RRR: ప్రస్తుతం టాలీవుడ్లో ఉన్న టాప్ స్టార్ దర్శకుల్లో ఒకరిగానే కాకుండా.. ఆల్ ఇండియా లెవెల్లో గుర్తింపు తెచ్చుకున్న దర్శకుడు ఎస్ ఎస్ రాజమౌళి. బాహుబలి వంటి ప్రతిష్టాత్మక చిత్రాలతో భారతీయ సినిమా ఖ్యాతిని ఇంకో స్థాయిలో నిలబెట్టిన జక్కన రాజమౌళి. తాజాగా, ఈయన తెరకెక్కిస్తోన్న సినిమా ఆర్ఆర్ఆర్. మెగా పవర్స్టార్ రామ్చరణ్ తేజ్, ఎన్టీఆర్ హీరోలుగా ఈ సినిమాను రూపొందిస్తున్నారు. ఇటీవల విడుదలైన ప్రోమోలు, గ్లింప్స్ సినిమాపై ఓ రేంజ్ హైప్ క్రియేట్ అవుతోంది. అయితే, ఒక దర్శకుడిగా ప్రేక్షకులు ఏం కోరుకుంటారో రాజమౌళికి బాగా తెలుసు. ఎమోషన్స్, డాన్సులు, మ్యూజిక్, ఫైట్స్ ఇలా అన్ని కీలక అంశాలపై తనదైన ముద్రను రాజమౌళి సినిమాల్లో మనం చూశాం.
కానీ, ఈగ, నుంచి బాహుబలి వరకు రాజమౌళి సినిమాల్లో డాన్స్ను చాలా తక్కువగా చూస్తున్నాం. యమదొంగ, మగధీర సినిమాల్లో ఎన్టీఆర్, చరణ్ లతో చేయించిన సాంగ్స్ ట్రెండ్ సెట్టింగ్ డాన్స్ స్టెప్స్ ఇప్పటికీ వారి అభిమానులకు ఫేవరేట్ స్టెప్పులుగా ఉన్నాయి. రవితేజ, ప్రభాస్ లతోనే అప్పట్లో సాలిడ్ సాంగ్స్ చేయించారు రాజమౌళి.
కాగా, ఇన్నేళ్ల తర్వాత మళ్లీ ఆర్ఆర్ఆర్ మూవీలో ఇద్దరు హీరోలతో కలిసి మాస్ స్టెప్పులు వేయించేందుకు సిద్ధమయ్యారు రాజమౌళి. ఇందుకు సంబంధించిన పోస్టర్ నెట్టింట వైరల్గా మారింది. కాగా, ఇన్నేళ్ల తర్వాత తమ మార్క్ను చూపిస్తూ.. సిల్వర్ స్క్రీన్పై ఇద్దరు మాస్ హీరోలను ఒకే ఫ్రేమ్లో తీసుకొస్తున్నారు జక్కన్న. నవంబరు 10న చెర్రి, తారక్ కలిసి స్టప్పులేసిన సాంగ్ వీడియో విడుదల కానుంది. ఈ క్రమంలోనే ఇన్ని సంవత్సరాల తర్వాత రాజమౌళిని తన వింటేజ్ స్టైల్తో చూడబోతున్నామని చెప్పుకోవాల్సి వచ్చింది.
