Cholesterol : దీపావళి రోజు కొలెస్ట్రాల్ పెరగకుండా ఉండాలంటే ఇలా చేయండి..

Cholesterol : తక్కువ-జిఐ (గ్లైసెమిక్ ఇండెక్స్) ఆహారాలు: తక్కువ గ్లైసెమిక్ ఇండెక్స్ ఉన్న ఆహారాన్ని ఎంచుకుంటే కొలెస్ట్రాల్, బ్లడ్ షుగర్ స్పైక్‌లు రెండింటినీ నిర్వహించడంలో సహాయపడుతుంది. తక్కువ GI ఆహారాలు రక్తప్రవాహంలోకి చక్కెర, కొలెస్ట్రాల్‌ను నెమ్మదిగా విడుదల చేస్తాయి. ఇది ఆకస్మిక పెరుగుదలను నివారిస్తుంది. మీ దీపావళి భోజనం కోసం, చిక్‌పీస్, కాయధాన్యాలు వంటి చిక్కుళ్ళు, బాదం, వాల్‌నట్ వంటి గింజలు, బార్లీ లేదా మిల్లెట్ వంటి కొన్ని తృణధాన్యాలు కూడా చేర్చండి.  ఈ ఆహారాల్లో చెడు కొలెస్ట్రాల్ ఉండదు. అంతేకాదు వేడుకలు జరుగుతుంటే మిమ్మల్ని ఉత్సాహంగా ఉంచుతాయి కూడా

ఒమేగా-3: యాంటీ ఇన్ఫ్లమేటరీ, గుండె కు ఆరోగ్యకరమైనది ఈ ఒమేగా -3. ఈ కొవ్వు ఆమ్లాలు వాటి కొలెస్ట్రాల్-తగ్గించే లక్షణాలు, శోథ నిరోధక ప్రయోజనాలకు ప్రసిద్ధి చెందాయి, దీపావళి సమయంలో కొలెస్ట్రాల్‌ను నిర్వహించడానికి వీటిని ఎంచుకోవాలి. అయితే ఇవి చేపల్లో ఎక్కువ ఉంటాయి. కానీ దీపావళి రోజు తినరు కాబట్టి వాల్‌నట్‌లు, అవిసె గింజలు, చియా గింజలు వంటి మొక్కల ఆధారిత ప్రత్యామ్నాయాల నుంచి వీటిని పొందండి. రుచి, గుండె-ఆరోగ్యం కోసం మీరు ఇంట్లో తయారుచేసిన లడ్డూలకు చియా లేదా అవిసె గింజలను యాడ్ చేయండి. లేదా వాటిని సలాడ్‌లు లేదా స్వీట్లపై చల్లుకోవచ్చు.

ముందుగా అధిక ఫైబర్: భారీ, పండుగ వంటకాలు తినే ముందు అధిక ఫైబర్ కలిగిన పదార్థాలు తినడం మంచిది. ఇది చాలా ఉపయోగకరమైన చిట్కా. ఫైబర్ జీర్ణక్రియను సులభతరం చేస్తుంది.  కొలెస్ట్రాల్ శోషించబడకుండా చేస్తుంది. కూరగాయల ప్లేట్, ఫైబర్ అధికంగా ఉండే సూప్ లేదా  తాజా సలాడ్‌తో మీ డేను స్ట్రార్ట్ చేయండి. ముందుగా ఫైబర్‌ ఆహారాన్ని తింటే అధిక కొలెస్ట్రాల్‌తో కూడిన వంటకాలపై ఎక్కువ సంతృప్తి చెందడానికి, తక్కువ టెంప్టింగ్ కు గురయ్యే అవకాశం ఉంది.

భోజనాల మధ్య విరామం: అల్పాహారం లేదా లంచ్ తర్వాత, కొన్ని గంటల విరామం తీసుకోండి.  చిరుతిండిని పూర్తిగా నివారించడం బెటర్. లేదంటే కొలెస్ట్రాల్ పెరిగే అవకాశం ఉంటుంది. విరామం వల్ల LDL కొలెస్ట్రాల్ స్థాయిలను తగ్గించుకోవచ్చు. దీనివల్ల జీర్ణవ్యవస్థకు విశ్రాంతి లభిస్తుంది. ఇక వారాంతంలో మీ కొలెస్ట్రాల్ స్థాయిలను సమతుల్యం చేయడానికి భోజనాల మధ్య 4-6 గంటల గ్యాప్‌ని లక్ష్యంగా పెట్టుకోండి.