Favorite Foods of Tollywood Heroes: వయసు పెరుగుతున్నా స్టార్ హీరోలంతా ఎప్పుడూ ఒకే రకమైన ఫిట్ నెస్ తో కనిపిస్తారు. ఆ ఫిట్ నెస్ కి కారణం వాళ్ళు తీసుకునే ఆహారం. మరి తినే ఆహారంలో ఎన్నో జాగ్రత్తలు తీసుకునే హీరోలలో.. ఏ హీరో ఏ వంటలను ఇష్టంగా తింటాడో చూద్దాం.
మెగాస్టార్ చిరంజీవి :
మెగాస్టార్ కి చేపల పులుసు, రొయ్యల వేపుడు అంటే బాగా ఇష్టం. సీ ఫుడ్ తో పాటు చిరంజీవి దోశలను కూడా ఇష్టంగా తింటారు.
నందమూరి బాలకృష్ణ :
బాలయ్య బాబు కూడా రొయ్యలను బాగా ఇష్టపడతారు. అలాగే చికెన్ బిర్యానీ కూడా బాలయ్యకి ఫేవరెట్. అయితే, ఏ ప్రాంతానికి వెళ్తే.. ఆ ప్రాంతం ఫుడ్ ని ఆస్వాదించడం బాలయ్యకి అలవాటు.
విక్టరీ వెంకటేష్ :
వెంకటేష్ నోస్టాలజిక్ కీమాను ఎక్కువ ఇష్టపడతారు. అలాగే వేడిగా ఉండే అన్నంలో నెయ్యిని కలుపుకుని నోస్టాలజిక్ కీమాను తినడం అంటే వెంకటేష్ కు బాగా ఇష్టం అట.
కింగ్ నాగార్జున :
ఆరు పదుల వయసులో కూడా అందంగా కనిపించే నాగార్జున దోశ, చేపలు, గ్రిల్డ్ చికెన్ ను ఎంతో ఇష్టంగా తింటారు.
ప్రభాస్ :
ప్రభాస్ కు ఇష్టమైన ఫుడ్ బిర్యానీ. అలాగే, సీ ఫుడ్ తో పాటు రోడ్ సైడ్ పానీపూరీని కూడా ప్రభాస్ ఇష్టంగా తింటారు.
మహేష్ బాబు :
మహేష్ వాళ్ళ అమ్మమ్మ గారు చేసే ప్రతి వంటను ఎంతో ఇష్టంగా తినేవారు. అయితే, ప్రస్తుతం మహేష్ ఇష్టమైన వంటకాలను కూడా డైటీషియన్ సలహాల ప్రకారమే తీసుకుంటున్నాడు.
పవర్ స్టార్ పవన్ కళ్యాణ్ :
పవన్ కళ్యాణ్ కి బాగా ఇష్టమైన వంటకం నెల్లూరు చేపల పులుసు. అలాగే, పప్పు, లెమన్ రైస్, అరటికాయ వేపుడు, నాటుకోడి పులుసును కూడా పవన్ ఎంతో ఇష్టంగా తింటారు.
జూనియర్ ఎన్టీఆర్ :
జూనియర్ ఎన్టీఆర్ ఫుడ్ లవర్ తో గ్రేట్ చెఫ్ కూడా. ఇక ఎన్టీఆర్ కి ఇష్టమైన ఫుడ్.. రోటీ, నాటుకోడి ఖీమా. అలాగే ఎన్టీఆర్ బిర్యానీని కూడా ఎంతో ఇష్టంగా తింటాడు.
రామ్ చరణ్ :
చరణ్ కూడా బిర్యానీనే ఇష్టపడతారు. అలాగే చిరంజీవి దోశని కూడా చరణ్ ఇష్టంగా తింటాడు.
ఐకాన్ స్టార్ అల్లు అర్జున్ :
స్టైలిష్ స్టార్ నుంచి ఐకాన్ స్టార్ గా ప్రమోట్ అయిన అల్లు అర్జున్ కి వాళ్ళ అమ్మగారు చేసే వంటలే ఫేవరేట్. అయితే, బన్నీ బిర్యానీని ఇష్టంగా తింటాడు.
Also Read:Comedian Saptagiri: ఊహించని పరిణామం…నటుడు సప్తగిరి కాళ్ళు మొక్కబోయిన బాలయ్య!
