Volcano gold formation: సాధారణంగా అగ్నిపర్వతాలు లావాలు విరజిమ్ముతూ ఉంటాయి. ఈ లావా కూడా పరిమాణ క్రమంలో కరకరకాల పదార్థాలుగా మారిపోతూ ఉంటుంది. భూమిలో కలిసిన తర్వాత అనేక రకాల రసాయనిక చర్యలు జరిగి.. ఖనిజాలుగా మారిపోతూ ఉంటుంది. లావా ప్రవహించిన ప్రాంతం చాలా విభిన్నంగా ఉంటుంది. లావా ప్రవహించినచోట అనేక రకాల మార్పులు మాత్రమే కాదు.. భూమి ఉపరితలం పైన సారవంతమైన మృత్తికలు కూడా ఏర్పడుతుంటాయి. ఇవి పంట ఉత్పత్తికి ఎంతో దోహదపడుతూ ఉంటాయి.
ఈ భూమ్మీద అత్యంత మంచు ప్రాంతం గా పేరుపొందిన అంటార్కిటికా ఖండంలో మాత్రం అగ్నిపర్వతాలు బద్దలవుతున్నప్పుడు అద్భుతాలు జరుగుతున్నాయి. సహజంగా అగ్నిపర్వతాలు బద్దలవుతున్నప్పుడు ముందుగా దుమ్ము ధూళి బయటకు వస్తుంది. ఆ తర్వాత వేడి వేడి లావా కూడా బయటికి వస్తుంది. కొన్ని సందర్భాలలో విచిత్రమైన ద్రవం కూడా బయటికి వస్తూ ఉంటుంది. భూమి అంతర్భాగంలో పెరిగిన ఉష్ణోగ్రత వల్ల ఇలాంటి అగ్నిపర్వతాల విస్పోటనం జరుగుతూ ఉంటుంది. ఈ విస్ఫోటనం అంచనాలకు అందనిస్థాయిలో ఉంటుంది. కొన్ని సందర్భాలలో లావా కిలోమీటర్ల వరకు విస్తరిస్తూ ఉంటుంది. రోజుల తరబడి అది వేడిగానే ఉంటుంది.
అంటార్కిటికా ఖండంలో బద్దలవుతున్న అగ్నిపర్వతాలలో మౌంట్ ఎరే బేస్ కూడా ఒకటి. అయితే దీని నుంచి వస్తున్న లావాలో బంగారం కూడా ఉంటుంది. ముడి బంగారం కణాలు ఇందులో కనిపిస్తున్నాయి. వీటి విలువ బహిరంగ మార్కెట్లో 19 కోట్ల వరకు ఉంటుందని తెలుస్తోంది. ఇక్కడ భూగర్భంలో గోల్డ్ నిల్వలు అధికంగా ఉన్నాయి. అగ్నిపర్వతాలు వేడిగా ఉన్నప్పుడు ఈ నిల్వలు కరిగిపోతున్నాయి. అవి ద్రవ, వాయు రూపంలో బయటికి వస్తున్నాయి. అయితే ఈ బంగారం మీద లావా దాదాపు 20 నుంచి 60 మైక్రాన్ ల మేర ఉండడంతో సేకరించడానికి వీలు కావడం లేదు. అందువల్లే ఆ బంగారం అలానే ఉండిపోతుంది.
ఇటీవల కాలంలో కొంతమంది పరిశోధకులు అక్కడ పరిశీలన చేశారు. ఈ సందర్భంగా ఈ విషయాలు వెలుగులోకి వచ్చాయి. అంటార్కిటికా ఖండంలో కేవలం బంగారం మాత్రమే కాకుండా.. ఖరీదైన ఖనిజాలు అనేక ఉన్నాయి. కాకపోతే వాటిని సేకరించడం అంత సులభం కాదు. అక్కడ ఉష్ణోగ్రత – డిగ్రీలలో ఉంటుంది. విపరీతమైన చలి ఉంటుంది. మంచు దట్టంగా పరుచుకొని ఉంటుంది. అలాంటప్పుడు ఆ ఖనిజాలను సేకరించడం సాధ్యం కాదు
