Mahakumbh 2025 : ఉత్తరప్రదేశ్లోని ప్రయాగ్రాజ్లో 12 ఏళ్ల తర్వాత మహాకుంభ్కు భారీ ఏర్పాట్లు జరుగుతున్నాయి. ఈ క్రమంలో విమానాశ్రయానికి వెళ్లే రహదారిపై ఉత్తరప్రదేశ్ ప్రభుత్వం 84 పిల్లర్లను ఏర్పాటు చేస్తోంది. ఎర్ర ఇసుకరాయితో చేసిన ఈ స్తంభాలకు ‘విశ్వాస స్తంభాలు'(Stamps of Faith) అని పేరు పెట్టారు. దాదాపు రూ.17 కోట్లతో నిర్మిస్తున్న ఈ స్తంభాలపై 108 శివ నామాలు రాసి ఉన్నాయి. అదేవిధంగా, సనాతనాన్ని సూచించే కలశాన్ని కూడా అన్ని స్తంభాల పైన ఉంచారు. పట్టణాభివృద్ధి శాఖ ప్రిన్సిపల్ సెక్రటరీ అమృత్ అభిజత్ తెలిపిన వివరాల ప్రకారం.. రాజస్థాన్లోని బన్సీ పహార్పూర్లో ఈ పిల్లర్లను నిర్మించామని, ఒక్కోదాని నిర్మాణానికి దాదాపు రూ.20 లక్షలు ఖర్చయిందని తెలిపారు.
ఈ స్తంభాల విశిష్టతను వివరిస్తూ.. ఏ సాధకుడైనా ఈ స్తంభాల ప్రదక్షిణ పూర్తి చేస్తే 84 లక్షల జన్మల యాత్రను పూర్తి చేసుకున్న అనుభూతి కలుగుతుందని అన్నారు. ఈ పరిక్రమలో సాధకులు జీవిత చక్రాలన్నింటినీ ప్రతీకాత్మకంగా పూర్తి చేస్తారు. సనాతన ధర్మం , దర్శనం, రహస్య బోధనల గురించి కూడా జ్ఞానాన్ని పొందుతారు. మహా కుంభ్ నుండి విమానాశ్రయం మార్గంలో ఈ స్తంభాలను ఏర్పాటు చేసిన ఏజెన్సీ అధికారుల ప్రకారం, ఈ స్తంభాల ఏర్పాటులో మంచి నైపుణ్యం ఉంది. వాస్తవానికి ఈ 84 స్తంభాలను నాలుగు భాగాలుగా ఏర్పాటు చేస్తున్నారు.
84 భాగాలుగా పిల్లర్ల ఏర్పాటు
ఈ నాలుగు భాగాలు సనాతన ధర్మంలోని నాలుగు వేదాలు, నాలుగు ఆశ్రమాలు, నాలుగు వర్ణాలు, నాలుగు దిశలను సూచిస్తాయి. ఈ స్తంభాలకు ఒక్కసారి ప్రదక్షిణ పూర్తయితే, 84 లక్షల జీవరాశుల ప్రయాణం పూర్తవుతుంది. ఒక్కో స్తంభంపై 108 శివ నామాలు నమోదయ్యాయని, ఈ పేర్లు కూడా నాలుగు భాగాలుగా రాశారని చెప్పారు. ఈ పిల్లర్లను నాలుగు భాగాలుగా విభజించి ఏర్పాటు చేస్తున్నట్లు అధికారులు తెలిపారు. ఈ సందర్భంలో ప్రతి భాగంలో 21 స్తంభాలు ఉంటాయి, ఆత్మ ఎప్పుడూ తన ఉనికి కోసం వెతుకుతూనే ఉంటుంది. ఇందుకోసం అది 84 లక్షల సార్లు వివిధ అవతారాల్లో భూమిపైకి రావాలి. పౌరాణిక విశ్వాసాల ప్రకారం, ఈ మొత్తం చక్రం 21 లక్షల నాలుగు వర్గాలుగా విభజించబడింది. ఆత్మ మానవ శరీరంలోకి వచ్చినప్పుడు, ధర్మం, అర్థ, కామ, మోక్షం అనే నాలుగు పురుషార్థాల లక్ష్యాన్ని సాధించడానికి బ్రహ్మచర్యం, గృహస్థం, వానప్రస్థం, సన్యాసం మొదలైన ఆశ్రమాల ద్వారా వెళ్ళాలి. ఈ విశ్వాస స్తంభాలు ఆత్మకు శివుని దయతో, ఒడిదుడుకుల నుండి విముక్తి పొంది, దాని అంతిమ గమ్యాన్ని చేరుకుంటుందని భరోసా ఇస్తాయి.
