తమిళనాడు ముఖ్యమంత్రి స్టాలిన్ పనితీరును ప్రశంసిస్తూ పవన్ కల్యాణ్ చేసిన ట్వీట్, ప్రముఖ నటుడు చిరంజీవి, స్టాలిన్ భేటీపై ఆ రాష్ట్ర శాసనసభలో చర్చ జరిగింది. ఆ రాష్ట్ర ఆరోగ్య శాఖ మంత్రి సుబ్రమణియన్ తన ప్రసంగంలో ఈ విషయాల్ని ప్రస్తావించారు. ఈ సందర్బంగా పవన్ ట్వీట్ ను తమిళనాడు మంత్రి తెలుగులో చదివి వినిపించడం విశేషం. తోటి సభ్యులకు అర్ధమయ్యేలా ఈ ట్వీట్ ను తెలుగులో చదువుతూ తమిళంలో తర్జుమా చేసి చెప్పారు. ఇందుకు సంబంధించిన వీడియో ఒకటి సోషల్ మీడియాలో వైరల్ అవుతోంది. దీన్ని నటుడు, నిర్మాత బండ్ల గణేశ్ తన ట్విట్టర్ ఖాతాలో షేర్ చేశారు.
