Malavika Mohanan And Vijay: బోడి గుండుకు మోకాలికి ముడి పెట్టే వాళ్లను ఏమంటారు.. అసలు లేని సంబంధాన్ని అంటగట్టే వాళ్లను ఏమంటారు.. ఇప్పటి కాలంలో అయితే జర్నలిస్టులు సారీ సారీ సో కాల్డ్ సన్నాసులు అనాలేమో.. పైగా తాము పాత్రికేయాన్ని ఉద్దరిస్తున్నట్టు.. తాము ఉద్దండులం అన్నట్టు వీళ్ళ బిల్డప్ లు కొనసాగుతుంటాయి.. అసలు ఒక్కడికైనా సక్కగా చదువు వస్తుందా.. కనీసం డిగ్రీ వరకైనా చదువుకున్నారా.. జర్నలిజం పాఠాలు తెలుసా.. ఎలాంటి ప్రశ్నలు వేయాలి.. ఎలా సమాధానాలు తెలుసుకోవాలి.. ఎలాంటి ప్రమాణాలు పాటించాలి.. ఇవేవీ తెలియదు. గొట్టం పట్టుకోగానే ప్రతి ఒక్కడు సర్వంతర్యామి లాగా.. సర్వశక్తి సంపన్నుడిలాగా బిల్డ్అప్ ఇస్తుంటారు.
ఈ తరహా పాత్రికేయంలో తమిళనాడుకు చెందిన పాత్రికేయులు పీహెచ్డీ చేశారేమో అనిపిస్తుంది. ఎందుకంటే వారు మాట్లాడుతున్న మాటలు.. అడుగుతున్న ప్రశ్నలు బి గ్రేడ్ స్థాయి కంటే దారుణంగా ఉన్నాయి. అసలు ఎవరితో మాట్లాడుతున్నాం.. ఎలా మాట్లాడుతున్నామనే సోయి లేకుండా పోతోంది. ఆడవాళ్లను అడగకూడని ప్రశ్నలు అడుగుతున్నారు. వారు ఇబ్బంది పడుతున్నా సరే రాక్షస ఆనందం పొందుతున్నారు. అటువంటిదే ఈ సంఘటన కూడా.
తమిళనాడులో విజయ్ ప్రభుత్వం ఏర్పడింది. ముఖ్యమంత్రిగా విజయ్ కొనసాగుతున్నారు. ఆయనకు మరొక నటికి సంబంధం ఉందని వార్తలు వస్తున్నాయి. ఆ సంబంధాన్ని బలపరిచే విధంగా వారిద్దరు వివరిస్తున్నారు. అది వారిద్దరి వ్యక్తిగత ఇష్టం. అలా ఉండదు అని చెప్పడానికి ఎవరికీ ఎటువంటి అధికారం లేదు. కానీ కొంతమంది తమిళ పాత్రికేయులకు విజయ్, ఆ నటి వ్యవహారంలో ఇంకా ఏదో తెలుసుకోవాలని ఆసక్తి పెరిగింది. కాకపోతే ఇటువంటి ఆలోచన పాత్రికేయులకు రావడం దుర్మార్గం. ఎందుకంటే వ్యక్తిగతంగా ఎవరి ప్రైవసీ వారికి ఉంటుంది. దానిని గౌరవించాలి. అలా కాకుండా పిచ్చిపిచ్చిగా ప్రవర్తిస్తే ఇదిగో ఇలానే ఉంటుంది.
మాళవిక మోహనన్ అనే నటి విజయ్ తో కలిసి మాస్టర్ అనే సినిమాలో నటించింది. ఆ సినిమా బాగానే ఆడింది. ఆ సినిమా తర్వాత మాళవికకు అవకాశాలు వచ్చాయి. మాస్టర్ సినిమాలో విజయ్ తో స్క్రీన్ పంచుకునే అవకాశం కూడా మాళవికకు ఎక్కువ లభించింది. మాళవిక ఇప్పుడు సినిమాలతో చాలా బిజీగా ఉంది. ఇటీవల ఓ సినిమా ప్రమోషన్ కు సంబంధించి తమిళనాడు వచ్చింది. అక్కడ ఆమెకు విలేకరుల నుంచి రకరకాల ప్రశ్నలు ఎదురయ్యాయి..”విజయ్ త్రిషతో వెళ్ళినట్టుగానే.. మీతో కూడా వెళ్తుంటారా.. లేదా మీరు కూడా ఆయనతో వెళ్తుంటారా.. మీరు ఆయనతో వెళ్లినట్టు వార్తలు వచ్చాయి కదా.. దీనిపై మీ స్పందన ఏంటి” ఈ ప్రశ్నను ఓ విలేఖరి మాళవికను అడగగానే ఆమె ముఖం మాడిపోయింది. ఆ ప్రశ్నకు ఏం సమాధానం చెప్పాలో అర్థం కాలేదు. ఆ తర్వాత ఆ విలేకరి ముఖం ఒకసారి చూసింది.
అక్కడ జనం ఉన్నారు కాబట్టి సరిపోయింది. లేకుంటే చెప్పుతో కొట్టేదేమో. తప్పులేదు.. అటువంటి ప్రశ్నలు అడిగే సన్నాసులకు జర్నలిస్టులం అని చెప్పుకునే కనీస అర్హత లేదు. ఇటువంటి వారి వల్లే కదా పాత్రికేయాన్ని ఎవడూ నమ్మనిది.. అసలు ఆ ప్రశ్న ఎలా ఉందంటే.. మీరు కూడా విజయ్ తో సంబంధం కలిగి ఉన్నారు కదా.. అన్నట్టుగా ఉంది. మాళవికకు ఎంతో భవిష్యత్తు ఉంది. రేపట్నాడు ఆమెన్ వైవాహిక జీవితంలోకి అడుగుపెడుతుంది. అప్పుడు ఆమె పరిస్థితి ఎలా ఉంటుంది.. అందువల్లే ఇటువంటి లేకి సన్నాసులు పాత్రికేయంలోకి రాకూడదు. పాత్రికేయులమని చెప్పుకోకూడదు.
View this post on Instagram
