Shivakartikeyan: రెమో, కౌసల్య కృష్ణమూర్తి వంటి సినిమాలతో తెలుగు ప్రేక్షకులకు సుపరిచితమైన తమిళ స్టార్ హీరో శివకార్తికేయన్. సినీ ఇండస్ట్రీలో అడుగుపెట్టిన అతి తక్కువ కాలంలోనే స్టార్ హీరోగా మారాడు. ప్రస్తుతం వరుస చిత్రాలతో తెలుగు, తమిళ ప్రజలను పలకరిస్తూ మంచి ఫ్యాన్ ఫాలోయింగ్ సంపాదించుకున్నాడు. కాగా, ఇటీవల వరుణ్ డాక్టర్ సినిమాతో పలకరించిన శివ.. బాక్సాఫీసు వద్ద మంచి టాక్ అందుకున్నాడు.
ఈ క్రమంలోనే శివకార్తికేయన్ సినిమాలకు మార్కెట్లో డిమాండ్ పెరిగిపోయింది. ఈ క్రేజ్తోనే భారీ రెమ్యునరేషన్ తీసుకుంటున్నట్లు తెలుస్తోంది. ప్రస్తుతం శివకార్తికేయన్ ఒక్కో సినిమాుక రూ.27కోట్లు నుంచి 35 కోట్ల వరకు రెమ్యునరేషన్ తీసుకుంటున్నట్లు సమాచారం. అయితే, తక్కువ టైమ్లో ఇంత పారితోషకం డిమాండ్ చేసే స్థాయికి శివకార్తికేయన్ రావడం చూసి అందరూ ఆశ్చర్యపోతున్నారు.
మరోవైపు, అతనికున్న ఫ్యాన్ఫాలోయింగ్, క్రేజ్ వల్ల మేకర్స్ కూడా అందుకు వెనక్కి తగ్గడంలేదట. ప్రస్తుతం శివకార్తికేయన్ అయలాన్, డాన్ సినిమాల్లో నటిస్తున్నారు. ప్రస్తుతం అయలాన్ షూటింగ్ పూర్తి కాగా.. డాన్ సెట్స్పై నడుస్తోంది. కాగా, తెలుగులో కౌసల్య కృష్ణమూర్తి సినిమాతో తొలిసారి కనిపించారు శివకార్తికేయన్. త్వరలోనే పూర్తి తెలుగు సినిమాతో ప్రేక్షకుల ముందుకు వచ్చే అవకాశాలున్నట్లు తెలుస్తోంది.
రెమో సినిమాతో మంచి క్రేజ్ తెచ్చుకున్న శివకార్తికేయన్.. అందులో లేడీ గెటప్ కూడా వేసి మెప్పించారు. కాగా, ఇందులో కీర్తి సురేశ్ హీరోయిన్గా నటించింది. మంచి రొమాంటిక్ ఎంటర్టైనర్గా తెరకెక్కిన ఈ సినిమా ప్రేక్షకులను అలరించింది.
