Trisha Krishnan New Movie: హీరోయిన్ త్రిష కి ప్రస్తుతం జాతకం మామూలు రేంజ్ లో నడవడం లేదు. తమిళనాడు రాష్ట్ర ముఖ్యమంత్రి ఆమెకు త్వరలోనే భర్త కాబోతున్నాడు, మరోపక్క సినీ కెరీర్ కూడా దూసుకుపోతుంది. సాధారణంగా 40 ఏళ్ళ వయస్సులోకి అడుగుపెట్టిన ఏ హీరోయిన్ కూడా క్రేజీ ప్రాజెక్ట్స్ లో అవకాశాలు సంపాదించుకోలేరు. కానీ త్రిష మాత్రం వరుసగా క్రేజీ పాన్ ఇండియన్ సినిమాల్లో హీరోయిన్స్ రోల్స్ ని సొంతం చేసుకుంటూ ముందుకు దూసుకుపోతుంది. అందం తో పాటు, అద్భుతంగా నటించగలదు కాబట్టే , ఆమెకు ఈ స్థాయిలో అవకాశాలు వస్తున్నాయి, పైగా సీఎం కి అత్యంత సన్నిహితం కాబట్టి , ఆమె కెరీర్ కి మరో పదేళ్ల పాటు ఎలాంటి డోకా లేదు. రీసెంట్ గా ఆమె హీరోయిన్ గా నటించిన ‘కరప్పు’ చిత్రం మే 14 న ప్రపంచవ్యాప్తంగా తెలుగు, తమిళ భాషల్లో గ్రాండ్ గా రిలీజ్ అవ్వబోతుంది.
సూర్య హీరో గా నటించిన ఈ సినిమాపై ప్రేక్షకుల్లో భారీ అంచనాలు ఉన్నాయి. ఈ చిత్రం సంగతి కాసేపు పక్కన పెడితే హీరోయిన్ త్రిష ఖాతాలో మరో బంపర్ ఆఫర్ వచ్చి చేరింది. త్వరలోనే సూపర్ స్టార్ రజినీకాంత్, కమల్ హాసన్ కాంబినేషన్ లో మల్టీస్టార్రర్ చిత్రం తెరకెక్కబోతున్న సంగతి తెలిసిందే. ఈ సినిమాకు ‘జైలర్’ ఫేమ్ నెల్సన్ దిలీప్ కుమార్ దర్శకత్వం వహించబోతుండగా, అనిరుద్ సంగీతం అందించబోతున్నాడు. ఈ సినిమాకు సంబంధించిన ప్రకటన వీడియో కి కూడా సెన్సేషనల్ రెస్పాన్స్ వచ్చింది. అయితే ఈ చిత్రంలో ఒక హీరోయిన్ పాత్ర కోసం త్రిష ని ఎంచుకున్నారట, రీసెంట్ గానే ఆమె అగ్రిమెంట్ మీద కూడా సంతకం చేసిందని టాక్. మరో హీరోయిన్ పాత్ర కోసం ఎవరిని తీసుకోబోతున్నారు అనేది ప్రస్తుతానికి సస్పెన్స్. ఈ ఏడాది లోనే ఈ చిత్రం సెట్స్ మీదకు వెళ్లబోతుందట.
ఒకపక్క తనకు బాగా కావాల్సిన వాళ్ళు రాజకీయాల్లో పెద్ద స్థాయిలో ఉన్నారు, త్వరలో ఆమె కూడా ఒక బలమైన బాధ్యతలను చేప్పట్టబోతోంది , మరోపక్క సినీ కెరీర్ పరంగా కూడా పీక్ రేంజ్ ని ఎంజాయ్ చేస్తోంది. నటిగా, మనిషిగా ఇంతకు మించిన ఆనందం, సక్సెస్ ఏమి ఉంటుంది చెప్పండి?, రాబోయే రోజుల్లో త్రిష మేనియా ఏ స్థాయిలో ఉండబోతుందో చూడాలి. ఇకపోతే తెలుగు లో త్రిష విశ్వంభర చిత్రం చేసింది. మెగాస్టార్ చిరంజీవి హీరో గా నటించిన ఈ సోషియో ఫాంటసీ చిత్రం ఈ ఏడాది జులై నెలలో ప్రేక్షకుల ముందుకు వచ్చే అవకాశాలు ఉన్నాయి.
