Spider Man Brand New Day : ప్రపంచవ్యాప్తంగా ‘స్పైడర్ మ్యాన్ – బ్రాండ్ న్యూ డే’ చిత్రానికి వస్తున్న వసూళ్లను చూస్తుంటే , హాలీవుడ్ లో ఆల్ టైం రికార్డు గ్రాసర్ గా నిల్చిన ‘ఎవెంజర్స్ ఎండ్ గేమ్’ మూవీ ఫైనల్ గ్రాస్ ని దాటేస్తుందేమో అనే సందేహాన్ని వ్యక్తం చేస్తున్నారు ట్రేడ్ విశ్లేషకులు. ప్రపంచవ్యాప్తంగా ఈ చిత్రానికి అత్యధిక వసూళ్లను అందిస్తున్న దేశాల్లో , మన ఇండియా టాప్ 4 లో ఉందంటే నమ్ముతారా? , కానీ నిజంగానే ఉంది. మన పాన్ ఇండియన్ స్టార్ హీరోలకు కూడా సాధ్యం అవ్వని వసూళ్లను రాబడుతూ ఈ చిత్రం ముందుకు దూసుకువెళ్తోంది. 6 వ రోజున కూడా ఈ చిత్రానికి ఇండియన్ బాక్స్ ఆఫీస్ వద్ద 22 కోట్ల రూపాయిల నెట్ వసూళ్లు నమోదు అయ్యాయి. దీనిని బట్టే చెప్పొచ్చు , ఈ సినిమా రన్ ఎంత స్టడీ గా ఉంది అనేది.
రోజుల వారీగా ఈ చిత్రానికి ఇండియన్ బాక్స్ ఆఫీస్ దగ్గర వచ్చిన వసూళ్లను ఒకసారి పరిశీలిస్తే మొదటి రోజున 61 కోట్లు , 2 వ రోజున 48 కోట్ల 30 లక్షలు , 3 వ రోజున 70 కోట్ల 80 లక్షలు , 4 వ రోజున 77 కోట్ల 50 లక్షలు, 5 వ రోజున 23 కోట్ల 60 లక్షలు , 6 వ రోజున 22 కోట్ల రూపాయిల నెట్ వసూళ్లు నమోదు అయ్యాయి. ఓవరాల్ గా ఈ చిత్రానికి 303 కోట్ల రూపాయిల నెట్ వసూళ్లు నమోదు అయ్యాయి. ఇది 3D గ్లాస్ చార్జీలు మినహాయించి. 3D గ్లాస్ చార్జీలతో కలిపి చూస్తే 410 కోట్ల రూపాయిల గ్రాస్ వసూళ్లు , 340 కోట్ల రూపాయిల నెట్ వసూళ్లు వచ్చినట్టు చెప్తున్నారు ట్రేడ్ విశ్లేషకులు.
ఓవరాల్ ప్రపంచవ్యాప్తంగా ఈ చిత్రానికి 1.1 బిలియన్ డాలర్లకు పైగా గ్రాస్ వసూళ్లు ఇప్పటి వరకు నమోదు అయ్యాయి. మన ఇండియన్ కరెన్సీ లెక్కల్లో చూస్తే 10 వేల కోట్లకు పైగా గ్రాస్ అన్నమాట. ఇక తెలుగు రాష్ట్రాల విషయానికి వస్తే తెలంగాణ ప్రాంతం నుండి ఈ చిత్రానికి 28 కోట్ల రూపాయిల రేంజ్ లో గ్రాస్ వసూళ్లు నమోదు అవ్వగా , ఆంధ్ర ప్రదేశ్ నుండి ఇప్పటి వరకు 14 కోట్ల రూపాయిల గ్రాస్ వసూళ్లు నమోదు అయ్యాయి . అంటే రెండు తెలుగు రాష్ట్రాలకు కలిపి 42 కోట్ల రూపాయిల గ్రాస్ వసూళ్లు ఇప్పటి వరకు వచ్చాయట. ఊపు చూస్తుంటే కచ్చితంగా ఈ చిత్రం ఫుల్ రన్ లో తెలుగు రాష్ట్రాల నుండి 100 కోట్ల గ్రాస్ మార్కుని అందుకున్న ఏకైక ఇంగ్లీష్ చిత్రం గా సరికొత్త రికార్డు ని నెలకొల్పనుంది అంటూ ట్రేడ్ విశ్లేషకులు అంచనా వేస్తున్నారు.
