వివాదాలు లేనిదో రోజు గడవని వివాదాస్పద దర్శకుడు రాంగోపాల్ వర్మ (Ram Gopal Varma) మరోసారి సంచలన వ్యాఖ్యలతో వార్తల్లో నిలిచాడు. తాజాగా సోషల్ మీడియాలో వైరల్ గా మారిన చిరంజీవి బర్త్ డే(chiranjeevi birthday) వేడుకలపై పడ్డాడు. మెగా ఫ్యామిలీని టార్గెట్ చేస్తూ విమర్శలు గుప్పించాడు.
ఒకప్పుడు అగ్ర దర్శకుడిగా ఎదిగి బాలీవుడ్, టాలీవుడ్ ను ఏలిన రాంగోపాల్ వర్మ ఇప్పుడు సరైన హిట్స్ లేక బూతు చిత్రాలతో సహవాసం చేస్తున్నాడు.బయోపిక్ ల వెంట పడుతున్నాడు. అవీ హిట్స్ రాకపోవడంతో సోషల్ మీడియాలో దూకుడైన వ్యవహారశైలితో నోరుపారేసుకుంటూ ఎన్నో వివాదాల్లో చిక్కుకుంటున్నాడు.
తాజాగా మెగాస్టార్ చిరంజీవి పుట్టినరోజు వేడుక ఆదివారం ఘనంగా జరిగింది. పవర్ స్టార్ పవన్ కళ్యాణ్ స్వయంగా చిరంజీవి ఇంటికి రావడంతో సంబరాలు అంబరాన్నంటాయి. ఇదే రోజున రాఖీ పండుగ రావడంతో ఇల్లు మొత్తం మెగా సోదరులు, సోదరీమణులు వారి కుటుంబంతో సందడిగా మారింది. మెగా హీరోలు రాంచరణ్, సాయిధరమ్, వరుణ్ తేజ్, వైష్ణవ్ తేజ్ సహా అందరూ పాల్గొన్న ఈ వేడుకల్లో ఒక్క అల్లు అర్జున్ మాత్రం లేకపోవడం హాట్ టాపిక్ గా మారింది. మెగా ఫ్యామిలీ అంతా కలిసి తీసుకున్న ఫొటోలో బన్నీ మిస్ కావడం చర్చనీయాంశమైంది.
The intelligence of @alluarjun is in not to attend @KChiruTweets celebrations is becos he is a self made star and shouldn’t join family parasites like @IAmVarunTej @IamSaiDharamTej @PawanKalyan @AlwaysRamCharan etc etc who just exist by sucking the success of MEGA @KChiruTweets
— Ram Gopal Varma (@RGVzoomin) August 23, 2021
మెగాస్టార్ చిరంజీవిని ఎంతగానో అభిమానించే అల్లు అర్జున్ లేకపోవడం ఎన్నో అనుమానాలకు తావిచ్చింది. దీనిపై అభిమానులు సోషల్ మీడియా వేదికగా పెద్ద చర్చలే చేస్తున్నారు. దీంతో ఈ న్యూస్ టాలీవుడ్ లో హాట్ టాపిక్ గా మారింది.
Real true Success is the Mega Success of a comedian Allu Ramalingiaah’s grandson @alluarjun against the sons ,nephews,nieces, uncles etc etc relatives of @KChiruTweets
— Ram Gopal Varma (@RGVzoomin) August 23, 2021
మెగా ఫ్యామిలీ ఫొటోలో అల్లు అర్జున్ కనిపించకపోవడంపై తెలుగు రాష్ట్రాల్లో పెద్ద ఎత్తున చర్చ సాగుతోంది. దీనిపై దర్శకుడు రాంగోపాల్ వర్మ నోరు పారేసుకున్నారు. ట్విట్టర్ లో వరుసగా ట్వీట్లు చేశాడు. ‘అల్లు అర్జున్ ఎంతో తెలివైన వాడు. అందుకే మెగాస్టార్ ఇంట్లో జరిగిన పుట్టినరోజు వేడులకు ఈ హీరో హాజరు కాలేదు. అంతేకాదు.. పవన్ , రాంచరణ్, వరుణ్ తేజ్, సాయిధరమ్ తేజ్ ఇలా చిరంజీవి సక్సెస్ ను చెప్పుకొని ఎదిగిన హీరో కాదు.. అల్లు అర్జున్ స్వతహాగా ఎదిగిన స్టార్’ అంటూ వర్మ దుమారం రేపే వ్యాఖ్యలు చేశారు.
After the original Mega star @KChiruTweets the only present MEGA STAR is @alluarjun
— Ram Gopal Varma (@RGVzoomin) August 24, 2021
అనంతరం మరో ట్వీట్ లో ‘మెగా స్టార్ చిరంజీవి తర్వాత నిజమైన మెగాస్టార్ అల్లు అర్జున్ మాత్రమే’ అని వర్మ మరో తీవ్ర వ్యాఖ్యలు చేశారు. అనంతరం మరో ట్వీట్ లో ‘అల్లు రామలింగయ్య మనవడిగా అల్లు అర్జున్ ఎప్పుడో సక్సెస్ అయ్యాడు. చిరంజీవి కుమారులు, మేనళ్లుల్లు, మేనమామలు.. మొదలైన బంధువుల కంటే ముందే అతడు విజయాన్ని అందుకున్నాడు’ అని వర్మ వరుస పోస్టులతో మెగా ఫ్యామిలీలో చిచ్చుపెట్టేలా తీవ్ర వ్యాఖ్యలు చేశాడు.
వర్మ చేసిన వ్యాఖ్యలు తీవ్ర దుమారం రేపుతున్నాయి. ప్రస్తుతం అల్లు అర్జున్ ‘పుష్ప’ సినిమా షూటింగ్ లో బిజీగా ఉన్నాడు. బహుశా అందుకోసమే రాలేదనుకుంటా అని మెగా ఫ్యాన్స్ అనుకుంటున్నారు. వర్మ చేసిన కామెంట్స్ పై మెగా అభిమానులు మండిపడుతూ ట్రోల్స్ , కామెంట్లు చేస్తూ విమర్శలు గుప్పిస్తున్నారు.
