Sri Sathya Sai Super Specialty Hospital: వైద్యం రోజురోజుకు ఖరీదుగా మారుతున్న సంగతి తెలిసిందే. ఎక్కువ మొత్తంలో డబ్బులు ఖర్చు చేయలేక కొన్ని సందర్భాల్లో పేద ప్రజలు ప్రాణాలు కోల్పోయిన సందర్భాలు కూడా ఉన్నాయి. శ్రీ సత్యసాయి సూపర్ స్పెషాలిటీ హాస్పిటల్ ఆర్థిక స్తోమత లేనివాళ్లకు ప్రాణదాతగా నిలుస్తోంది. అంతర్జాతీయ ప్రమాణాలతో ఈ ఆస్పత్రిలో వైద్య చికిత్సను పొందే అవకాశం ఉంటుంది. పుట్టపర్తి సత్యసాయిబాబా బడుగు, బలహీన వర్గాల ప్రజలను దృష్టిలో ఉంచుకుని ఈ ఆస్పత్రిని నిర్మించారు.
భగవాన్ శ్రీ సత్యసాయి సూపర్ స్పెషాలిటీ హాస్పిటల్ లో వైద్య చికిత్స చేయించుకోవడానికి స్థానిక ప్రజలతో పాటు ఇతర రాష్ట్రాలకు చెందిన ప్రజలు సైతం వస్తారు. ఈ ఆస్పత్రిలో వైద్య సేవలతో పాటు వైద్య పరీక్షలు సైతం ఉచితం కావడం గమనార్హం. తల్లి ఈశ్వరాంబ కోరిక మేరకు సత్యసాయి ఈ ఆస్పత్రిని నిర్మించారు. రోజురోజుకు ఈ ఆస్పత్రిలో చికిత్స చేయించుకునే వారి సంఖ్య పెరుగుతోంది.
అందువల్ల ఈ ఆస్పత్రి సేవలను మరింత విస్తరించే దిశగా అడుగులు పడుతున్నాయి. దాదాపు 300 కోట్ల రూపాయల ఖర్చుతో 110 ఎకరాల్లో 9 నెలల్లో ఈ ఆస్పత్రిని నిర్మించడం జరిగింది. ఈ ఆస్పత్రిలో ఉచిత వైద్య సేవలు పొందలని అనుకునేవాళ్లు మొదట ఉచితంగా రిజిష్టర్ చేసుకోవాల్సి ఉంటుంది. సత్యసాయి ప్రశాంతి నిలయం రైల్వేస్టేషన్ కు కేవలం 3 కిలోమీటర్ల దూరంలో ఈ ఆస్పత్రి ఉండటం గమనార్హం.
గుర్తింపు కార్డును కలిగి ఉంటే మాత్రమే వైద్య చికిత్స చేయించుకోవడం సాధ్యమవుతుంది. www.psg.sssihms.org.in వెబ్ సైట్ ద్వారా ఆస్పత్రికి సంబంధించిన, వైద్య చికిత్సకు సంబంధించిన పూర్తి వివరాలను తెలియాల్సి ఉంది.
