Bigg Boss 10 Telugu: ‘బిగ్ బాస్ 10’ ప్రేక్షకుల అంచనాలను మించిపోయింది. ముఖ్యంగా జియో హాట్ స్టార్ లో వచ్చే లైవ్ కి ఆడియన్స్ నుండి అద్భుతమైన రెస్పాన్స్ వస్తోంది. ఇప్పటి వరకు హాట్ స్టార్ లో ఈ లైవ్ ని దాదాపుగా 2 కోట్ల 20 లక్షల మంది వీక్షించారు. ఇది ఒక రికార్డు అని చెప్పొచ్చు. అయితే హాట్ స్టార్ లైవ్ లో కాసేపటి క్రితమే నామినేషన్స్ ప్రక్రియ పూర్తి అయ్యింది. నేడు రాత్రి ఈ ప్రక్రియ కి సంబంధించిన ఎపిసోడ్ టెలికాస్ట్ కానుంది. అయితే ఈ నామినేషన్స్ ప్రక్రియ ఊహించిన దానికంటే మంచి ఫైర్ మీద సాగింది. ముఖ్యంగా సుధీర్ రెడ్డి ఇచ్చిన ట్విస్ట్ కి పాపం త్రిగున్ బుర్ర బ్లాస్ట్ అయ్యింది అనే చెప్పాలి. ఈ రేంజ్ లో ట్విస్ట్ ఇస్తాడని కలలో కూడా ఊహించలేకపోయారు త్రిగున్.
అతని సంగతి కాసేపు పక్కన పెడితే , ఈ నామినేషన్స్ ప్రక్రియ లో అసలు సంబంధమే లేని వర్షిణి, షాలిని కొట్లాడుకోవడం మరో హైలైట్ గా నిల్చింది. పూర్తి వివరాల్లోకి వెళ్తే , నరేష్ షాలిని ని నామినేట్ చేసి పాయింట్స్ చెప్పిన వెంటనే , సెలబ్రిటీ కంటెస్టెంట్స్ చప్పట్లు కొట్టడం మొదలు పెట్టారు. దీనికి ట్రిగర్ అయినటువంటి షాలిని , ఇలా ఒకరి నామినేషన్స్ లో సంబంధం లేకపోయినా మధ్యలో దూరి చప్పట్లు కొట్టడం చాలా తప్పు అనిపిస్తోంది , అది సదరు కంటెస్టెంట్ ని అవమానించినట్టుగా నేను భావిస్తాను అంటూ చెప్పుకొచ్చింది షాలిని. అయితే త్రిగున్ ఎప్పుడైతే రోహిత్ ని నామినేట్ చేస్తూ పాయింట్స్ పెట్టాడో, అప్పుడు ఆయన అగ్ని పరీక్ష గ్రూప్ టాపిక్ ని తీసుకొస్తాడు. రోహిత్ ఈ పాయింట్ మీద డిఫెండ్ చేస్తున్నప్పుడు షాలిని మధ్యలో చొరవ తీసుకొని , కరెక్ట్ గా చెప్పావు , నీతో నేను కూడా అంగీకరిస్తున్నాను అని అంటుంది.
దీనికి వర్షిణి మధ్యలో రియాక్ట్ అవుతూ, ఇందాక చప్పట్లు కొట్టినప్పుడు పెద్ద క్లాస్ పీకావు , ఇప్పుడు నువ్వు చేసింది ఏంటి?, వాళ్ళిద్దరి నామినేషన్ లో నువ్వు ఎందుకు మధ్యలో దూరావు అంటూ ప్రశ్నించింది. దీనికి షాలిని సమాధానం ఇస్తూ ‘అగ్ని పరీక్ష’ టాపిక్ తీసుకొచ్చారు కాబట్టి , ఆ గ్రూప్ లో నేను కూడా ఉన్నాను కాబట్టి రియాక్ట్ అవ్వాల్సి వచ్చింది అని అంటుంది. ఈ విషయం పై ఇద్దరు వాదనలు చేసుకున్నారు, కొట్లాట వరకు వెళ్ళింది. షాలిని వర్షిణి మీదకు వెళ్తున్నప్పుడు , వర్షిణి ఆమెని నెట్టేయడం హాట్ టాపిక్ గా మారిన అంశం. వీకెండ్ లో ఈ అంశం పై నాగార్జున వీళ్లిద్దరికీ ఫుల్ క్లాస్ పీకే అవకాశం ఉంది.
