వడానికి నువ్వేమైనా కలెక్టర్ వా?, లేదా ఈ దేశానికీ ప్రధానివా?, ఎక్కడ చూసిన నువ్వే , ఏ విషయం వచ్చినా నువ్వే, నీ బ్రతుక్కి ఏ పని లేకపోతే చూసుకో, కానీ అందరి విషయాల్లో దూరి హీరోలాగా ఫీల్ అవ్వకు, ముందు నీ అడ్రస్ నువ్వు తెలుసుకో , తర్వాత ఈ ప్రపంచాన్ని ఉద్ధరించే ప్రయత్నం చేద్దువు గానీ ‘ అంటూ చాలా తీవ్ర స్థాయిలో విరుచుకుపడ్డాడు.
ఇంకా ఆయన మాట్లాడుతూ ‘నీ గురించి నువ్వు చాలా ఎక్కువగా ఊహించుకుంటున్నావ్, నీకు నువ్వే గొప్ప మేధావిని అనుకుంటున్నావు , కానీ ప్రజలు ఇచ్చే తీర్పే అసలైన సర్టిఫికేట్. నీ సొంత రాష్ట్రము లో కనీస ప్రజల మద్దతుని కూడా సంపాదించలేని నువ్వు, రాష్ట్ర స్థాయి నాయకులను , దేశ స్థాయి నాయకులను విమర్శించే స్థాయిలో ఉన్నానని అనుకోవడం హాస్యాస్పదం’ అంటూ మండిపడ్డాడు. బండ్ల గణేష్ స్పందించిన ఈ తీరుపై పవన్ కళ్యాణ్ ఫ్యాన్స్ చప్పట్లు కొడుతున్నారు. వింటేజ్ బండ్లన్న ఈజ్ బ్యాక్ అని అంటున్నారు. గతం లో బండ్ల గణేష్ నిర్మాతగా వ్యవహరించిన గోవిందుడు అందరివాడేలే , టెంపర్ చిత్రాల్లో ప్రకాష్ రాజ్ నటించాడు. ఈ చిత్రాల్లోనూ ఆయనకు బలమైన క్యారెక్టర్స్ పడ్డాయి. బండ్ల గణేష్ కి ప్రకాష్ రాజ్ తో ఆ రెండు సినిమాల ద్వారా మంచి అనుబంధం ఏర్పడింది , అయినప్పటికీ కూడా పవన్ కళ్యాణ్ కోసం ఈ స్థాయిలో మాట్లాడడం అభిమానులను ప్రత్యేకంగా ఆకర్షించింది.