భారీగా మంచు కురవడంతో దాదాపు 500 మంది పర్యాటకులు చిక్కుకున్నారు. హిమాచల్ ప్రదేశ్ లోని మనాలీ పరిధిలోని సోలాంగ్ మధ్య వీరు చిక్కకున్నట్లు సమాచారం. వీరిని సురక్షిత ప్రదేశానికి తరలించేందుకు రెస్క్యూ టీం బ్రుందం శనివారం రాత్రి 8 గంటలకు అక్కడకు చేరుకొని సహాయక చర్యలు చేపట్టింది. ఈ సందర్భంగా మనాలీ సబ్ డివిజినల్ మెజిస్ట్రేట్ రమణ్ ఘర్సాంగీ మాట్లాడుతూ మనాలీలో చిక్కకున్న పర్యాటకులను కాపాడేందుకు రెస్క్యూ టీం డూండీ చేరుకుందన్నారు. అలాగే 40 సీట్లు కలిగిన ట్యాక్సీలను కూడా పంపించామన్నారు. కాగా ఈనెల 5 వరకు మంచు కురిసే అవకాశాలున్నాయని పర్యాటకులు జాగ్రత్తలు పాటించాలని వాతావరణశాఖ సూచించింది.
