Coldest Place On Earth : భూమిపై అత్యంత శీతల ప్రదేశం ఇదే? ఇక్కడ బతకాలంటే యుద్ధం చేయాల్సిందే ?

Coldest Place On Earth : ప్రస్తుతం చలి కాలం కొనసాగుతోంది. ఇక్కడ మన దేశంలోని చాలా ప్రాంతాల్లో చలి వణికిస్తోంది. విపరీతమైన చలితో ఉత్తర భారతదేశ ప్రజలు వణికి పోతున్నారు. ఈ చలికే మనం ఇళ్ల నుంచి బయటకు రావాలంటే జంకుతున్నాం. దుప్పటి ముసుగుపెట్టి నిద్రపోతున్నాం. మరి ప్రపంచంలో అత్యంత చలిగా ఉండే ప్రాంతంలో జనాలు ఎలా నివసిస్తున్నారో ఆలోచిస్తేనే ఆశ్చర్యంగా ఉంది కదా. అసలు ప్రపంచంలో అత్యంత చలిగా ఉండే ప్రాంతం ఏదో తెలుసా? మనం అక్కడికి వెళితే క్షణాల్లోనే గడ్డకట్టిపోతాం అలాంటి ప్రదేశం ఎక్కడ ఉందంటే ? అక్కడ మనుషులే ఉంటారా ఇతరత్రా జీవులు ఉంటాయా అనేది ఈ కథనంలో తెలుసుకుందాం.

ప్రపంచంలో అత్యంత శీతల ప్రదేశం ఏది?
అంటార్కిటికా ఖండంలో ఉన్న వోస్టాక్ స్టేషన్ ప్రపంచంలోనే అత్యంత శీతల ప్రదేశం. ఇది రష్యన్ పరిశోధనా కేంద్రం. ఇక్కడ ఇప్పటి వరకు నమోదైన రికార్డు ఉష్ణోగ్రత – 89.2 డిగ్రీల సెల్సియస్ అది జూలై 21, 1983న ఇక్కడ నమోదైంది. ఈ భూమ్మీద మరెక్కడ లేనంత, భవిష్యతులో కూడా ఊహించలేనంత తక్కువగా ఈ ఉష్ణోగ్రత ఉంది. వోస్టాక్ స్టేషన్ అంటార్కిటికా మధ్యలో ఉంది. ఇది ప్రపంచంలోనే అత్యంత శీతలమైన, పొడి ఖండం. ఈ స్టేషన్‌ను సోవియట్ యూనియన్ శాస్త్రవేత్తలు 1957లో కనుగొన్నారు. ఇక్కడ సగటు ఉష్ణోగ్రత -55 డిగ్రీల సెల్సియస్. ఈ ప్రదేశంలో చెట్లు, మొక్కలు లేదా జంతువులు ఏవీ లేవు. భూమి చరిత్ర గురించి తెలుసుకోవడానికి శాస్త్రవేత్తలు ఇక్కడ పరిశోధన చేస్తారు.

ఇక్కడ ఇంత చలి ఎందుకు ఉంటుంది ?
ఈ స్టేషన్ సముద్ర మట్టానికి దాదాపు 3500 మీటర్ల ఎత్తులో ఉంది. ఎత్తు పెరిగే కొద్దీ ఉష్ణోగ్రత కూడా తగ్గుతుంది. సూర్యకిరణాలు నేరుగా పడని ధ్రువ ప్రాంతంలో అంటార్కిటికా ఉంది. అలాగే, అంటార్కిటికా ఖండం మొత్తం మీద దట్టమైన మంచు పలక ఉంది, ఇది సూర్య కిరణాలను ప్రతిబింబిస్తుంది. శాస్త్రవేత్తలు ఈ స్టేషన్‌లో నివసిస్తున్నారు. కానీ వారు జీవించడం చాలా కష్టం. అలాంటి చలిలోనూ బతకాలంటే ప్రత్యేక రకాల బట్టలు, పరికరాలు వాడాలి. వోస్టాక్ స్టేషన్ ప్రపంచంలోనే అత్యంత శీతల ప్రదేశం అని.. ఇక్కడ ఉష్ణోగ్రత చాలా తక్కువగా ఉందని, ఒక వ్యక్తి కొన్ని క్షణాల్లోనే గడ్డకట్టుకుపోతాడు. అయితే, శాస్త్రవేత్తలు ఇక్కడ పరిశోధన చేయడం ద్వారా భూమికి సంబంధించిన అనేక ముఖ్యమైన సమాచారాన్ని పొందుతున్నారు.