Pushpa: స్టైలిస్ట్ స్టార్ అల్లు అర్జున్ హీరోగా సుకుమార్ దర్శకత్వంలో రానున్న పాన్ ఇండియా సినిమా పుష్ప. భారీ బడ్జెట్తో తెరకెక్కుతోన్న ఈ సినిమా నుంచి రోజుకో అప్డేట్తో హైప్ పెంచుతున్నారు. ఇటీవల విడుదలైన ఈ సినిమా పాటలు, పోస్టర్లు ప్రేక్షకులను ఎంతగానో ఆకట్టుకన్నాయి. ఎర్రచందనం స్మగ్లింగ్ నేపథ్యంలో తెరకెక్కుతోన్న ఈసినిమాలో బన్నీ.. పూర్తి పల్లెటూరి మొరటోడిగా మాస్లుక్లో కనిపించనున్నారు.
ప్రస్తుతం సినిమా షూటింగ్ను శరవేగంగా పూర్తి చేసే పనిలో ఉన్నారు సుకుమార్. తాజాగా, ఈ సినిమా నుంచి నాల్గో సింగిల్ విడుదలైంది. బన్నీతో పాటు ఆయన అభిమానులు ఎంతగానో ఎదురుచూస్తున్న ఈ మాస్ట్ ఫీస్ట్ సాంగ్ ఏయ్ బిడ్డా ఇది నా అడ్డా పాట ఎట్టకేలపై విడుదలైంది. అభిమానుల అంచనాలకు తగ్గట్లుగానే దేవిశ్రీ ప్రసాద్ స్వరాలు అందిచారు. కాగా, నకాశ్ అజీజ్ ఈ పాటను పాడగా.. చంద్రబోస్ లిరిక్స్ అందిచారు.
ఈ క్రమంలోనే ప్రస్తుతం ఈ పాట సోషల్మీడియాలో ట్రెండింగ్గా మారింది. ఈ సినిమా నుంచి ఇప్పటి వరకు మూడు సింగిల్స్ ‘దాక్కో దాక్కో మేక, శ్రీవల్లి, సామి సామి’ సాంగ్ విడుదల కాగా, ఈ పాటలన్నీ హిట్గా నిలిచాయి. ఈ సినిమాలో రష్మిక హీరోయిన్గా కనిపించనుంది. డిసెంబరు 17న విడుదలకు సిద్దమైన ఈ సినిమా తెలుగుతో పాటు, హిందీ, మలయాళం, కన్నడ, భాషల్లోనూ పలకరించనుంది. మైత్రీ మూవీ మేకర్స్ ఈ సినిమాను నిర్మిస్తోంది. జగపతి బాబు, సునీల్, అనసూయ సినిమాలో కీలక పాత్రలు పోషిస్తున్నారు. ఇప్పటి వరకు తన కెరీర్లో ఎప్పుడూ కనిపించని విభిన్నమైన పాత్రలో బన్నీ ఈ మూవీలో కనిపించనున్నారు. ఈ క్రమంలోనే సినిమా కోసం అభిమానులు ఎంతో ఆసక్తిగా ఎదురుచూస్తున్నారు.
