Viswanath & Sons Trailer Review: ‘కరుప్పు’ వంటి భారీ బ్లాక్ బస్టర్ తర్వాత సూర్య హీరో గా నటించిన చిత్రం ‘విశ్వనాధ్ & సన్స్’. వెంకీ అట్లూరి దర్శకత్వం లో , సితార ఎంటర్టైన్మెంట్స్ పతాకం పై తెరకెక్కిన ఈ చిత్రం ఈ నెల 14 న ప్రేక్షకుల ముందుకు రాబోతుంది. ఇప్పటికే ఈ చిత్రానికి సంబంధించిన ప్రీ రిలీజ్ ఈవెంట్ ని చెన్నై లో గ్రాండ్ గా నిర్వహించారు మేకర్స్. త్వరలోనే తెలుగు వెర్షన్ కి సంబంధించిన ప్రీ రిలీజ్ ఈవెంట్ ని హైదరాబాద్ లో ఘనంగా నిర్వహించబోతున్నారు. ఈ ఈవెంట్ కి సంబంధించిన పూర్తి వివరాలు తెలియాల్సి ఉంది. ఇప్పటికే టీజర్ , పాటలు వంటి ప్రమోషనల్ కంటెంట్ తో ఆడియన్స్ లో ఈ చిత్రానికి మంచి బజ్ క్రియేట్ అయ్యింది. ఇక నేడు విడుదల చేసిన థియేట్రికల్ ట్రైలర్ ఎలా ఉందో ఒకసారి ఈ రివ్యూ లో చూద్దాం.
ఈ ట్రైలర్ ని చూస్తున్నంతసేపు ఒక మంచి ఫీల్ గుడ్ ఫ్యామిలీ స్టోరీ లాగా అనిపిస్తోంది. చెన్నై లో జరిగిన ప్రీ రిలీజ్ ఈవెంట్ లో నిర్మాత నాగవంశీ మాట్లాడుతూ ‘తెలుగు ప్రేక్షకులకు అలా వైకుంఠపురం ఎలాగో , తమిళనాడు ప్రేక్షకులకు విశ్వనాధ్ & సన్స్ మూవీ అలాగా ‘ అంటూ చెప్పుకొచ్చాడు. చూస్తుంటే ఆయన చెప్పిన మాటలు నిజం అయ్యేలాగానే అనిపిస్తోంది. కథ ఏమిటంటే హీరో విశ్వనాధ్ కి పెళ్లి అయ్యి ఉంటుంది. భార్య పండంటి మగబిడ్డకు జన్మనిచ్చి చనిపోతుంది. అయితే పుట్టకతోనే ఆ బిడ్డకు ‘బోన్ మ్యారో’ సమస్య ఉంటుంది. దీనికి డోనర్ కేవలం ఒక్కరు మాత్రమే ఉన్నారని , ఆమె నా స్నేహితురాలు , సాన్ ఫ్రాన్సికో లో ఉంటుంది అని చెప్తే , హీరో ఆమెని వెతుక్కుంటూ అక్కడికి వెళ్తాడు. ఆమె ‘బోన్ మ్యారో’ దానం చేయడానికి ఒప్పుకుంటుంది , ఈ జర్నీ లో ఆమె హీరో ని ప్రేమిస్తుంది.
వయస్సు మళ్ళిన హీరో , యంగ్ వయస్సు లో ఉన్న హీరోయిన్ ప్రేమని అంగీకరించడు. ఆ తర్వాత చివరికి వాళ్లిద్దరూ ఎలా ఒక్కటి అయ్యారు అనేదే స్టోరీ అని ట్రైలర్ ని చూస్తుంటే స్పష్టంగా అర్థం అవుతోంది. ట్రైలర్ లో డైలాగ్స్ చాలా అద్భుతంగా ఉన్నాయి , అదే విధంగా సినిమా మొత్తం ఒక మంచి ఎమోషనల్ రోలర్ కోస్టర్ లాగా అనిపిస్తోంది. ఈ ఎమోషన్స్ కి ఆడియన్స్ కనెక్ట్ అయితే ఈ చిత్రం తమిళం లో మాత్రమే కాదు, తెలుగు లో కూడా సంచలన విజయం సాధిస్తుంది అనడం లో ఎలాంటి సందేహం లేదు. అయితే ఇలాంటి సబ్జక్ట్స్ మాస్ సెంటర్స్ లో ఆడడం కష్టమే కాబట్టి , ఈ సినిమా బాక్స్ ఆఫీస్ రేంజ్ ఎలాంటిది అనేది ఒక అంచనాకి రాలేకపోతున్నారు విశ్లేషకులు.
