Deepika Padukone in Project K: ఒక్కో అప్డేట్ ప్రాజెక్ట్ కే మూవీపై అంచనాలు పెంచేస్తుంది. న్యూ ఇయర్ సందర్భంగా ఓ మేకింగ్ వీడియో విడుదల చేశారు. సదరు వీడియోలో ఒక టైర్ ని రూపొందించడం కోసం రోజుల తరబడి పని చేశారు. ఆ టైర్ డిజైన్ చేయడానికి ప్రత్యేక బృందం పని చేసింది. ప్రాజెక్ట్ కే మూవీలో వాడే వాహనాలు, వస్తువులు, ఆయుధాలు స్కార్ఫ్ లో తయారు చేయాలని దర్శకుడు నాగ్ అశ్విన్ తెలిపారు. స్కార్ఫ్ విజువల్ ప్రోగ్రామింగ్ లాంగ్వేజ్. ఈ సాంకేతికతను ప్రాజెక్ట్ కే షూటింగ్ కోసం వాడుతున్నారు.
కాగా ప్రాజెక్ట్ కే మూవీలో దీపికా పదుకొనె హీరోయిన్ గా నటిస్తున్న విషయం తెలిసిందే. నేడు దీపికా పదుకొనె బర్త్ డే. ఈ సందర్భంగా ఆమె ప్రీ లుక్ విడుదల చేశారు. హాలీవుడ్ మూవీస్ లో కనిపించే లేడీ వారియర్ ని దీపికా తలపిస్తున్నారు. ప్రీ లుక్ చూశాక ఆమె పూర్తి గెటప్ చూడాలన్న ఆసక్తి పెరిగిపోయింది. సదరు పోస్టర్ లో ‘హోప్ ఇన్ ది డార్క్’ అని కోట్ రాశారు. ఆశలు వదులుకున్న వేళ చివరి ఆశ అని దానర్థం. ఈ ఒక్క కోట్ చాలు ప్రాజెక్ట్ కే మూవీలో దీపికా రోల్ ఎంత కీలకమో చెప్పడానికి.
ప్రాజెక్ట్ కే కథను మలుపు తిప్పే బలమైన పాత్ర ఆమె చేస్తూ ఉండవచ్చు. గ్లాడియేటర్, ట్రాయ్ వంటి ఆల్ టైం హాలీవుడ్ బ్లాక్ బస్టర్ చిత్రాలను దీపికా ప్రీ లుక్ తలపించింది. హీరోయిన్ దీపికా లుక్ నే ఇలా ఉంటే… ఇక ప్రభాస్ లుక్ అంచనాకు కూడా అందడం లేదు. ప్రభాస్ ఫ్యాన్స్ కోరుకుంటున్న దానికి పది రెట్ల హై దర్శకుడు నాగ్ అశ్విన్ ఇస్తాడనిపిస్తుంది.
దాదాపు రూ. 500 కోట్ల బడ్జెట్ తో ప్రాజెక్ట్ కే తెరకెక్కుతుంది. ఇది పాన్ ఇండియా కాదు పాన్ వరల్డ్ మూవీ అని నాగ్ అశ్విన్ ఇప్పటికే చెప్పారు. తన మాటల్లోని విశ్వాసం పోస్టర్స్ లో కనిపిస్తుంది. సైన్స్ ఫిక్షన్ జోనర్లో ప్రాజెక్ట్ కే తెరకెక్కిస్తున్నారు. మూవీ టైం ట్రావెల్ స్టోరీ అనే ప్రచారం కూడా జరుగుతోంది. దిశా పటాని మరో హీరోయిన్ గా నటిస్తున్నారు. బిగ్ బి అమితాబ్ కీలక రోల్ చేస్తున్నారు. ప్రాజెక్ట్ కే 2024లో విడుదలయ్యే అవకాశం కలదు.
Here’s wishing our @deepikapadukone a very Happy Birthday.#ProjectK #HBDDeepikaPadukone pic.twitter.com/XfCbKapf25
— Vyjayanthi Movies (@VyjayanthiFilms) January 5, 2023
[…] […]