Vijay Devarakonda Helth: నటుల జీవితం అంత ఈజీ కాదు. వారి లైఫ్ స్టైల్ రీత్యా ఆరోగ్య సమస్యలు తలెత్తే ఆస్కారం ఉంటుంది. తీరిక లేని షెడ్యూల్స్, అసమయ భోజనాలు ఆరోగ్యాన్ని దెబ్బతీస్తాయి. హీరోలైతే ప్రమాదకర స్టంట్స్ చేయాల్సి ఉంటుంది. దీంతో అప్పుడప్పుడు ప్రమాదాల బారినపడుతూ ఉంటారు. కొన్ని స్టంట్స్ చేస్తూ ప్రాణాలు కోల్పోయిన హీరోలు, నటులు కూడా ఉన్నారు. కాగా విజయ్ దేవరకొండ చాలా కాలంగా భుజం గాయంతో బాధపడుతున్నారట. సినిమాల్లోకి రాక ముందు విజయ్ దేవరకొండకు ఈ గాయమైందట. అప్పుడప్పుడు ఇది బయటపడి ఇబ్బంది పెడుతుంది.
లైగర్ మూవీ షూట్లో విజయ్ దేవరకొండకు ఈ సమస్య తిరగబెట్టిందట. దర్శకుడు పూరి జగన్నాధ్ లైగర్ మూవీలో విజయ్ ని ప్రొఫెషనల్ ఫైటర్ గా చూపించాడు. ఫైటర్ రోల్ కోసం విజయ్ కొన్ని యుద్ధ విద్యల్లో శిక్షణ తీసుకున్నాడు. భీకర పోరాట సన్నివేశాల్లో నటించారు. ఈ క్రమంలో ఆయన గాయం తీవ్రత పెరిగింది. కొన్ని నెలలుగా విజయ్ దేవరకొండ చికిత్స తీసుకుంటున్నారు. ఎట్టకేలకు గాయం నుండి కోలుకున్నారు. ఈ విషయాన్ని తెలియజేస్తూ విజయ్ ఇంస్టాగ్రామ్ పోస్ట్ చేశారు.
విజయ్ ని దీర్ఘకాలంగా వేధిస్తున్న భుజం గాయం నుండి బయటపడ్డారని తెలుసుకొని ఫ్యాన్స్ ఆనందం వ్యక్తం చేస్తున్నారు. కాగా లైగర్ కోసం విజయ్ చాలా కష్టపడ్డారు. కఠిన కసరత్తులు చేసి సిక్స్ ప్యాక్ చేశారు. మార్షల్ ఆర్ట్స్ నేర్చుకున్నాడు. దుమ్మురేపే హై వోల్టేజ్ యాక్షన్ సన్నివేశాలు ఉన్నప్పటికీ లైగర్ మూవీలో కథ, కంటెంట్ లేకపోవడంతో దారుణ పరాజయం చవి చూసింది. హైప్ నేపథ్యంలో భారీ ధరలకు లైగర్ హక్కులు దక్కించుకున్న బయ్యర్లు తీవ్రంగా నష్టపోయారు. నష్టాలు తిరిగి చెల్లించే విషయంలో దర్శక నిర్మాత పూరితో బయ్యర్లకు వివాదం నెలకొంది.
చివరకు విజయ్ దేవరకొండ సైతం రెమ్యూనరేషన్ కోల్పోయారన్న వాదనలు ఉన్నాయి. సినిమా విడుదల తర్వాత తీసుకుంటానని చెప్పిన విజయ్ దేవరకొండకు మొండి చేయి ఇచ్చారంటున్నారు. లైగర్ ఫలితం విజయ్ కెరీర్ పై నెగిటివ్ ప్రభావం చూపింది. లైగర్ విడుదలకు ముందే పూరి-విజయ్ జనగణమన ప్రాజెక్ట్ స్టార్ట్ చేశారు. అది కాస్తా ఆగిపోయింది. లైగర్ ఫలితం చూశాక జనగణమన నిర్మాతలు ప్రాజెక్ట్ నుండి వెళ్లిపోయారు. ప్రస్తుతం విజయ్ దేవరకొండ శివ నిర్వాణ దర్శకత్వంలో ఖుషి మూవీ చేస్తున్నారు.
