Vikram: తమిళ స్టార్ హీరో విక్రమ్ అంటే విపరీతమైన ఫాలోయింగ్ ఉండేది. విక్రమ్ సినిమా వస్తోంది అంటే.. సౌత్ ఇండస్ట్రీ మొత్తం ఎంతో ఆసక్తిగా ఎదురుచూసేది. పైగా విక్రమ్ కి అభిమానులు పీక్స్ లో ఉండేవారు. కానీ ప్రసుతం అందుకు పూర్తి భిన్నంగా ఉంది విక్రమ్ పరిస్థితి. విక్రమ్ హీరోగా నటించిన కొత్త సినిమా ‘మహాన్’. యాక్షన్ డ్రామాగా తెరకెక్కిన ఈ చిత్ర టీజర్ ను ఈ రోజు రిలీజ్ చేశారు. ఇందులో విక్రమ్ తో పాటు ఆయన కుమారుడు ధ్రువ్ ప్రధాన పాత్రలో నటించాడు.
కాగా కార్తిక్ సుబ్బరాజ్ దర్శకత్వం వహించిన ఈ సినిమా ఫిబ్రవరి 10న అమెజాన్ ప్రైమ్లో నేరుగా రిలీజ్ కానుంది. మద్యం సిండికేట్ నేపథ్య కథతో ఈ సినిమా తీసినట్లు టీజర్ చూస్తుంటే తెలుస్తోంది. ఈ సినిమా డైరెక్ట్ గా ఓటీటీలో రిలీజ్ కాబోతుంది. చివరకు పరిస్థితి ఎలా వచ్చింది అంటే.. విక్రమ్ సినిమాను భారీ మొత్తానికి కొనే పరిస్థితి కూడా లేదట. అందుకే ‘మహాన్’ సినిమాను ఓటీటీలో విడుదల చేస్తున్నారు.
Also Read: గోపీచంద్.. సాంగ్ ప్రోమోలో కూడా ‘పక్కా కమర్షియల్’ !
విక్రమ్ పాలోయింగ్ విషయంలో కూడా చాలా మార్పులు వచ్చాయి. గట్టిగా పదేళ్ల పాటు విక్రమ్ హవా నడిచింది, కానీ, ప్రస్తుతం విక్రమ్ పని అయిపోయింది అంటున్నారు, ‘ఐ మనోహరుడు’ సినిమాల తర్వాత విక్రమ్ కి ఉన్న మార్కెట్ కూడా పూర్తిగా పడిపోయింది. దానికి తగ్గట్టుగానే ఈ మధ్య విక్రమ్ నుంచి వచ్చిన ఏ సినిమా ఆడలేదు. మరోపక్క విక్రమ్ వయసు కూడా పెరిగింది,
ఇక విక్రమ్ కి ఎలాగూ ఈ మధ్య కాలంలో హిట్ లేదు. పైగా విక్రమ్ కొడుకు ధృవ్ కూడా హీరోగా సినిమాలు చేస్తున్నాడు. మరోపక్క విక్రమ్ కూడా హీరోగా సినిమాలను తగ్గించుకుంటూ వస్తున్నాడు. అసలు సౌత్ ఇండియా మొత్తంలో క్రేజ్ తెచ్చుకున్న ఏకైక హీరోగా అప్పట్లో విక్రమ్ కి ఫుల్ డిమాండ్ ఉండేది. ముఖ్యంగా విక్రమ్ నుంచి వచ్చిన ‘శివపుత్రుడు’ సినిమా అప్పట్లో ఓ ట్రెండ్ సెట్టర్.
అసలు ఒక హీరో ఇలా కూడా నటించొచ్చా ? అని ఆశ్చర్యపోయారు ఆ సినిమా చూసి. అంత గొప్పగా విక్రమ్ నటించాడు ఆ సినిమాలో. ఆ తర్వాత ‘అపరిచితుడు’ సినిమా విక్రమ్ స్థాయిని మరింతగా పెంచింది. ఆ రెండు చిత్రాలతో తెలుగునాట కూడ విక్రమ్ కి భారీ ఫ్యాన్స్ క్రియేట్ అయ్యారు. అయితే, కాలం ఎప్పుడు ఒకే దగ్గర ఉండదు కదా. మారుతూ ఉంటుంది. ఆ మారే క్రమంలో విక్రమ్ స్టార్ డమ్ విషయంలో కూడా అనేక మార్పులు వచ్చాయి. ఇక మహాన్ టీజర్ అయితే బాగుంది.
Also Read: ఇకపై ఇండియాలో ఒకే ఒక్క కార్డు.. అదే ఆధార్, పాన్, డ్రైవింగ్ లెసెన్సు..!
